Intembauzyo 99
99
1Mwami Leza nguulela aboobo bamasi bakankame,
ulikkede akati kabakelebu, nyika ilazungaana.
2Mwami Leza uukkede Muziyoni mupati, ulatembaulwa abamasi boonse.
3Abatembaule zina lyako lipati liyoosya. Nduwe uusalala.
4Mwami ngusinguzu, ulayanda ziluleme, waleta mbeta ziluleme
Muisilayeli, wabikka bululami akutasalulula.
5Amutembaule Mwami Leza wesu, amumukombe kucuuno cakwe cabwami,
nkaambo walo ulasalala.
6Mozesi a Aloni bakali bamwi babapaizi bakwe,
Samuyele wakali wabaabo bakali kwiita zina lyakwe mukukomba.
Nibakali kumwiita Mwami Leza, wakali kubavuwa.
7Wakali kukanana kulimbabo kuzwa mumusumpuululu wakkumbi,
bakabamba mbeta amalailile aayo ngaakabapa.
8O Mwami Leza wesu, yebo wakabavuwa, wakali Leza uulekelela Baisilayeli.
Nikuba kuti zimwi ziindi wakali kubasubula, wakali kubasubula akaambo kakubisya kwabo.
9Amutembaule Mwami Leza wesu, mumukombe muciindi cakwe cisalala,
nkaambo Mwami Leza ulasalala.
Currently Selected:
Intembauzyo 99: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
