Intembauzyo 53
53
(Intembauzyo 14)
Lwiimbo lwa Devedi. Mweendelezi aimbye bwiimbwa nyimbo zya Mahalati a Masikili
1Bafuba-fuba balati, “Kkaa! Taakwe Leza pe.”
Bantu aaba mbabi milimo yabo ilasesemya.
Kunyina naba omwe uucita kabotu.
2Kuzwa kujulu Leza ulabalanga bantu baansi
kuti abone naa kuli bamwi basongo,
bayandaula kukukomba Leza.
3Pele boonse basweeka, mbabi boonse buyo,
kunyina naba omwe uucita kabotu, peepe, taakwe.
4Sena basizibi banyina luzibo? Balida bantu bangu mboobalya cilyo,
alimwi tabaiti Mwami Leza mukukomba.
5Pele bayooyoowa kakunyina acibakonga pe,
Leza uyoomwaya zifuwa zyabaabo bamulwana,
muyoobausya nsoni nkaambo Leza wabasampaula.
6Akaka lufutuko lwa Baisilayeli nilwakazwida Muziyoni,
ciindi Mwami Leza waakuboozezya bantu bakwe buvubi,
nayoobaleleka ndindilyo Jakobo abantu Baisilayeli nibayootangala.
Currently Selected:
Intembauzyo 53: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
