Intembauzyo 52
52
Kumweendelezi wanyimbo. Masikili wa Devedi ciindi Doyegi Muedomu naakainka kuli Saulu akuyoomwaambila kuti, “Devedi wainka kuŋanda ya Ahimeleki”
1Omwaalumi sintanze, nkaambo nzi ncolikankaizizya bubi?
Luyando lwa Leza ndwalyoonse.
2Ukanza zyakunyonyoona amulaka wako,
uli mbuli mbeli iibosya kapati.
Zyalweeno nzyolengelezya lyoonse.
3Bubi mboyandisya kwiinda bubotu, kubeja nkoyandisya kwiinda kwaamba zyabwini.
4Yebo omulaka uubeja, uyandisya majwi aacisa bamwi.
5Masimpe, Leza uyookunyonyweeda limwi,
uyookujata akukukwamauna mutente lyako, uyookugwisya munyika yabaumi.
6Baakubona oobo baluleme bayooyoowa, bayoomuseka kabayooti,
7“Ngooyu muntu watakacita kuti Leza abe mayubilo aakwe,
wakasyoma kuvula kwalubono lwakwe, wakazumanana mukucitila bamwi zibi.”
8Mebo ndimbuli musamu waoliva uukomena muŋanda ya Leza.
9Akaambo kaceeco ncookacita, O Leza, ndinookulumba lyoonse,
ndinookusyoma nkaambo uli mubotu,
ndinootembaula zina lyako mumbungano yabasalali bako.
Currently Selected:
Intembauzyo 52: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
