Intembauzyo 48
48
Lwiimbo lwabana ba Kola
1Mmupati Mwami Leza, mumunzi wa Leza wesu
ngonguwe ngotweelede kutembaula,
ngotweelede kutembaula mucilundu cakwe cisalala.
2Nimuba mubulamfu bwaco boonse cileebeka,
nyika yoonse ilacitangalila,
amulange kulampa kwansonga yacilundu cisalala,
ncecilundu ca Ziyoni munzi wa Mwami mupati.
3Leza ulatondezya kuti nguukwabilila munzi ooyo,
nguujanika munkwakwa zyawo.
4Bakabungana antoomwe bami, kabayanda kuulwana.
5Nibakuubona bakayoowa, bagambwa, batija.
6Bakakankama kapati, bamvwa nsungo,
nsungo mbuli zyamukaintu uuyanda kutumbuka.
7Wakabanyonyoona mbuli mato aaku Taasyisyi,
mato aatyoloolwa aguwo lyakujwe.
8Twalibonena mbubonya mbuli mbutwakamvwide,
tuubona munzi wa Mwami Leza Singuzuzyoonse,
ooyo munzi wa Mwami Leza wesu,
munzi ooyo Leza ngwakwabilila lyoonse alyoonse.
9Tuyeeya zyaluyando lwako lutazungaani,
tuziyeeyela muŋanda yako O Leza.
10Ulatembaulwa mbuli bubede zina lyako O Leza,
ulatembaulwa mane do kumagolelo aanyika yoonse,
janza lyako lyalulyo lilalela mubululami.
11Cilasekelela cilundu ca Ziyoni, ilitangede minzi ya Juda,
ilitangede akaambo kambeta zyako.
12Koya weendeende uzinguluke Ziyoni, ubale maanda aawo malamfu.
13Langisya bwaanda bwawo, ubone nkwakwa zyawo,
noti kakonzye kulungulwida zyalani liboola.
14Leza ooyu ngo Leza wesu walyoonse alyoonse,
nguuyootweenzya mane tukasike kumamanino.
Currently Selected:
Intembauzyo 48: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
