Intembauzyo 38
38
Lwiimbo lwa Devedi lwaciibalusyo
1Mukunyema kwako utanditapatili O Mwami Leza, mubukali bwako utandisubuli.
2Yandiyasa mivwi yako, lyandilemena janza lyako.
3Akaambo kabukali bwako nsicilimvwide akuti ndili muntu,
cinyonyoono cangu candigonkezya.
4Yandikomenena milandu yangu, yandibeda mukuli uulema.
5Zyanunka zilonda zyangu, zizwa busina,
bufuba-fuba bwangu mbubwapa kuti mmbisye.
6Ndalemenwa kapati, ndavungumana, buzuba boonse njide kulila.
7Nsicili ndime pe, musana wapya.
8Ndigonkedwe, ndiwizukide, ndatongela mucamba mulapya.
9Mbuli mbwekusukamina lyoonse ulilibwenene O Mwami,
ulibubwene boonse mbwelisinsimukila.
10Ndoomfokelwa, nguzu zyandimanina, moyo wangu uladuntaana.
11Balongwe bangu abeenzu bandiyaamuka,
nkaambo kazilonda, banditantamuka mbotubambene limwi.
12Balinditeede aabo bayanda kundijaya,
baamba zyakundinyonyoona aabo bayanda kundicisa,
buzuba abuzuba bayeeya zyalucengo.
13Mebo nsikonzyi kumvwa, ndimusinke matwi,
mbuli cimuumu uutakonzyi kukanana mbwebede.
14Mbuli muntu uutakonzyi kumvwa mbwindaba,
mulomo ngooyu ulijisi pele tainguli.
15Lulangilo lwangu lulimulinduwe O Mwami Leza,
O Mwami Leza wangu nduwe oondivuna.
16Ndakati, “Utabalekeli kuti babotelwe, balidunde ndaakuwa.”
17Lyoonse ndiwakuciswa-ciswa, ndaafwiifwi kufwa.
18Ndalyaambilila milandu yangu, nduuside akaambo kacinyonyoono cangu.
Lwa Devedi. Lwiimbo lwakulilauka
19Basinkondoma bandikanza balaanguzu,
mbanji aabo bandisulide kakunyina aciliwo.
20Bandipilusizya bubi mucilawo cabubotu mbanji,
neyandaula bubotu balo bageme kunditamikizya.
21Utandilekelezyi O Mwami Leza, O Mwami Leza utanditantamuki.
22Fwambaana uzoondigwasye, O Mwami mufutuli wangu.
Currently Selected:
Intembauzyo 38: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
