Intembauzyo 39
39
Lwiimbo lwa Devedi. Kumweendelezi wanyimbo zya Jedutuni
1Ndakati, “Ndilalangilila nzila zyangu, kuti intaambi zilubide,
kumulomo ndalibikka kazangala kuti nketaambi, muciindi eeco babi ncebabwene.”
2Nkeumwide, nkelibatamikide, nketaambi cintu nicibota, mapenzi aangu akaindilila.
3Mwakayaka mucamba nindakatungumana, ndakaatikila.
4“Nditondezye mamanino aabuumi bwangu O Mwami Leza wangu,
undizibye mazuba aangu, nyanda kuti mmbone naa ndaamazuba ongaye.”
5Wandigonkela mazuba, myaka njabuyo kulinduwe,
buumi bwamuntu uuli woonse mbwaamulyango, buliindilide.
6Buumi bwamuntu buli mbuli cimvule ciya kooku a kooku,
kupakasya kwamuntu nkwabuyo. Muntu ulalundika lubono katazi uuyoolutola.
7Ino ncecilangila O Mwami Leza ncinzi? Lulangilo lwangu luli mulinduwe.
8Kuzwa kuzinyonyoono zyangu zyoonse kondivuna, intabi cisesyo kubafuba-fuba.
9Nsikooambaula limbi pe ndaumuna ono, ndaumuna nkaambo nduwe oocicita eeci.
10Cigwisye cimboko cako, zyuumo zyako zyandiminya.
11Akaambo kazinyonyoono bantu ulabasubula akubatapatila,
mbuli mapempya mbocecetula lubono lwabo, buumi bwamuntu uuli woonse mbwaamulyango, buliindilide.
12O Mwami Leza, swiilila kukomba kwangu, kulila kwangu kwalugwasyo ukuteelele,
utauzyi-uzyi buyo ndakulilila, mbuli muzwa masi mbwebede.
Mbubonya mbuli bwakali basikale besu boonse ndimweenzu.
13Utanoocindilangide kuti mmbotelwe, netana endela limwi.
Currently Selected:
Intembauzyo 39: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
