Intembauzyo 116
116
1Ndamuyanda Mwami Leza nkaambo wakandiswiilila,
nkaambo wakakumvwa kukomba kwangu.
2Nguwakacenjeka kutwi kwakwe kulindime,
nkaako njoomukomba mumazuba aabuumi bwangu boonse.
3Tukole twalufu twandizinguluka, macise aakwacivumwe andijata,
kundizingulukide mapenzi abuusu.
4Ndakaita Mwami Leza nketi, “O Mwami Leza, ndivune.”
5Ngusiluse alimwi uliluleme Mwami Leza, Leza wesu uleengelela.
6Nguukwabilila balibombya Mwami Leza, nguwakandivuna nindakali mumakatazyo.
7Kolyookezya omuuya wangu, kolyookezya nkaambo Mwami Leza wakucitila zibotu.
8Nduwe ookandifutula O Mwami Leza, nduwe ookanduumuzya, ookacita kuti intalifumpuli.
9Nduwe oocita kuti keenda, nkeenda kumbele lya Mwami Leza munyika yabaumi.
10Ndakacilisyomede nindakati, “Ndapenga kapati.”
11Nketyompedwe ndakati, “Bantu boonse tabasyomeki.”
12Kuzintu zibotu zyoonse eezi nzyaakandicitila, ani inga ndamupa nzi Mwami Leza?
13Nkomeki yawaini njeyootuuzya ku Mwami Leza, nkamulumbe nkaambo wakandifutula.
14Njoozuzukizya zikonke zyangu ku Mwami Leza,
njoozizuzukizya bantu boonse kabalanga.
15Kulamucisa Mwami Leza,
kulamucisa kufwa kwabantu bakwe basalala.
16Masimpe O Mwami Leza mebo ndimubelesi wako,
ndimubelesi wako mwanaa mukaintu mubelesi wako uusyomeka,
nduwe ookandaangununa kuzwa munketani.
17Njoolumba akutuuzya kuli nduwe,
njooita zina lya Mwami Leza mukukomba.
18Njoozuzukizya zikonke zyangu ku Mwami Leza,
njoozizuzukizya bantu boonse kabalanga.
19Njoozizuzukizya mubbuwa lya ŋanda ya Mwami Leza,
njoozizuzukizya akati kako o Jelusalemu. Amumutembaule Mwami Leza.
Currently Selected:
Intembauzyo 116: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
