Intembauzyo 111
111
1Amutembaule Mwami Leza, Mwami Leza ngwelumbaizya amoyo wangu woonse,
ndamulumbaizya mumbungano amunkamu yabaluleme.
2Milimo ya Mwami Leza mipati, baliiebela boonse aabo babotelwa mulinjiyo.
3Milimo yakwe njabulemu ileebeka, bululami bwakwe bulikkede kwalyoonse alyoonse.
4Nguwakacita kuti zigambya zyakwe kaziyeeyegwa, Mwami Leza ngusiluse, ngusilweengelelo.
5Nguupa zilyo kulibaabo bamulemeka, nguuyeeya cizuminano cakwe
mane kukabe kutamani.
6Nguwakatondezya mbwiibede milimo yakwe yanguzu kubantu bakwe,
ciindi naakabapa nyika yamisyobo iimbi.
7Milimo eeyi njaakacita itondezya kusyomeka akululama kwakwe,
malailile aakwe oonse ngakasimpe.
8Milimo yakwe ilikkalilide mane kukabe kutamani,
mukuti ilacitwa mukusyomeka amubululami.
9Wakanununa bantu bakwe, wapanga cizuminano citamani ambabo,
zina lyakwe lilasalala, lilayoosya.
10Kuyoowa Mwami Leza ngamatalikilo aabusongo, bajisi maanu eeni-eeni
mbabaabo batobela malailile aakwe. Aatembaulwe mane kukabe kutamani.
Currently Selected:
Intembauzyo 111: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
