Intembauzyo 112
112
1Amutembaule Mwami Leza, ulilelekedwe muntu uulemeka Mwami Leza,
ooyo uubotelwa kapati mumilimo yakwe.
2Bana bakwe bayooba aanguzu munyika, kufumbwa zyalani lyabaluleme linoolelekedwe.
3Bamukwasyi wakwe bayooba aalubono, banoovubide, banooluleme lyoonse.
4Nimuba mumudima, mumuni wamuntu uululeme ulalibonya,
nkaambo ngusiluse, ngusilweengelelo, uliluleme.
5Muntu ooyo ulaaba katalangili mpindu, makani aakwe ulaabamba bweelede,
zintu zinoomweendela kabotu.
6Masimpe takazungaani pe, muntu uululeme unooyeeyegwa lyoonse alyoonse.
7Takayoowi makani mabi naaba buti, moyo wakwe ulimukkede,
usyoma buyo mu Mwami Leza.
8Ngusicamba, tayoowi pe, kumamanino uyoozunda baabo bamulwana.
9Waaba zipego zyakwe kubacete, bululami bwakwe bulikkede lyoonse,
uyooba anguzu, eelyo bantu bayoomulemeka.
10Muntu mubi wabona zeezi, uluma ntwino, wanyema.
Nasukama buti muntu mubi kunyina ncajana pe.
Currently Selected:
Intembauzyo 112: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
