Tusimpi 22
22
1Kuba aazina bbotu kulayandika kwiinda buvubi bunji,
alimwi luzyalo ndubotu kwiinda nsiliva angolida.
2Muvubi amucete mbamwi mukuti,
Mwami Leza ngomulengi wabo boonse.
3Muntu uucenjede abona mapenzi, ulayuba,
pele mufuba-fuba ulaya nkukonya ooko, kwamana ulapenga.
4Kulibombya akulemeka Mwami Leza nkokuletela lubono, bulemu abuumi.
5Munzila zyabasizibi muli mamvwa atukole,
pele ooyo uulibamba kabotu uli kulaale anzizyo.
6Iisya mwana nzila njeelede kweendela,
aakukomena takooyooisiya.
7Muvubi uleendelezya bacete,
uukweleta muzike kulisikukweletesya.
8Ooyo uusyanga zitaluleme ulatebula mapenzi,
musako wabukali bwakwe uyoonyonyoonwa.
9Muntu mwaabi uyoolelekwa,
nkaambo ulapa zilyo zyakwe kubacete.
10Atandwa sikasampu-sampu ulabona nkondo yamana,
kupampana akusampaulana kulamana.
11Ooyo uuyandisya kusalala moyo,
waamba zyaluzyalo ngomweenzinyina mwami.
12Meso aa Mwami Leza alalangilila luzibo,
pele ulatyompya majwi aabatasyomeki.
13Mutolo ulati, “Kuli syuumbwa anze!”
Nikuba kwaamba kuti, “Bayoondijaya munzila!”
14Mulomo wamukaintu simamambe ncilindi cilamfu,
ooyo Mwami Leza ngwanyemenede uyoowida muli ncico.
15Bufuba-fuba bulakkala mumoyo wamwana,
pele musako wakuumya ulabagwisya.
16Ooyo uudyaminina bacete kuti avubile mpawo,
ayooyo uupa zipego kumuvubi boonse balaba bacete.
Tusimpi twamusongo
17Cenjeka matwi uswiilile tusimpi twamusongo,
bikka moyo wako kuli nzeiisya.
18Nkaambo cilabotezya kuti watubamba mumoyo wako,
akukonzya kutwaamba amilomo yako.
19Kuti usyome Mwami Leza ncencico eeco ncindakwiisya ntuto sunu yebo.
20Sena tiindakakulembela tusimpi tuli makumi otatwe, twakulya atwaluzibo?
21Kuti uzibe ziluleme azyabwini kutegwa ukakonzye
kwiingula kabotu kuli yooyo wakakutuma?
-1-
22Utabbidi mucete akaambo kakuti mmucete,
nikuba kuvundikizya babulide kunkuta.
23Nkaambo Mwami Leza uyoobaambilila kaambo kabo.
Nkaambo uyoomunyanga buumi ooyo uubanyanga zintu zyabo.
-2-
24Utapangi bulongwe amuntu mukali, utanoomvwani amuntu uunyema buyo.
25Mukuti ulaba noiya nzila zyakwe, kuti utabi nolibikka mukakole.
-3-
26Utabi umwi wabaabo balipa cijatilizyo,
basyomezya kubbadela bamwi zikwelete,
27nkaambo wabula cakubbadela, bazookunyanga nobuba bulo bwako.
-4-
28Utatantamuni munyinza wakale-kale ooyo basikale bako ngubakabikka.
-5-
29Sena ulimubwene muntu uuzi mulimo wakwe? Ooyu uyoobelekela bamami, takabelekeli bantu buyo pe.
Currently Selected:
Tusimpi 22: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
