Popular Bible Verses from Tusimpi 22

Share

Iisya mwana nzila njeelede kweendela, aakukomena takooyooisiya.

Kulibombya akulemeka Mwami Leza nkokuletela lubono, bulemu abuumi.

Kuba aazina bbotu kulayandika kwiinda buvubi bunji, alimwi luzyalo ndubotu kwiinda nsiliva angolida.

Utapangi bulongwe amuntu mukali, utanoomvwani amuntu uunyema buyo.

Muntu mwaabi uyoolelekwa, nkaambo ulapa zilyo zyakwe kubacete.

Muntu uucenjede abona mapenzi, ulayuba, pele mufuba-fuba ulaya nkukonya ooko, kwamana ulapenga.

Muvubi uleendelezya bacete, uukweleta muzike kulisikukweletesya.

Muvubi amucete mbamwi mukuti, Mwami Leza ngomulengi wabo boonse.

Utabbidi mucete akaambo kakuti mmucete, nikuba kuvundikizya babulide kunkuta. Nkaambo Mwami Leza uyoobaambilila kaambo kabo. Nkaambo uyoomunyanga buumi ooyo uubanyanga zintu zyabo.