Myeelwe 17
17
Musako wa Aloni
1Lino Mwami Leza wakaambila Mozesi kuti, 2“Baambile Baisilayeli. Kuti bakupe misako iili kkumi aibili omwe-omwe kuzwa kumusololi omwe wa Isilayeli, wakupa musako umulembe zina amusako wakwe. 3Alimwi amusako wa Levi ulembe zina lya Aloni. Musololi wamusyobo omwe-omwe unooli amusako omwe. 4Wamana wiitole, ukiibikke mutente lyakuswaanganina kumbele lyabbokesi lyacizuminano ooko nkweswaanganina anduwe. 5Nkabela musako wayooyo ngwetisale ulasyuuka. Mbombuboobu mbwetilesye matongoosi a Baisilayeli ngobakutongooka.”
6Mozesi wakabaambila Baisilayeli majwi aaya, nkabela umwi aumwi musololi wabo wakamupa musako wakwe, yakali kkumi aibili antoomwe kubikkilizya awa Aloni. 7Mozesi wakabikka misako yoonse mutente lyacizuminano kumbele lya Mwami Leza.
8Lino mubuzuba bwakatobela Mozesi naakanjila mutente, wakabona kuti musako wa Aloni Mulevi wakasyuuka, wasonsa maluba-luba akuzyala maalumondi. 9Mpawo Mozesi wakagwisya misako yoonse akwiitondezya ku Baisilayeli. Bakalanga-langa, eelyo musololi umwi aumwi wakabweza musako wakwe.
10Lino Mwami Leza wakaambila Mozesi wakati, “Pilusya musako wa Aloni kumbele lyabbokesi lyacizuminano. Ube cicenjezyo ku Baisilayeli bazanga kuti baleke kunditongooka. Mukucita oobo tabakoofwa.” 11Mozesi wakacita mbubonya mbuli mbwaakalaililwa a Mwami Leza.
12Lino Baisilayeli bakaambila Mozesi kuti, “Twamana, twazimina, twaloba toonse! 13Kufumbwa uutiswene aafwiifwi atente lyakukombela ulafwa. Sena toonse tufwe?”
Currently Selected:
Myeelwe 17: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
