Izaya 35
35
Kutangala kwabanunwidwe
1Nkanda acimpayuma ziyootangala,
maluba-luba aamunkanda ayoosekelela akulangazya.
2Nkanda iyooimba cakutangala,
iyooba mbotu akweebeka mbuli cilundu ca Lebanoni,
akuba amyuunda yambolezi mbuli yaku Kaameli a Syaloni.
Boonse bayoobona bulemu bwa Mwami Leza,
bayoobona bupati anguzu zyakwe.
3Mubayumye-yumye bali aamaboko mateteete,
amubayumye-yumye bali aamaulu aagonkedwe.
4Amwaambile boonse bayoowede kuti,
“Amuyume mutayoowi pe, Leza wanu ulaboola,
uyooboola kalibambilide kubweedezya nkoto,
uyoobabweedezezya, uyooboola kuzoomufutula.”
5Boofu bayookonzya kubona,
abalo basinkematwi bayookonzya kumvwa.
6Balema bayookonzya kutambala mbuli mbaambi,
abalo basyaataambi bayoosekelela cakutangala.
Maanzi aayoopoomoka munkanda,
tulonga tuyookunka nimuba munkanda.
7Musenga uupya uuyooba ciziba,
cimpayuma ciyooduunta tusensa.
Mutongo oomo mwakali kukkala bamwaaba,
bwizu, mabu amanyanja ngaayookomena.
8Kuyooba mugwagwa ooko uyooitwa
kuti mugwagwa wabusalali.
Basofweede tabakeendi oomo pe.
Uyooba wabaabo beelede kweendela moomo balikke,
noziba ziyanga tazikeendi muli nguwo.
9Ooko kunoonyina syuumbwa,
taakwe banyama babutambo bayooinda mulinguwo,
tabakajanwi oomo pe.
Pele bakanununwa balikke mbabayooenda oomo,
10aabo Mwami Leza mbaakanununa bayoopiluka.
Bayoonjila mu Ziyoni kabaimba,
bayootangala mane kukabe kutamani.
Bayookondwa akutangala kapati,
tabakausi nikuba kulisinsunkila.
Currently Selected:
Izaya 35: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
