Izaya 20
20
Musinsimi wacintanda
1Mumwaka umwi mwami Saagoni wacisi ca Asiliya, wakatuma mupati waba silumamba kuti azoolwane munzi wa Asyidodi, nkabela wakaboola wazooulwana akuuzunda. 2Myaka yotatwe yakaindide Mwami Leza wakaambilide Izaya mwana wa Amozi kuti, “Samununa zisani zyamasaka nzyosamide andyasyo kumaulu aako.” Nkaako wakacita oobo, wakainka kaya bweenda acintanda katasamide andyasyo.
3Ciindi munzi wa Asyidodi niwakazundwa, Mwami Leza wakati, “Mbubonya mbuli mubelesi wangu Izaya mbwaali kweenda cintanda kanyina andyasyo kwamyaka yotatwe, kuti cibe citondezyo cazintu ziyoocitika kucisi ca Ijipiti aca Kusyi, 4mwami waku Asiliya uyootola Baijipiti a Bakusyi mubwaange kabali cintanda kabanyina andyasyo. Uyooenzya baniini abapati matako kaalibonya, kuti Baijipiti bakafwe nsoni. 5Aabo bakali kusyoma cisi ca Kusyi akulikankaizizya cisi ca Ijipiti bayooyoowa akuusigwa nsoni. 6Mubuzuba oobo bantu bakkala mumbali lyankomwe yalwizi bayooti, ‘Amubone cacitika kuli baaba mbutwasyomede, aabo nkutwali kutijila kuti batuvune kuzwa kumwami wacisi ca Asiliya! Ino ono swebo tulatija buti?’”
Currently Selected:
Izaya 20: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
