1 Makani 2

Bana ba Isilayeli

1Aaba mbabana Baisilayeli, Lubeni, Simiyoni, Levi, Juda, Isakaa, Zebuluni, 2Dani, Josefa, Benjamini, Nafutali, Gadi a Asya.

Bana ba Juda

3Ngaaya mazina aabana ba Juda: Ela, Onani a Syela. Aaba botatwe wakabazyalilwa kuli Batisyuwa Mukenani. Ela mwana wakusaanguna wa Juda wakabisizya Mwami Leza, aboobo wakamujaya. 4Mukamwanaa Juda Tamaa wakazyalila Juda bana bobilo Pelezi a Zela. Antoomwe Juda wakajisi bana balombe bosanwe.

5Pelezi wakajisi bana bobilo, Heziloni a Hamuli. 6Zela wakajisi bana bosanwe, Zimuli, Etani, Hemani, Kalikoli a Daada. 7Mwanaa Kaami ngu Akaa wakaleta mapenzi ku Baisilayeli ciindi naakabba zyakapedwe ku Mwami Leza.

8Mwana wa Etani ngu Azaliya.

Ciinga ca mwami Devedi

9Bana ba Heziloni mbaa: Jelameeli, Lamu, a Kalebi. 10Mukwasyi wa Lamu kusikila kuli Jese ngooyu: Lamu wakazyala Aminadabu, Aminadabu wakazyala Nasyoni wamusyobo wa Juda. 11Nasyoni wakazyala Salimoni, Salimoni wakazyala Bowazi, 12Bowazi wakazyala Obedi, Obedi wakazyala Jese.

13Jese wakazyala Eliyabu mwanaakwe wakusaanguna, Abinadabu wakali ngowabili, Syimeya wakali ngowatatu. 14Netaneli wakali ngowane. Ladayi wakali ngowasanu, 15Ozemu wakali ngowacisambomwe, Devedi wakali ngowaciloba, 16Bacizi babo bakali ba Zeluiya a Abigeli. Bana balombe botatwe ba Zeluiya mbaa: Abisyai, Jowabu a Asaheli. 17Abigeli wakali ngobanyina Amasa, wisi wayooyu wakali Jeta Muisyimayeli.

Balunyungu lwa Heziloni

18Lino Kalebi mwanaa Heziloni wakakwata Azuba akuzyala mwana musimbi uutegwa Jeliyoti. Azuba wakazyala bana balombe botatwe, ba Jesye, Syobabu a Adoni. 19Musule aalufu lwa Azuba, Kalebi wakakwata Efulati akuzyala mwana mulombe uutegwa Huu. 20Huu wakazyala Uli, Uli wakazyala Bezaleli.

21Heziloni naakaba aamyaka iili makumi aali cisambomwe wakakwata mwanaa Makee wisi Giliyadi. Nkabela wakazyala mwana uutegwa Segubu. 22Segubu wakazyala Jaili. Jaili nguwakali kweendelezya minzi iili makumi obilo aitatu mu Giliyadi.

23Pele baku Gesyuu a Alamu bakatola minzi ya Havotijaili, Kenati atunzi twakazingulukide tuli makumi aali cisambomwe. Minzi eeyi yoonse yakali yalunyungu lwa Makee, wisi Giliyadi. 24Musule aakufwa kwa Heziloni, Kalebi mwanaakwe wakakwata Efulata, mukamufu wisi, akuzyala mwana mulombe uutegwa Asyuu wakayaka munzi wa Tekowa.

Balunyungu lwa Jelameeli

25Jelameeli mwanaa mulombe wakusaanguna wa Heziloni wakajisi bana bosanwe, Lamu wakusaanguna, Buna, Oleni, Ozemu a Ahija. 26Jelameeli wakalijisi aumbi mukaintu uutegwa Atala, bakali mbabanyina Onamu. 27Lamu wakalijisi bana balombe botatwe, mbaa: Maazi, Jamini a Eka. 28Onamu wakajisi bana balombe bobilo, mbaa: Syamayi a Jada. Awalo Syamayi wakajisi bana balombe bobilo, mbaa: Nadabu a Abisyuu.

29Abisyuu wakakwata mukaintu uutegwa Abihaili akuzyala bana balombe bobilo ba Abani a Molidi. 30Bana ba Nadabu mbaa: Seledi a Apaimu. Seledi wakafwa kanyina bana pe. 31Mwana wa Apaimu ngu Isyi, Isyi wakazyala Syesyani. Syesyani wakazyala Alayi.

32Jada mwanookwabo Syamayi wakazyede bana balombe bobilo, Jetaa a Jonatani, nkabela Jetaa wakafwa kanyina bana pe. 33Jonatani wakazyede bana balombe bobilo mbaa: Peleti a Zaza. Aaba boonse bakali balunyungu lwa Jelameeli.

34Syesyani wakanyina bana balombe, pele buyo basimbi. Wakajisi mubelesi Muijipiti uutegwa Jala. 35Syesyani wakakwasya mwanaakwe musimbi kuli Jala, wakamuzyalila mwana uutegwa Atayi. 36Atayi wakazyala Natani, Natani wakazyala Zabadi, 37Zabadi wakazyala Efulali, Efulali wakazyala Obedi, 38Obedi wakazyala Jehu, Jehu wakazyala Azaliya, 39Azaliya wakazyala Helezi, Helezi wakazyala Eliyasa, 40Eliyasa wakazyala Sisimayi, Sisimayi wakazyala Syalumu, 41Syalumu wakazyala Jekamiya, Jekamiya wakazyala Elisyama.

Bamwi balunyungu lwa Kalebi

42Lino bana ba Kalebi, munyina Jelameeli mbaaba: Mesya uuli ngowakusaanguna wakazyala Zifu, Zifu wakazyala Malesya, Malesya wakazyala Hebuloni. 43Hebuloni wakazyala bana balombe bone ba Kola, Tapuwa. Lekemu, a Syema. 44Syema wakazyala Lahamu, Lahamu wakazyala Jookeyamu. Lekemu wakazyala Syamayi. 45Mwana mulombe wa Syamayi ngu Maoni, Maoni wakazyala Betizuu. 46Mwanakasuwa wa Kalebi uutegwa Efa wakazyala Halani, Moza a Gazezi. Halani awalo wakalijisi mwana mulombe uutegwa Gazezi. 47Bana Balombe ba Jadayi mbaa: Legemu, Jotamu, Gesyani, Peleti, Efa a Syaafu. 48Mwanakasuwa wa Kalebi uutegwa Maaka wakazyala Syeba a Tilana. 49Kumane wakazyala abambi bana balombe bobilo ba Syaafu wakajana munzi wa Madimana, A Syeva wakajana minzi ya Makibena awa Gibeya. Mwana musimbi wa Kalebi ngu Akisa.

50Abamwi balunyungu lwa Kalebi mbaaba: Huu wakali mwanaa Kalebi wakusaanguna. Mukaintu wakwe wakali Efulata. Mwanaa Huu uutegwa Syobalu nguwakajana munzi wa Kiliyatijeyalimu. 51Mwanaakwe wabili uutegwa Salima nguwakajana munzi wa Betelehemu, watatu uutegwa Halefu nguwakajana munzi wa Betigada.

52Syobali nguwakajana munzi wa Kiliyatijeyalimu ngosikale wa Bahalowe, cisela ca Bamenahati, 53abalunyungu lwa Syobali wisi Kiliyatijeyalimu, bakali Baitili, Baputi, Basyumati, a Bamisyila. Kuli baaba nkukwakazwa Bazola a Baesyitawoli.

54Salima nguwakajana munzi wa Betelehemu, wakali sikale wa Banetofati, Baatulotibetijowabu, a Bazola bakali mbabamwi baziinga zyobilo zyakali mu Manahati. 55Baziinga zyabalembi bakali kukkala ku Jabezi mbaa: Batilati, Basyimeyati a Basyukati. Aaba mba Keni bakazwa kuli Hamati sikale wa Balekabu.

Currently Selected:

1 Makani 2: Tonga96

Highlight

Copy

Compare