1 Makani 3

Bana bamwami Devedi

1Mbaaba bana balombe ba Devedi aabo mbaakazyalila mu Hebuloni. Mwanaakwe wakusaanguna wakali Aminoni ngwaakazyala kuli Ahinowamu Mujezuliili, wabili ngu Daniyeli ngwaakazyala kuli Abigeli Mukaameli. 2Watatu wakali Abisalomu ngwaakazyala kuli Maaka, mwanaa Talimayi mwami waku Gesyuu. Wane wakali Adonija ngwaakazyala kuli Hagiti.

3Wasanu wakali Syefatiya, ngwaakazyala kuli Abitali, wacisambomwe wakali Itileyamu, ngwaakazyala kuli Egila.

4Boonse aaba bakazyalilwa ku Hebuloni mumyaka iili ciloba amyezi iili cisambomwe Devedi naakali kulela ooko. Mu Jelusalemu wakalela kwamyaka iili makumi otatwe aitatu. 5Mbaaba bana ba Devedi bakazyalilwa mu Jelusalemu: Syimeya, Syobabu, Natani, Solomoni, ngwaakazyalilwa kuli Batisyeba mwana wa Amiyele. 6Bamwi mbaaba: Ibaa, Elisyuwa, Elifeleti, 7Noga, Nefegi, Jafiya, 8Elisyama, Eliyada a Elifeleti boonse antoomwe bakali fuka. 9Kutabikilizya abana balombe babamwanakasuwa bakwe, Tamaa wakali ngomucizi wabo.

Balunyungu lwa mwami Solomoni

10Ngooyu mundandanda walunyungu lwa Solomoni kuzwida kumwana kusikila kuli wisi, kuli Lehobowamu, Abija, Asa, Jehosyafati, 11Jolamu, Ahaziya, Jowasyi, 12Amaziya, Azaliya, Jotamu, 13Ahazi, Hezekiya, Manase, 14Amoni, Josiya. 15Josiya wakalizyede bana bone, Johanani wakusaanguna, kumane ngu Jehoiyakimu, kumane ngu Zedekiya, kuzwa waawo ngu Syalumu. 16Jehoiyakimu wakajisi bana bobilo, Jekoniya a Zedekiya.

Balunyungu lwa mwami Jehoyakini

17Mbaaba balunyungu lwa mwami Jehoiyakini, ooyo wakatolwa mubuzike ku Babuloni. Jehoiyakini wakajisi bana balome bali ciloba, Syeyalitiyeli, 18Malikilamu, Pedaiya, Syenazaa, Jekamiya, Hosyama a Nedabiya. 19Pedaiya wakajisi bana bobilo, Zelubabeli a Syimeyi. Zelubabeli wakazyede bana balombe bobilo Mesyulamu a Hananiya. Wakalijisi amwana musimbi omwe Syelomiti. 20Wakalijisi abambi bana balombe bosanwe, Hasyuba, Oheli, Belekiya, Hasadiya a Jusyabuhesedi.

21Hananiya wakazyede bana balombe bobilo ba: Pelatiya a Jesyaiya. Jesyaiya nguwakazyala Lefaiya wisi Anani, wisi Obadiya, wisi Syekaniya. 22Syekaniya wakazyede mwana mulombe omwe uutegwa Syemaiya. Pele wakajisi bazyukulu bosanwe, Hatusyi, Igala, Baliya, Neyaliya a Syafati. 23Neyaliya wakajisi bana balombe botatwe, ba Eliyoyenayi, Hizikiya a Azilikamu. 24Eliyoyenayi wakajisi bana balombe bali ciloba ba, Hodaviya, Eliyasyibu, Pelaiya, Akubu, Johanani, Delaiya a Anani.

Currently Selected:

1 Makani 3: Tonga96

Highlight

Copy

Compare