HOSEA 3
3
Hosea kin nitnem di ningon gom bi
1 tuhan pai bida “Ma aug hanyen ba, angon ngakei sop di nikrar jut gom di cut tut pinai ariwace. Ma angon ngakei noni noyam kin gi dingon ngakei mben Israel. Mbro nok gino ikes Da ei leu bikuk yok bak nung nya ba, ikwas roti di kismis srigsi#3:1: ikwas roti di kismis srigsi ndo tut ba anggur ningat di idis hek mpia bibindei ba, ngga-nggau (kismis) leu api ikwas tug hon midut tut ide nung di ikan bipia bindei ba, njita beisi ngat ningat nindig bibor. tut yok lo, dingon ngakei yok kikau.”
2Lene diba mimbron mitiei perak ningat simnaimuhwidip kin gandum barli#3:2: Nipas kep barli: Angig ayai kep Kamus. ningan kilo sratus gom ningot muhwi bak ba, dibibuwak noni nok ditnem. 3Dipai binoni bipia suar noni bet ningon mem da wer ninno. Tirigi bet ningon mem da ne suar noni om no leu nikrar jutti kin nicut tut pinaisi nya. Midingat rin dideu noni cem bi. 4Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem. 5Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.
Currently Selected:
HOSEA 3: HAD
Highlight
Copy
Compare
Share
Want to have your highlights saved across all your devices? Sign up or sign in
