YOHANES GI NICAN 1
1
Nibou mbusyamei gom pigo Sindig gom
1Srat dini leu da di nibou mbusyamei. Dipinak srat dini bak na di Sindig di Allah dimig na tu kin amunggwom bat nya#1:1: Nipas kep Sindig di Allah dimig na tu kin amunggwom bat nya: Hi kan bipia nipas kepti dini ne nibiti nindati tut mbusyamei gom kin yo di inggre kin mbusyamei dima ri. (Angig ayai kep ayat 4 kin 5). cem lewo dingon ngakei jahagom nindig bibor. Ba, dangkom he bi noro yo di ingon dorti tut Allah di nijit cem yahagom ingon ngakei je, 2lewo nihyet di nijit ningat rin ei ingonti nogindini ba, kikau ug hon nohonti bi cem.
3Handei kon ba, Icig Allah kin Nipmot Yesus Kristus isingat tut nye bingondut nye ba, ibiyai ingon jo nyahan. Handei kon ba, jimbun mun dima yok tug hon jingon srenti kin jingon ngakei yamti.
Nijit-jausi kin ningon ngakei yamti
4Dingon llei bibor tirigi dimiap tut bipia amunggwom bat nya bihi igyai igbit Allah ningon kanti bit leu nok nicuk nyeti. 5#Yoh. 13:34, 15:12, 17 Gima rino na di Sindig e, ditigtai na bibor tut mun nyeng gom. Gi dipas tut dini ne nicukti di nijep rin bi. Noro dipas bram nicukti timiei di jimiap tut habiei ei nimbie him tu. Ningat ne ma yahagom ingon ngakei yam. 6Ningon ngakei yamti ket ei nibit Allah nicuk nyeti. Nicuk nyeti di tibim habiei ei nimbie him pai bipia suar jahagom jingon ngakei yam kikau ug bipek jiyaijo ningwig honti.
7Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri. 8Ma jingon sok kep jenti ser nhyema mun po nicom nahanggwap#1:8: Nipas kep nicom nahanggwap cem kei lene nipas kep jicom jahanggwap cem kei. tut sar hanyen bi. Ma jibrim jingkek leu binhyepo jiyai jimuhup titut leu Allah.
9No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem. 10Gima rino gino no di krau kep Kristus nipingok nyeti bi kwei cem kep je lene ma jicigit noni kui ig bijipigo noni au. 11Lewo no di pigo noni bicom yam kin noni ei niyai munti di suwok nya.
Nibou mbusyamei kes nihyet hon
12Dipi bidipui kep bina tut mun nyeng mang bibor bu noro dingon hukti bipia dipas kep tut ei srat diniti bi. Diyok dingon mem nituti di dihwou cem kep na leu binhyepo simbrap bit yam tut lene gima mibindei ba, sillei ngwig ei singonti.
13Asut sop gom di Allah dimig ei su#1:13: Nipas kep Asut sop gom di Allah dimig ei su: Hi kan bipia nipas kepti dini ne nibiti nindati tut mbusyamei gom di ningat rin ei mpia ttou nsi di Yohanes bong eisi tirigi noni pas srat dini. nimunggwom bat nya cem ipigo na di Sindigya.
Currently Selected:
YOHANES GI NICAN 1: HAD
Highlight
Copy
Compare
Share
Want to have your highlights saved across all your devices? Sign up or sign in
