ගීතාවලිය 3
3
පිහිට පතා අලුයම යැදුම
දාවිත්ගේ ගීතයකි.
1 #
2 සාමු 15:13-17-22
සමිඳාණන් වහන්ස, මට සතුරෝ ගණනින් බොහෝ වන්නෝ ය;
මට විරුද්ධ වන්නෝ එන්න එන්න වැඩි වන්නෝ ය.
2“දෙවි පිහිටක් ඔහුට නැතැ”යි මා ගැන කියන්නෝ වැඩි වැඩියෙන් නැඟී එන්නෝ ය.
3සමිඳුනි, එහෙත් ඔබ මා අවට පලිහක් වැන්න.
මා මහිමය ඔබ ය;
ඔබ මා දිරි ගන්වන සේක.
4මම සමිඳුන්ට හඬ නඟා මොරගසමි;
එතුමාණෝ සිය ශුද්ධ කන්දේ සිට මට පිළිතුරු දෙන සේක.
5මම වැදහෙව නිදාගනිමි;
යළි අවදි වෙමි.
මන්ද, සමිඳාණෝ මට රැකවරණය දෙන සේක.
6දස දහසක් සතුරන් සිටියත් මා වට කොට, බිය සැක කිසිත් මාගේ සිතට නැත්තේ ය.
7සමිඳුනි, වැඩිය මැනව;
දෙවිඳුනි, මා මුදාලුව මැනව.
මන්ද, ඔබ සතුරන්ගේ බල සිඳලන සේක;
දුදනන්ගේ දළ බිඳලන සේක.
8ජය සිරි එන්නේ සමිඳුන්ගෙන් ය.
ආසිරි ඔබ සෙනඟ කෙරෙහි වේ වා!
Currently Selected:
ගීතාවලිය 3: SNRV
Highlight
Share
Copy
Want to have your highlights saved across all your devices? Sign up or sign in
