Yilan-Yilan Koe 33
33
Isirɛla Mɔgɛnu Yilan-Yilan Tinɛnu
1Musa anubɛ Aruna ya Isirɛla mɔgɛnu nabɔ yɔɔnyɛ rɔ Iyipiti tumɛ min, anu tagamanta ka le. 2Anu ya anu daga makɛ kan min bɛɛ rɔ, Musa ya wonu tɔgɔ sɛbɛ iko Mari ya a fɔ a ye nya min. 3-4Isirɛla mɔgɛnu bi Iyipiti tumɛ min, Mari ya Iyipiti den-kei fɔlɔtɛ mumɛ bɛɛsi faga ka a yira Iyipiti mɔgɛnu na ko fanka ye Isirɛla mɔgɛnuta Alla bolo ka tenbi Iyipiti kɛnuta bɛsɛnu na. Saya-melika tenbira Iyipiti nyamanɛ rɔ lunyɛ min, wo wulun sɔgɔma, Kanan-Koe kanɛ a la, Isirɛla mɔgɛnu bɔra Ramɛsisi soe burɔ. Iyipiti mɔgɛnu bi anuna dannu togonna tumɛ min, Isirɛla mɔgɛnu bɔra nyɔ-mɔgɛ bɛɛ yala, anuna san, karɛ fɔlɛ tele tan-ni-loli ma.
5Isirɛla mɔgɛnu ya Ramɛsisi boloka ka ta anu daga makɛ Sukɔti soe burɔ.
6Anu bɔra nyɔ ka ta anu daga makɛ kɔgɔ-yi dala min bi wulɛ dafɛ.
7Anu bɔra nyɔ ka sɛgi anu kɔma ka tenbi Paihahirɔti soe dafɛ ka anu daga makɛ Beyali-Sifɔn soe tele-bɔɛ wara la Migidɔli soe dafɛ.
8Anu bɔra nyɔ ka tenbi Kɔgɔ-Yi-Wulan rɔ ka tele sawa tagama kɛ Itam wulɛ rɔ ka ta anu daga makɛ Kɔlɔn Yi-Kunayanɛ dafɛ.
9Anu bɔra nyɔ ka ta anu daga makɛ wulɛ rɔ Tamaro Kɔrɔ bawo tin-kuru bi-wɔrɔnfila anubɛ tenke tan-ni-fila ye nyɔ.
10Anu bɔra Tamaro Kɔrɔ ka ta anu daga makɛ Kɔgɔ-Yi-Wulan dugula-findan ma.
11Anu bɔra nyɔ ka ta anu daga makɛ Sini wulɛ rɔ.
12Anu bɔra nyɔ ka ta anu daga makɛ Ninki Lagbengben Tinɛ.
13Anu bɔra nyɔ ka anu daga makɛ Kan-Tina-Feremɛ rɔ.
14Anu bɔra nyɔ ka ta anu daga makɛ Sulen Tinɛ. Yi sa nyɔ anu si min min.
15Anu bɔra Sulen Tinɛ ka ta anu daga makɛ Sinayi wulɛ rɔ.
16Anu bɔra nyɔ ka ta anu daga makɛ Ko-Latenbi-Kaburu-Soe.
17Anu bɔra nyɔ ka ta anu daga makɛ kan tinɛ do min tɔgɛ Hasirɔti.
18Anu bɔra nyɔ ka ta anu daga makɛ Seeran-Binyɛ ye kan min.
19Anu bɔra nyɔ ka ta anu daga makɛ Fɔlɔnfalanya Rakolɔn rɔ.
20Anu bɔra nyɔ ka ta anu daga makɛ kan tinɛ min tɔgɛ Libina.
21Anu bɔra nyɔ ka ta anu daga makɛ Bon-Gba-Kɔrɔya.
22Anu bɔra nyɔ ka ta anu daga makɛ Kundɛn Tinɛ.
23Anu bɔra nyɔ ka ta anu daga makɛ Kɔnkɔ-Hakikɛ kɔrɔ.
24Anu bɔra nyɔ ka ta anu daga makɛ Kan-Tina-Makilannɛ rɔ.
25Anu bɔra nyɔ ka ta anu daga makɛ Ladɛn Tinɛ.
26Anu bɔra nyɔ ka ta anu daga makɛ Kan-Tina-Rasiginɛ.
27Anu bɔra nyɔ ka ta anu daga makɛ Yilan-Yilan Tinɛ.
28Anu bɔra nyɔ ka ta anu daga makɛ Tenke-Diyamɛ dafɛ.
29Anu bɔra nyɔ ka ta anu daga makɛ Dugu-Nyimɛ.
30Anu bɔra nyɔ ka ta anu daga makɛ Diyanaya-Tinɛ.
31Anu bɔra nyɔ ka ta anu daga makɛ Yekan kebila-mɔgɛ donuna kɔlɔnnu bi kan min.
32Anu bɔra nyɔ ka ta anu daga makɛ Kɔnkɔ-Rafaranɛ Kun-Tɛma dafɛ.
33Anu bɔra nyɔ ka ta anu daga makɛ Kan-Tina-Nyimɛ.
34Anu bɔra nyɔ ka ta anu daga makɛ Kɔgɔ-Yi-Wulen Bolɔn Doi dafɛ.
35Anu bɔra nyɔ ka ta anu daga makɛ Kɔgɔ-Yi-Wulen Kunyɛ la.
36Anu bɔra nyɔ ka ta anu daga makɛ Kɛdɛsi soe rɔ, Sini wulɛ dafɛ.
37Anu bɔra Kɛdɛsi ka ta anu daga makɛ Hɔ kɔnkɛ dafɛ Idɔm nyamani-dan la.
38 #
Yilan-Yilan Koe 20.22-28; Tɔn-Fɔɛ-Fila-Nyɔgɛ 10.6; 32.50 Saraka-Masɔla Aruna yɛlɛta Hɔ kɔnkɛ kuma iko Mari ya a fɔ a ye nya min. Anu bɔɛ Iyipiti san bi-nani nyɔgɛ, karɛ loli, tele fɔlɛ ma, a fagara nyɔ. 39A ya san kɛmɛ ani san mogan-ni-sawa (123) bɔ, a nara to fagala.
40 #
Yilan-Yilan Koe 21.1
Arunala sayɛ kɔma, mansɛ min bi Kenan nyamanɛ dugula wara la Aradi soe burɔ, wo ya a lamɔɛn ko Isirɛla mɔgɛnu bi nala anu magbenna.
41Anu bɔra Hɔ kɔnkɛ dafɛ ka ta anu daga makɛ Ninɛnu na.
42Anu bɔra nyɔ ka ta anu daga makɛ Pinpiya.
43Anu bɔra nyɔ ka ta anu daga makɛ Kɔnkɔ-Woe rɔ.
44Anu bɔra nyɔ ka ta anu daga makɛ Abarim tonbon-kole ma Mohabu nyamani-dan la.
45Anu bɔra nyɔ ka ta anu daga makɛ Dibon soe burɔ.
46Anu bɔra Dibon ka ta anu daga makɛ Keki Dogon Tinɛ.
47Anu bɔra nyɔ ka ta anu daga makɛ Nibɔ kɔnkɛ kɔrɔ Abarim kɔnkɛ kuma.
48Anu bɔra nyɔ ka ta anu daga makɛ Mohabu lɛɛ rɔ Yorodan bɛ dafɛ Yɛrikɔ ya-telen ma. 49Ka a dabira Kɔgɔ-Dalɛ ma ha ka ke Akasiya lɛɛ rɔ Mohabu nyamanɛ rɔ, anu daga-makɛnɛ wo bɛɛsi rɔ.
Anu si Na min Ma Kenan Nyamanɛ La
50-51Anu bi Mohabu lɛɛ rɔ wati min, Musa ya Marita sarakanɛ kɛ latenbi Isirɛla mɔgɛnu ma ko, “Wo wa Yorodan bɛ tɛgɛ wati min ka ta Kenan nyamanɛ rɔ, 52wo ni a mɔgɛ bɛɛsi gben ka anu bɔ nyɔ feufeu! Anuna kuru-malɛsɛnɛnu anubɛ anuna nɛgɛ-ladannɛ minnu manɛ anuta bɛsɛnu na, wo ni wonu nakerikeri ka anu tatii. Wo ni anuta bɛsi-kɔ-tinɛnu fanan tinya. 53Wo si ta nyamanɛ wo bi ka wo sigi nyɔ kamasɔrɔn n bara nyɔ di wo ma. 54#Yilan-Yilan Koe 26.54-56 Wo si nyamanɛ wo tala koron-nakɛ fɛ iko wo bɔnsɔn koloyanɛ ye nya min. Ni wola mɔgɔ-banu ya nyamanɛ wo do di minnu ma, wo si ma wonu halalɛ la.
55“Kɔnɔ n bi wo makawandila ko ni wo ma mɔgɛ kɛnu gben minnu bi tola wo tɛma, wonu si wo tɔrɔ iko wɔnɛ tenbi mɔgɔ yɛ rɔ, ni wo ma, iko tanba-sungban tenbi mɔgɛ kɛɛ kɔrɔ. Anu si wo yakɔrɔ-mamɔ tuma-wo-tuma ka to wo kɛlɛla. 56Ni wo ma anu gben, Mari nyɛrɛ si wole halaki iko a miri ye nya min ka anu denu halaki.”
Currently Selected:
Yilan-Yilan Koe 33: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
