Matiyu 17
17
Yisala Gbiliyɛ Yira Koe
(Maraka 9.2-13; Luka 9.28-36)
1 #
2 Pita 1.17-18
Tele wɔrɔ kɔma, Yisa ya Pita bi anubɛ na-kelenmɛ filɛ, Yemesi anubɛ Yɔni, kɔni. Anu bilara a fɛ ka ta kɔnkɔ-layan-bɛ do kuma anu dan na. 2Anu bi Yisa mafɛlɛnna tumɛ min, a yen-nya yɛlɛmanta anu yala. A yakɔrɛ malanta iko tele. Ala kurɛ gbɛra iko waan. 3Wo kɔma, ala karan-den sawɛ wonu ya Nɛbi Musa anubɛ Nɛbi Ilaya yen kumala Yisa la. 4Woletɔ Pita ya a fɔ Yisa ye ko, “Mari, a bɛnta ma ye yan. Ni i sɔnta, n si lele sawa sɔ yan, kelen itɛ, kelen Musatɛ, kelan Ilayatɛ.”
5 #
Ko-Dabirɛnu 22.2; Tɔn-Fɔɛ-Fila-Nyɔgɛ 18.15; Yaburi 2.7; Aiseya 42.1; Matiyu 3.17; 12.18; Maraka 1.11; Luka 3.22 Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”
6Karan-dannu ya kuman-kan wo lamɔɛn tumɛ min, anu kumakɔra kati! Anu ya anu nyɛrɛ gbesi dugi la. 7Yisa nara anu bara ka a bole tugu anu na. A ko, “Wo ni wo lasɔ. Wo kana kilan!” 8Nba, anu ya anu yɛ layɛlɛ min kɛ, anu ma mɔgɔ-wo-mɔgɔ yen fɔ Yisa.
9Anu bi yigila kɔnkɛ la tumɛ min, Yisa ya a fɔ anu ye ka a magbɛlɛya ko, “Wo ara ko-rayirɛ min yen kɛ, wo kana wo rakaran mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”
10 #
Malakayi 4.5
Wo kɔma, Yisala karan-dannu ya a manyinika ko, “Nfenna tɔn-karan-mɔgɛnu bi a fɔla ko Nɛbi Ilaya le fɔlɔn bi nala?”
11Yisa ya anu yabi ko, “Nɛbi Ilaya le fɔlɔn bi nala. Tonyɛ le. A wa na, a si fan bɛɛ lasɛgi a gbɛ rɔ. 12#Matiyu 11.14 Kɔnɔ n bi kɛ fɔla wo ye, Nɛbi Ilaya ara na nun. Mɔgɛnu ma a lɔn Ilaya la nun fɔ ka anu diyana-koe bɛɛ kɛ a la. Anu si nde, Hadama-dan fanan bira boloko-yogomɛ-kɛ wo nya na le.”
13Wo kɔma, ala karan-dannu ya a nya-yen ko a ye kumala Yɔni-Batasi-Kɛlɛ wara-koe la nun.
Nyinatoe Lakɛndɛya-Koe Yisa Bolo
(Maraka 9.14-29; Luka 9.37-43a)
14Anu sɛgira nyama wara la tumɛ min, kei do nara Yisa wara ka a nyɛnkin a kɔrɔ. 15A ko, “N fa, kinikini nna dan ma! Kirikirisɛ ye a la. A tɔrɔnɛ kati! Wati siyaman, a si bui tɛ rɔ, ni wo ma, yi rɔ. 16N nara a la ila karan-dannu bara kɔnɔ anu ma ke a lakɛndɛyala.”
17Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn. N ni to wo fɛ wati nyamintan tɔ tun? N ni n munyu wo kɔrɔ ha tumɛ nyamintan? Wo na dennɛ wo la n bara yan!” 18Yisa kumara nyinɛ ma tumɛ min, a bɔra a fɛ. Wo le ya a ma, dan wo kɛndɛyara kelenna!
19Wo kɔma, ala karan-dannu nara Yisa wara dogɔn rɔ ka a manyinika ko, “Nfenna male ma ke nyinɛ wo gbenna?”
20 #
Matiyu 21.21; Maraka 11.23; 1 Kɔrɛnti 13.2 Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole#17.20 Foni-kole: Min sɛbɛnɛ yan, wo le masitadi-kole la. Ma ma kole wo lɔn min kɛ, ma ya mala kolo-dɔgɔyanɛ sɛbɛ wo gbɛ rɔ. rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [ 21Kɔnɔ ko-sufa kɛ ti ke mala fɔ Alla matarɛ anubɛ sun-don fɛ.”]
Yisa Faga-Koe Fɔ-Koe Tun
(Maraka 9.30-32; Luka 9.43b-45)
22Yisala karan-dan bɛɛ ya anu nadɛn anu nyɔgɔn fɛ Kalili sigisɔn rɔ tumɛ min, Yisa ya a fɔ anu ye ko, “Anu si nde, Hadama-dan don mɔgɛnu bolo tɔ. 23Anu si n faga. Kɔnɔ a tele sawa nyɔgɛ, Alla si n nawuli tun ka bɔ furinu tɛma.”
Kumɛ wo ya ala karan-dannu yisi tinya bɛrɛkɛ!
Alla-Bato-Bɔn Duti Bɔ-Koe
24 #
Bɔ-Koe-Iyipiti 30.13; 38.26 Yisa anubɛ ala karan-dannu kera Kapereniyam soe burɔ tumɛ min, Alla-Bato-Bɔn duti-makelelɛnu nara Pita wara ka a manyinika ko, “Anu bi duti min makelela Alla-Bato-Bɔnla ko la, i karan-mɔgɛ duruta wo dila, wa?”
25Pita ya a yabi ko, “Ɔnde.”
Pita donta bɔn la tumɛ min, Yisa fɔlɔn kumara. A ko, “Saimon, i miriya ye kama? Duninya-kɛ-mansɛnu si gbɛsɛgbɛsɛ anubɛ duti makele yon bolo, dugurannu, ka, sundannu#17.25 Sundannu: Romu kɛnu sa duti makelela anu sibolo-nyɔgɛnu na nun, fɔ anu ya sibole minnu nɔ. bolo?”
26Pita ya a yabi ko, “Sundannu.”
Nba, Yisa ya a fɔ a ye ko, “Wo kɔrɛ le ko a ma bɛn, male dugurannu ni wo sara. 27Kɔnɔ ma sa a fɛ ka mɔgɛ kɛnu nasama. Woletɔ i ni ta dalɛ rɔ ka lunyɛ fili. Yɛgɛ fɔlɔtɛ min ba a bira, i ni wo labɔ. I si wodi yen a dɛ rɔ min si ma nta duti-sarɛ la anubɛ itɛ. Ta ka mala duti sara a la.”
Kuranko Common Language Bible © The Bible Society in Sierra Leone, 2006.