Saraka-Masɔlɛnuta Tɔnnu 18

Yɛlɛnyɛ Kɛ-Koe Mɔgɛnu Tɛma

1-2Mari ya a fɔ Musa ye ko, “Wo tigi le nde, Mari Alla la. 3Wo kana Iyipiti mɔgɛnuna kɛ-nya bi, wo siginɛ kan tinɛ minnu tɔ fɔlɔn. Wo kana Kenan mɔgɛnu kɛ-nya bi, wo ye tala kan min fanan. 4Wo ni nta tɔnnu bira le gben! Wo tigi le nde, Mari Alla la. 5#Nihɛmaya 9.29; Isikiyɛli 18.9; 20.11-13; Luka 10.28; Romu 10.5; Kalesiya 3.12 Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

6Musa ya Mari kuman-kan latenbi Isirɛla mɔgɛnu ma. A ko, “Wo musi le kɛnu na, wo ti wo sa minnu fɛ.

7“Mɔgɔ kana a sa a na fɛ bawo wo si ma a fa ani fila a na lamiliya-koe la. 8#Saraka-Masɔlɛnuta Tɔnnu 20.11; Tɔn-Fɔɛ-Fila-Nyɔgɛ 22.30; 27.20 Mɔgɔ kana a sa kɛnu fanan fɛ, a na sena musi anubɛ 9#Saraka-Masɔlɛnuta Tɔnnu 20.17; Tɔn-Fɔɛ-Fila-Nyɔgɛ 27.22 a tirisan-musi hali min makolota kan-tina-gbɛrɛ le. A kana a sa wonu fɛ. 10A si ma miliya-koe la ni mɔgɛ ya a sa a mamanɛ fanan fɛ. 11Ni a taranta, mɔgɔ fa ya musi do furu, wo ni dunmusu-gbɛrɛkɛ to a kɔma ala kei-kɔrɛ warɛ, hali wo, mɔgɛ kana a sa dunmusi wo fɛ bawo a tirisan le wo fanan na. 12-13#Saraka-Masɔlɛnuta Tɔnnu 20.19-20 Mɔgɔ kana a sa a tɛnɛ-musi fɛ anubɛ a na dɔgɔ-musi. 14Mɔgɔ kana a sa a berenna musi fɛ. 15#Saraka-Masɔlɛnuta Tɔnnu 20.12 Mɔgɔ kana a sa ala den-keminɛla musi fɛ. 16#Saraka-Masɔlɛnuta Tɔnnu 20.21 Mɔgɔ kana a sa a na-kelen-nyɔgɔla musi fɛ, ni a mara a numɔgɔ musi la, ni wo ma, a mamani-musi. 17#Saraka-Masɔlɛnuta Tɔnnu 20.14; Tɔn-Fɔɛ-Fila-Nyɔgɛ 27.23 Ni mɔgɛ ya a sa musi do fɛ nun kɔrɔma la, a kana a sa wola dunmusi fɛ tun, ni wo ma, a mamani-musi, fɔsɔkɔrɛ dunmusi wa sɔrɔnta ale le ma, a ma a lɔn. Wo si ma hakɛ-belebele la a kuma. 18Fananta ala musi ye a kɛndɛ la, a kana wo dɔgɔ-musi furu.

19 # Saraka-Masɔlɛnuta Tɔnnu 20.18 “Musi tenbi ala wati rɔ, mɔgɛ kana a sa wo fanan fɛ bawo a sɛninyani ma iko tɔn ya a fɔ nya min. 20#Saraka-Masɔlɛnuta Tɔnnu 20.10 Mɔgɔ kana a sa a ta-nyɔgɔla musi fɛ. Ni min ya wo ma, wo tigi sɛninyani ma worɔ tun.

21 # Saraka-Masɔlɛnuta Tɔnnu 20.1-5 “Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki#18.21 Molɛki: Kenan kɛnuna bɛsɛ tɔgɛ le wo la, anu bara min ma anuta Alla la. Anu si anuna dannu kɛndɛ mintan bɛsɛ wo ye. bɛsɛ ye. Ni min ya wo ma, wo ara mata Mari Alla tɔgɔ tinya. 22#Saraka-Masɔlɛnuta Tɔnnu 20.13 Mɔgɔ kana a sa a ta-nyɔgɔ-kei fɛ. Wo ma di Alla ye mumɛ! 23#Bɔ-Koe-Iyipiti 22.19; Saraka-Masɔlɛnuta Tɔnnu 20.15-16; Tɔn-Fɔɛ-Fila-Nyɔgɛ 27.21 Kei wo, musu wo, a kana a sa kolo-fan fɛ. Koe kɛ min ma daga, ni min ya wo ma, wo tigi sɛninyani ma tun.

24“Wo ye tala kan min, Mari ye nala Kenan mɔgɛnu gbenna wo yarɔ bawo mɔgɛ wonu bi ko-yogomɛ kɛ siyaman mala. Anu ya anu nyɛrɛ ma mɔgɔ-sɛninyabɛlɛnu na Mari yala. Wole fanan kana wo nyɛrɛ ma wo nya. 25-27Anuna sɔn-yogoyɛ ya a ma, anuna dugi ma sɛninya. Kenan mɔgɛnu ya miliya-koe kɛ sufa bɛɛ ladan, woletɔ anuna dugi wo ma sɛninya. Mari nyɛrɛ si dugi wo tɔrɔya. Dugi wo si ko-yogoma-kɛlɛnu nateseri iko mɔgɛ si fen-kasanɛ lateseri nya min. Wo kana ko-yogomɛ wo sufa ma mumɛ! Isirɛla mɔgɛ wo, sundan wo, wo do-wo-do kana bɔ Marita tɔnnu kɔrɔ. 28Dugi kana na wole fanan nateseri iko a si na a ma Kenan mɔgɛnu na nya min. 29Wo ni a lɔn yati ko ni mɔgɔ-wo-mɔgɔ ye kɛ sufa ko-yogomɛ mala, wo kana wo miri ko Allatɛ le wo tigi la tun.”

30Mari nyɛrɛ ya a fɔ tun ko, “N bara tɔn minnu di wo ma kɛ la, wo ni wonu bira. Wo kana wo bila nyamanɛ wo mɔgɛnu kɛ-nya fɛ alako ka wo nyɛrɛ ma mɔgɔ-sɛninyabɛlɛ la fufafu! Wota Mari le nde, Alla la min bi kɛnu fɔla wo ye.”

Currently Selected:

Saraka-Masɔlɛnuta Tɔnnu 18: KCLB

Highlight

Copy

Compare