Saraka-Masɔlɛnuta Tɔnnu 12

Musinu Sɛninya-Koe Den-Sɔrɔn Kɔma

1-2Mari ya tɔn kɛnu di Musa ma Isirɛla mɔgɛnuna ko la ko, “Ni musi do ya ala karɛ yen, wo tigi ti sɛninya tele wɔrɔnfila kɔrɔ. A ye wo nya na le fanan ni musi ya den-kei sɔrɔn, a ti sɛninya tele wɔrɔnfila kɔrɔ. 3#Ko-Dabirɛnu 17.12; Luka 2.21 A tele segin nyɔgɛ ma, anu si fani-di-kɛ den-kei wo ma. 4Bawo yele ara bɔ musi wo rɔ min kɛ, a ti sɛninya yona. Hali fen-sɛninyanɛ, a kana a bole tugu a la, hali ka ta a kian sɔ Marita Fani-Bon-sɛnimɛ rɔ. Fɔ tele bi-sawa ani tele sawa wa sa tele wɔrɔnfilɛ wo kuma, a ni to sɛninyala (33+7=40).

5“Ni a ya dunmusi le sɔrɔn, ale denbɛ nyɛrɛ ti sɛninya tele tan-ni-nani kɔrɔ. Bawo ata yele-bɔɛla ko la, a ti sɛninya yona. Fɔ tele bi-wɔrɔ ani tele wɔrɔ wa sa tele tan-ni-nani kuma, a ni to sɛninyala (66+14=80).

6“A mara den-kei la wo, a mara dunmusi la wo, a ye a sɛninyala dan min fɛ, a si na dan wo la saraka-masɔlɛ wara Marita Fani-Bɔn la alako a ni sɛninyɛ sɔrɔn.

7-8 # Luka 2.24 “A tenbi nala, a si na san-kelen-saga-dan la a bolo anubɛ purulan. Ni purulen sa a bolo, a si na kangbɔɛ la. A si saga-dan wo ma saraka-mintantɛ la, a si kangbɔɛ wo ma hakɛ-sarakɛ la. Ni a ma ke sagɛ sɔrɔnna, a si kangbɔ-dogbɛrɛ nyini, ni wo ma, purulan ka a sɔ saga-dan wo gbɛ rɔ. Kɔnɔ ni a nara kangbɔɛ anubɛ sagɛ la, a si kangbɔɛ do nyini ka a sɔ sagɛ wo gbɛ rɔ. Ni a nara purulan anubɛ sagɛ la, a si purulan do nyini ka a sɔ sagɛ wo gbɛ rɔ. Wo kɔma, saraka-masɔlɛ si sarakɛ wonu di Mari ma. Musi wo si sɛninya saraka-masɔlɛta saraka-bɔ-nya fɛ.”

Currently Selected:

Saraka-Masɔlɛnuta Tɔnnu 12: KCLB

Highlight

Copy

Compare