Yasowa 14
14
Isirɛla Bɔnsɔn Kɔnɔntɔ ani A Talɛta Dugu-Sɔrɔn-Koe Bɛ kɔma Tele-Yigi Wara La
1Yasowa anubɛ Saraka-Masɔla-Kun-Tigi-Wɛ Ɛliyasa anubɛ Isirɛla bɔnsɔn kebila-kun-tigi, wonu ya Kenan nyamanɛ fara Isirɛla mɔgɛnu tɛma ka le. 2#Yilan-Yilan Koe 26.52-56; 34.13 Nyamanɛ min bi Yorodan bɛ anubɛ kɔgɔ-yi tɛma, anu ya wo ratala koron-nakɛ fɛ bɔnsɔn kɔnɔntɔ anubɛ a talɛ tɛma iko a di Mari ye nya min. 3#Yilan-Yilan Koe 32.33; 34.14-15; Tɔn-Fɔɛ-Fila-Nyɔgɛ 3.12-17 Nyamanɛ min bi Yorodan bɛ kɔma tele-bɔɛ wara la, Musa ya wo di bɔnsɔn fila anubɛ a talɛ ma fɔlɔn. 4Yusufu bɔnsɔn fanan farata bɔnsɔn fila la, Ifɛrɛm anubɛ Manasa. Musa ma nyamani-fenfen di Lifayi bɔnsɔn ma, fɔ kan-tina-kundunɛnu anuna kolo-fannu si anu de-nyini kan min anubɛ soe donu anu si sigi kan min. 5Isirɛla mɔgɛnu ya wo nyamanɛ ratala anu nyɔgɔn tɛma iko Mari ya a fɔ Musa ye nya min.
Hiburɔn Soe Sɔrɔn-Koe Kelabu Bolo
(Yilan-Yilan Koe 14.24-25)
6 #
Yilan-Yilan Koe 14.30
Yuda bɔnsɔn-mɔgɛ donu nara Yasowa wara Kiligali. Kelabu min bɔra Kɛnasi bɔnsɔn rɔ (a fa tɔgɛ le Yɛfunɛ), wo ya a fɔ Yasowa ye ko, “Mari ya min fɔ Musa ye male mɔgɔ filɛla ko la wo tumɛ ma ye Kɛdɛsi-Baniya, i ya wo lɔn. 7#Yilan-Yilan Koe 13.1-30 Marila wɔli-kɛla, Nɛbi Musa ye ma latala tumɛ min ka Kenan nyamanɛ mafɛlɛn, n sɔrɔn ara san bi-nani bɔ wo wati rɔ. Ma nara ka ma dantɛgɛ Nɛbi Musa ye iko ma ya nyamanɛ wo yen nya min. 8Mabɛ n ta-nyɔgɛ minnu tara, wonu ko ma ti mɔgɛ wonu nɔ. Wonu ya a ma, Isirɛla mɔgɛnu kilanta. Kɔnɔ male ya Marila kumɛ bira. 9#Yilan-Yilan Koe 14.24 Woletɔ Nɛbi Musa ya lanyiri kiri n ye ko n tagamanta nyamanɛ min bɛɛ rɔ, wo si ma malebɛ nna dannutɛ la.
10“Mari ye lanyiri kɛ kirila Nɛbi Musa ye wati min, ma ye yilan-yilanna wo wati rɔ nun. N sɔrɔn ara san bi-nani bɔ wo wati rɔ nun. Ka a bi wo wati ma ha ka ke kaka ma, san bi-nani ani san loli (45) ara sa wo kuma. Kaka, n bara san bi-segin ani san loli (85) bɔ, 11n kɛndɛ kɛn kɛlɛ-kɛ-tinɛ iko Nɛbi Musa ye n natala wati min ka Kenan nyamanɛ mafɛlɛn. 12Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”
13-14Yasowa duwara Kelabu ye ka Hiburɔn soe di a ma. Soe wo ye ala dannu bolo ha bi#14.13 Ha bi: Kɛ sɛbɛra Hiburu-kan rɔ wati min, soe wo ye ala dannu bolo. Bi, ma ma a lɔn. bawo Kelabu bilara Isirɛlata Mari Alla fɛ. 15Yanni soe wo ni di Kelabu ma wati min, a tɔgɛ le nun Araba. Araba, kɛmɔgɔ-ba le wo la nun Anakim mɔgɛnu tɛma min tɔgɛ sara soe wo kuma.
Nba, wo kɔma, nyamanɛ wo taranta yisi-kimɛ rɔ.
Kuranko Common Language Bible © The Bible Society in Sierra Leone, 2006.