Aiseya 35
35
Sɛninyɛta Kilɛ Wara-Koe
1Wula-da-rakolɔn si sewa.
Nyɔ-bagɛnu si fere.
2Wulɛ wo si sigi sa ka sarandɛ ratii sewɛ bolo.
Nyɔ si kinya iko Lɛbanan kɔnkɛnu.
A dugi si kinya iko Kamɛli kɔnkɛ anubɛ Sarɔn lɛɛ ye nya min.
Mɔgɛ bɛɛ si Marita fanka anubɛ ata gbiliyɛ yen nyɔ.
3 #
Hiburunu 12.12
Bole anubɛ kunbelan minnu takunnɛ,
i ni wonu tagbɛlɛya tun.
4Min bɛɛ yisi tinyanɛ, a fɔ wonu ye ko
anu ni anu sɛnbɛ don ka anu kerinteya.
Alla ye nala anu nakananna.
A ye nala anu yogenu tɔrɔla.
5 #
Matiyu 11.5; Luka 7.22 Fiyɔnnu si fen yen.
Tolo-gberenu si ko lamɔɛn.
6Namarɛnu si anu gban iko minan-dan.
Bobenu si anu dɛ sa-a-rɔ sewɛ bolo.
Yi-mɛsɛmɛnu si tugu dugu-gbalanɛ rɔ.
7Kɛnkɛn-kalimɛ si ma dalɛ la.
Tenkenu si taran nyamani-tagbalanɛ wo kan tinɛ bɛɛ rɔ.
Fira-wulinu sigi tinɛ si ma gbofɛ la.
8Kila-gbonkan-bɛ si taran nyɔ
anu bi min kelela ko, “Allata Sɛninya Kilɛ.”
Hakɛ-tigi fenfen ti tenbi nyɔ.
Mɔgɔ-nyimɛ minnu bi tagamana kilɛ wo fɛ,
kun-takolon wo kun-takolon ti ke wonu kɔndɔfilila.
9Yara ti taran nyɔ.
Sogo-ferema wo sogo-ferema ti a kian sɔ nyɔ.
Mari ara anu denu minnu dɔrɔn nakanan,
wonu denu si bɔ kilɛ wo fɛ ka ta anu barɛ.
10Anu ba don Yerusalɛm lunyɛ min, anu si sewa dɔgɔma-ma-de!
Anu si anu dɛ sa-a-rɔ sigi sa tinɛ sewɛ bolo.
Anu si to sewɛ rɔ burubukai!
Anu ti mɔnɛ anubɛ nyagbɛ sɔrɔn tun.
Kuranko Common Language Bible © The Bible Society in Sierra Leone, 2006.