Hoseya 1
1
1 #
2 Mansɛnu 14.23–15.7; 15.32–16.20; 18.1–20.21; 2 Ko-Kɔrɔta-Karan 26.1–27.8; 28.1–32.33 Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.
Nɛbi Hoseyala Denbayɛ Wara-Koe
2Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”
3Woletɔ Nɛbi Hoseya tara Debeleyimna dunmusi Koma furu. Anu fɔlɔtɛ mara a keimɛ la. 4#2 Mansɛnu 10.11 Mari ya a fɔ Nɛbi Hoseya ye ko, “I ni a tɔgɔ sa ko, ‘Alla ya fuilɛ kɛ’#1.4 Alla ya fuilɛ kɛ: Hiburu-kan rɔ, a tɔgɛ le Yɛsɛreli. Fasi nanɛ rɔ, Alla ye nala ala mɔgɛnu fuila nyamani-gbɛrɛkɛnu tɔ ka anu tɔrɔ. Kɔnɔ fasi tan-ni-kelan tɔ, Alla si ala mɔgɛnu fui anu nyɛrɛta nyamanɛ rɔ alako anu ni siyaya. bawo a ti mɛ tun, n si na Mansa Yehu kebilɛ tɔrɔ ka a tɛgɛ anu benba wola mɔgɔ-fagɛ ma Yɛsɛreli soe burɔ. N bi nala Mansa Yehula mansaya-bɔn latogonna. 5Wo wati rɔ, n si Isirɛlata kɛlɛ-kɛ-fanka laban Yɛsɛreli lɛɛ rɔ.”
6Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’#1.6 Hinabɛlɛ: Hiburu-kan rɔ, dan wo tɔgɛ le, ‘Lo-ruhama.’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma. 7Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”
8Ala dunmusi wo da kanɛ, Koma ya buyi bi ka den-kei sɔrɔn tun. 9Mari ya a fɔ Nɛbi Hoseya ye ko, “I ni a tɔgɔ sa ko, ‘Nta-ma’#1.9 Nta-ma: Hiburu-kan rɔ, dan wo tɔgɛ le, ‘Lo-ami.’ bawo nta ma Isirɛla mɔgɛnu na, ado anuta Alla ma nde la.”
Isirɛla Mɔgɛnu Natanka-Koe Yarɔ
10 #
Romu 9.26
Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na. 11Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli#1.11 Yɛsɛreli: Wo kɔrɛ le ko, “Alla ya fuilɛ kɛ.” Fasi nanɛ rɔ, Alla ye nala ala mɔgɛnu fuila nyamani-gbɛrɛkɛnu tɔ ka anu tɔrɔ. Kɔnɔ fasi tan-ni-kelan kɛ rɔ, Alla si ala mɔgɛnu fui anu nyɛrɛta nyamanɛ rɔ alako anu ni siyaya. tele min ma, tele wo si ma tele-makawanɛ la anu bolo.
Kuranko Common Language Bible © The Bible Society in Sierra Leone, 2006.