Makawandili Kumɛnu 2
2
1N ya a latɛgɛ n yisi rɔ ko n bi n nyɛrɛ ladiyɛ le tɔ gbɛ alako n ni sewɛ wara-koe lakɔrɔsi. Kɔnɔ yaga, n bara a yen ko wo fanan tagbɛlɛ. 2N ya a yen ni mɔgɛ tora yɛlɛnna, wo ti ko-wo-ko nyinya mɔgɛ ma, ado n ya a yen fanan ko kuntanyɛ ye a rɔ. 3N ya a latɛgɛ n yisi rɔ, n ko n ni n to baan ma ha n kun ta ni fin kɔnɔ n hɛnkili ye nyɔ wo bɛɛ rɔ. Nde ya a lɔn ko ma siyi-fɛ ma yan min kɛ, kɛ ko-sufa le si a ma, mɔgɔ ni taran a diya wati-kundu-nɛ wo kɔrɔ.
4 #
1 Mansɛnu 10.23-27; 2 Ko-Kɔrɔta-Karan 9.22-27 N bara kabana-ko-siyaman kɛ. N ya bɔnnu sɔ n nyɛrɛ ye ka ki-fen-siyaman ki. 5N ya baga-kɔlɔma-siyaman ki minnu si fere. Ki-fan wonu mafɛlɛn di. N ya ki-fen-gbɛrɛkɛnu ki minnu gbɔɛ di. 6N ya yi-denkɛnu sin alako nna ki-fannu yi ni sa. 7#1 Mansɛnu 4.23 N ya yɔɔn-siyaman san, kei wo, musu wo. Yɔɔn wonu fanan ya dannu sɔrɔn nna bɔn la. Wo kɔma, nna kolo-fannu siya Yerusalɛm-sigila-kɔrɛ bɛɛtɛ ko. 8#1 Mansɛnu 10.10, 14-22 Nyamanɛ bɛɛ minnu bi nta sɛnbɛ kɔrɔ, n ya wonuna sɛnɛ anubɛ anuna wodi-gbɛnu nadɛn kan-tina-kelen n nyɛrɛ ye. Finabanu anubɛ yelebanu taranta n matɔgɔla. Keinu yɛ si bɔ musi minnu na, n ya wo siyaman nadɛn n nyɛrɛ ye.
9 #
1 Ko-Kɔrɔta-Karan 29.25
Kɛnu denu ya a ma, n sɛnbɛ makofura ka tenbi Yerusalɛm-sigila-kɔrɛ bɛɛ la, ado nna hɛnkilimayɛ ma n baya. 10N diyana-koe bɛɛ kɛra n ye. N hɛnkili ye koe min bɛɛ ko, n ya wo bɛɛ lakɔrɔsi. N ya nɔnfulu-tigiyɛ min sɔrɔn nna wɔlɛ la, wo ya n hɛnɛ, ado wo le mara n sarɛ la. 11Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.
12Wo kɔma, n sigira ka n miri hɛnkilimayɛ, bagalanteyɛ anubɛ kuntanyɛ kɔrɛ ma bawo mansɛ doinu bara min nadan, nde fanan ya wo bɛɛ ma. 13Tonyɛ le, yɔ! Hɛnkilimayɛ fisa kuntanyɛ ko iko wan-takanɛ tenbira pinpi la nya min. 14Iko mɔgɛ si a fɔ nya min, hɛnkilimɛ ye tala kan min, wo ragbɛnɛ a ye kɔnɔ kuntan ma a ta-tinɛ lɔn. Kɔnɔ hali wo, anu filɛla ban si ma kelen na. 15N ya n miri ko ni kuntan anubɛ hɛnkilimɛla ban si ma le kelen na, tɔnɔ-nyamintan bi nna hɛnkilimayɛ la worɔ? Tɔnɔ-wo-tɔnɔ sa wo la! Kɛ fanan tagbɛlɛ. 16A hɛnkilima wo, a kuntan wo, bɛɛ tɔgɛ si tunu yen! Mɔgɔ ti a miri anu ma tun. I mara hɛnkilima la wo, i mara kuntan na wo, bɛɛ si faga. 17Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.
18N bara tɔrɔ min dama sɔrɔn a la, fu le wo la bawo ni n fagara, min bi tola n gbɛ rɔ, a ye tola wo le ye. 19Ado nfan, ni hɛnkilimɛ le wo la, kuntan le wo la, n ti wo lɔn. N bara tɔrɔ min bɛɛ nyinɛ la wo, nna hɛnkilimayɛ ara min di n ma wo, wo bɛɛ si to wo tigi ye fu! Wo ragbɛlɛ kati! 20Wo le ya a to, n bara kɔrɔtɔ bawo n bara tɔrɔ wɔlɛ wo kɔrɔ kati! 21I ni tɔrɔ fan nyinina i hɛnkili anubɛ ila ko-kɔrɔ-lɔn anubɛ ila kusanyɛ la kɔnɔ tɔ-a-la, wo ni ta to mɔgɛ do ye min ma tɔrɔ a la. Wo ragbɛlɛ, ado a ma telen. 22I ni wɔli i siyi-tele-bɛɛ kɔrɔ ka tɔrɔyɛ bɛɛ duni, i si tɔnɔ-nyamintan sɔrɔn wo la? 23#Yobu 5.7; 14.1 Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!
24 #
Makawandili Kumɛnu 3.13; 5.18; 9.7; Luka 12.19; 1 Kɔrɛnti 15.32 Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo 25bawo yon si dɔntɛ sɔrɔn ka i nyɛrɛ ladiya ale Alla kɔma? Wo sa! 26#Yobu 32.8; Hɛnkilimaya-Kumɛnu 2.6 Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.
Kuranko Common Language Bible © The Bible Society in Sierra Leone, 2006.