Indirimbo ya Salomo 8
8
1Iyaba wari nka musazanje,
Yonse amabere ya mama!
Ngusanze hanze nokugumbiriye:
Ego me, nta n’uwongaya.
2 #
Imig 9:2, 5. Nokujana, nkagushikana mu nzu ya mama,
Mu nzu y’uwamvyaye.
Nogusomya kuri vino ituriranije,
No ku mazi y’amakomamanga yanje.
3 #
Ind 2:6, 7. Ukuboko kwawe kw’ukubamfu kwonsegura,
Ukuboko kwawe kw’ukuryo kwompfumbatira.
Amajambo y’umukwe
4Ndabihanikirije, mwa bakobga b’i Yerusalemu mwe,
Ntimunkomere umukunzi, ntimumukangure,
Gushitsa ah’ avyigombeye.
Amajambo y’abakobga b’i Yerusalemu
5Mbeg’ uriya mugeni ni nde, adūga avuye mu bugaragwa,
Yegamiye umukunzi wiwe?
Amajambo y’umukwe
Nagukanguye musi y’igiti c’umucungwa;
Aho ni ho nyoko ibise vyamufatiye akuvyara,
Ni ho uwakuvyaye yafatiwe n’ibise.
Amajambo y’umugeni
6 #
Gus 4:24; Imig 6:34, 35; Yes 49:16; Rom 8:35. Nshira ku mutima wawe nk’ ikimenyetso, mbe nk’ikimenyetso ku kuboko kwawe:
Kuk’ urukundo rufise inkomezi nk’urupfu,
Ifuhe rinyinyaraye nk’i kuzimu;
Ibirimi vyavyo ni nk’ibirimi vy’umuriro,
N’urubeya rw’inkazi rw’ Uhoraho.
7Amazi n’iyo yoba menshi ntiyozimya urukundo,
N’inzūzi zuzuye ntizorurenga hejuru.
Umuntu yotanga ivy’ afise vyose mu rugo rwiwe, ngw aje kugura urukundo,
Yogawa rwose!
8Dufise murumuna wacu mutoya,
Atarasonga amabere.
None tuzogira dute murumuna wacu
Igihe azosabirwa?
9Namb’ ameze nk’uruzitiro rw’amabuye
Tuzomwubakak’ umutara w’ ifeza.
Namb’ ameze nk’umuryango
Tuzomukingishiriza imbaho z’amasederi.
10Jeho nd’ uruzitiro rw’amabuye, kand’ amabere yanje ni yo minara yarwo:
Mu maso y’umugabo wanje mmeze nk’ūronse amahoro.
11 #
Yes 7:23; Mat 21:33. Salomo yar’ afise uruzabibu i Bayali‐Hamoni;
Yarusigaranye abarimyi;
Umuntu wese muri bo yagerewe gutanga amahera y’ifeza igihumbi ku nzabibu zarwo.
12Urwanje ruzabibu rwo, rur’ imbere yanje:
Yewe Salomo, uzohabga ca gihumbi cawe,
Kand’ ababungabunga inzabibu zarwo na bo bazohabga amajana abiri.
Amajambo y’umukwe
13 #
Ind 1:7; 2:14; 5:1. Yewe uba mu mirima,
Abagenzi bateze amatwi ijwi ryawe:
N’urinyumvishe nanje.
Amajambo y’umugeni
14 #
Ind 2:17. N’unyaruke, mukunzi wanje,
Umere nk’ingeregere canke nk’umukangara w’impongo,
Wo ku misozi ibakw imibavu.
Currently Selected:
Indirimbo ya Salomo 8: RUN1967
Highlight
Copy
Compare
Share
Want to have your highlights saved across all your devices? Sign up or sign in
Bibliya Yera © Société Biblique du Burundi, 1967
