Yesaya 29

Ariyeli, ari ho Yerusalemu, habūrirwa ibizoba

1 # 2 Sam 5:9. Ewe Ariyeli, uzobona ibara, Ariyeli, wa murwa Dawidi yashagajeko! Mukurikiranye umwaka n’uwundi, mugire imisi mikuru mu bihe vyayo; 2maze Ariyeli nzoca mpababaza, hazoba kurira no kuboroga; kand’ aho hazombera nka Ariyeli nyene. 3#2 Abam 25:1.Nzogusagazako ngutangatange impande zose, nzogukikiza ibihome ngute hagati, nzoguta hagati nkurundire ikirundo c’ivu kigukikije. 4#Yes 8:19.Maz’ uzocishwa bugufi uvugire mw ivu, amajambo yawe azoba asokoroka hasi nk’ayava mu mukungugu; ijwi ryawe rizova mw ivu ryandara nk’iry’ umuzimu, amajambo yawe anywigirire mu mukungugu. 5#Yes 17:13, 14.Arikw ingabo z’abansi bawe zizohava zihinduka nk’umukungugu wiseye, n’ingabo z’agaterabgoba zizohinduka nk’umuguruka utumuka: mber’ ivyo bizobabera birtyo giturumbuka mu kanya gato. 6Hazoba guterwa n’Uhoraho Nyen’ ingabo, kw’imituragaro, n’ugutigita kw’isi, n’ukwasana gukomeye, n’agashururu, n’ikirura, n’imbeya z’umuriro utongora. 7#Yob 20:8; Zek 12:9.Maz’ ingabo z’amahanga yose arwanya Ariyeli, abaharwananya n’igihome caho bose bakahagora, bazoba nk’inzozi, nk’ivyo umuntu yeretswe mw ijoro nko mu nzozi. 8Nuko bizomera nk’umuntu ashonje arota arikw ararya: ngo yikangure agasanga inda iri gusa; canke nk’ūfise inyota arota arikw aranywa: ngo yikangure agasanga akabiranye, agatuwe n’inyota. Uko ni kw ingabo z’amahanga yose arwanya umusozi Siyoni zizomera.

9Banza muhagarare, mujorerwe; mwihume amaso, muhume; muborerwe mutanyoye vino; mudandabagirane, bitavuye ku biboreza. 10#Yes 6:10; Rom 11:8.Kuk’ Uhoraho abasutsekw impwemu y’uruhuni, agahuma amaso yanyu, ni yo bavugishwa banyu, agapfuka n’imitwe yanyu, ni yo bamenyi banyu. 11Ukwerekwa kwose kwabahindukiye nk’ amajambo yo mu gitabo kimatanishijwe ishashara, iyo bagihaye umuntu azi gusoma, bat’ Enda se soma iki: akabishura, ati Sinshobora, kuko kimatanijwe; 12maze bagaha ico gitabo ūtazi gusoma, bat’ Enda se soma iki: akabishura, ati Ko ntazi gusoma.

13 # Yes 58:2; Yer 12:2; Ezk 33:31; Mat 15:8, 9; Mrk 7:6, 7; Kol 2:22. Umwami Imana aravuga, at’ Aba bantu ko bahora baza hafi yanje, bazanye akanwa kabo gusa, bakanyubahisha iminwa yabo, arikw imitima yabo bakayishira kure yanje, n’ukunyubaha kwabo kukaba ar’ icagezwe bigishijwe n’abantu. 14#Yer 49:7; Hab 1:5; 1 Kor 1:19.Nuko rero ngira nkore igikorwa c’igitangaza mur’ aba bantu, mbere n’igikorwa gitangaje c’akumiza: ubgenge bg’abanyabgenge babo buzoherengetera, n’ ubuhanga bg’abahanga babo buzokamangana.

15 # Yob 22:13; Yes 30:1; Ezk 8:12. Bazobona ibara, abarondera kuzika inama zabo i kuzimu ngo bazihishe Uhoraho, ibikorwa vyabo bikaba mu mwiza, bakavuga, bati Ni nde atubona? kandi bati Ni nde atuzi? 16#Yes 10:15; Rom 9:20.Ewe bupfu buri hano! Mbeg’ umubumvyi mumuhwanya n’ibumba, ngw ikintu cabumbge gihakane uwakibumvye, kiti Ntiyambumvye; cank’ ikintu caremwe kigahakana uwakiremye, kiti Nta bgenge agira? 17Mbega ntihasigaye akanya gato cane, Lebanoni hagacika itongo rimera cane, kand’ itongo ryamera cane rikitwa ishamba? 18#Yes 35:5; Mat 11:5.Kur’ uwo musi ibipfamatwi bizokwumva amajambo yo mu gitabo, n’amaso y’impumyi azoca umwiza n’umuzitanya abone. 19#Zef 3:12; Mat 5:3.Kand’ abaciye bugufi na bo bazogwiza umunezero banezererwa Uhoraho, n’abakene bo mu bantu bazohimbarwa n’Uwera w’Abisirayeli. 20#Yes 28:22.Kuk’ umuntu w’agaterabgoba atituwe, n’umucokoranyi aheze, kand’ abatambira kugabitanya bose barahonnye, 21#Am 5:10, 12.ni bo bacumuza umuntu mw ijambo, bagatega umutego ūhanūrira mw ishikiro ry’igisagara, bakazibiranya umugororotsi n’amagambo y’ubusa. 22#Ita 12:1-3.None rer’ Uhoraho, ari we yacunguye Aburahamu, uku ni kw avuze ku vy’inzu ya Yakobo, ati Yakobo ntazokwongera gutētērwa, kandi mu maso hiwe ntihazosubira kubgerabgera. 23#Yes 8:13; 60:21; Ef 2:10.Arik’ ubgiwe n’abana biwe ni babona ivyo amaboko yanje akorera hagati muri bo, bazokwemera izina ryanje ko ryera; mbere bazokwemera Uwera wa Yakobo ko nera, bahindire agashitsi jewe Imana y’ Abisirayeli. 24Kandi n’abazimira mu mitima bazoca ubgenge, n’abidodomba bazokwemera kwigishwa.

Currently Selected:

Yesaya 29: RUN1967

Highlight

Compare

Copy