Ivyakozwe N’intumwa 20

Paulo aja i Bugiriki n’i Tirowa

1Umugūmūko umaze gushira, Paulo atumakw abigishwa, arabahanūra, arabasezera, avayo ngw aje i Makedoniya. 2Amaze guca mur’ ivyo bihugu, abahanūra mu majambo menshi, aja i Bugiriki. 3Amaray’ amezi atatu; maz’ Abayuda bamugīriye inama yo kumutega agira atambukire mu bgato aja i Siriya, agabira gusubira inyuma aciye i Makedoniya. 4#Ivyak 17:10; 19:29; Rom 16:21.Abājana na we bashikana no muri Asiya ni Sopatero mwene Puro w’i Beroya, n’ab’i Tesalonike ni Arisitariko na Sekondo, bo na Gayo w’i Derube, na Timoteyo, n’abo muri Asiya ni Tukiko na Tirofimo. 5#Ivyak 16:8.Abo bāri bitangiye imbere, baturorērera i Tirowa. 6Natwe tuvuduka i Filipi turi mu bgato hanyuma y’imisi y’imitsima itambiwe, tubasanga i Tirowa ku musi ugira gatanu, tumaray’ imisi ndwi.

Paulo azura Eyutuko

7 # 1 Kor 16:2; Ivyak 2:42, 46. Ku wa mbere w’imisi ndwi, dukoranira kumanyagura imitsima, Paulo ayāga na bo, agira ngo buce agenda, atevya mu majambo ashitsa mu gicugu. 8Maze hār’ amatara menshi mu cumba co mu nzu yo hejuru aho twari dukoraniye. 9Kandi mw idirisha hari hicaye umusore yitwa Eyutuko, aremērwa n’itiro ryinshi; maze Paulo arushirije gutevya mu majambo, itiro riramuremēra, arakoroka avuye mu nzu yo hejuru ya gatatu, bamuyora ahwereye. 10#1 Abam 17:21.Paulo arururuka, amwubama hejuru, aramugumbira, ati Mureke gukoma induru, kuk’ ubugingo bgiwe bukiri muri we. 11Asubira kwūrira, amanyagura umutsima, ararya, ayāga na bo igihe kirekire, ashitsa no mu macaca, maz’ aragenda. 12Bazana uwo muhungu ari muzima, imitima yabo iraruhuka.

13Ariko tweho tumwitangira imbere dutambukira mu bgato, turajabuka dufata muri Aso, aho twari tugabiye guhitana Paulo: kuko yari yabishinze artyo, kugira ngo we ace i musozi. 14Adusanze muri Aso turamujana, turajabuka dufata i Mitulene. 15Tuvuyeyo, bukeye bg’aho dushika imbere y’i Kiyo, ku musi ugira gatatu dufata i Samo, bukeye dufata i Mileto. 16#Ivyak 18:21.Kuko Paulo yari yagabiye guca i ruhande ya Efeso, kugira ngo ntatebe muri Asiya: kuko yihuta, ngo ni vyashoboka umusi wa Pentekote uz’ ushike ar’i Yerusalemu.

Paulo asezera abakuru bo muri Efeso

17Ar’i Mileto atuma muri Efeso, atumakw abakuru b’ishengero. 18#Ivyak 18:19; 19:10.Na bo bashitse ah’ ari, arababgira, at’ Ubganyu murazi ingene nabana namwe na ntaryo, uhereye umusi natanguriye gushika muri Asiya, 19#Ivyak 20:3.nkorera Umwami wacu n’umutima wicishije bugufi, kandi ndira, nterwa n’ibingerageza kubg’ inama z’Abayuda. 20Kandi murazi yukw ata jambo ribereye nacishije i ruhande kubabgira canke kubigishiriza imbere y’abantu mu nzu no mu yindi. 21Nashinze intahe mu Bayuda no mu Bagiriki y’ukwihana mu nyonga z’Imana, n’ukwizera Umwami wacu Yesu Kristo. 22#Ivyak 19:21.None rāba, ngiye i Yerusalemu mboshwe mu mutima, ntazi ibizombako nshitseyo; 23#Ivyak 9:16; 21:4, 11.atar’ uko Mpwemu Yera anshingira intahe mu gisagara cose yukw ingoyi n’ivyago bintegeyeyo. 24#Ivyak 21:13.Ariko simbabaye ubugingo bganje nk’ah’ ar’ubg’ igiciro, kugira ngo ndangize urugendo rwanje, n’igikorwa nahawe n’Umwami Yesu, co gushingira intahe ubutumwa bgiza bg’ubuntu bg’Imana. 25Kandi none rāba, ndazi yuko mutazosubira kubona mu maso hanje, abo naciyemwo mwese mbabgira ivy’ ubgami bg’Imana. 26#Ivyak 18:6.Ni co gituma mbashingira intahe uyu musi ncuna, yukw amaraso ya bose atazonkora, 27kuko ntacishije i ruhande mbabgira ivy’ Imana yagabiye vyose. 28#Zab 74:2; 1 Tim 4:16; 1 Pet 5:2.Mwirinde ubganyu, muzigame n’ubusho bgose Mpwemu Yera yabashizemwo, ngo mube abo kubuzēzwa, kugira ngo muragire ishengero ry’Imana, iryo yaguze amaraso yayo. 29#Mat 7:15; 10:16; Yoh 10:12.Ndazi yuko ni namara kuhava, amabingira y’inkazi azobinjiramwo atababaye umukuku. 30#1 Yoh 2:19; Gal 4:17.Kandi no muri mwebge ubganyu hazokwadukamw’ abantu bavuga ibigoramye kugira ngo bakwegere abigishwa inyuma yabo. 31#Mrk 13:35, 37; 1 Tes 2:11.Nuko mwame mugavye, mwibuke yuko namaze imyaka itatu ntasība guhanūra umuntu wese ndira, ku murango no mw ijoro. 32#Gus 33:3.Kandi none mbaragije Imana n’ijambo ry’ubuntu bgayo, rishobora kububaka no kubahēra ibiragwa hamwe n’abejejwe bose. 33#Mat 10:8; 1 Kor 9:12; 1 Sam 12:3.Nta co nifuje, ar’ ifeza ar’ izahabu ar’ ivyambarwa vy’umuntu n’umwe. 34#Ivyak 18:3; 1 Kor 4:12; 1 Tes 2:9.Ubganyu murazi kw aya maboko yanje yankenurana ivyo nkennye n’abo turi kumwe. 35Nabahaye akarorero muri vyose, yuko mu butame nk’ubgo, ari ko mukwiye gufasha abadakomeye, no kwibuka amajambo y’Umwami Yesu, ingen’ ubgiwe yavuze, ati Gutanga kuzana umugisha, kuruta guhabga.

36 # Ivyak 21:5. Amaze kuvuga artyo, arapfukama, asengera hamwe na bo bose. 37#Ivyak 21:6; Rom 16:16; 1 Pet 5:14.Bose bararira cane, bagwa Paulo mw izosi, baramugumbira: 38#Ivyak 20:25.cane‐cane bababajwe n’ijambo yababgiye ngo ntibazosubira kumubona mu maso. Maze baramuherekeza, bamugeza ku bgato.

Currently Selected:

Ivyakozwe N’intumwa 20: RUN1967

Highlight

Copy