MATAYO 17
17
Likoondo lia Yesu Liakalukhana
(Mk 9:2-13; Luka 9:28-36)
1Matukhu sita nikakhavira, Yesu yavukula Petro, Yakobo na amwavo wewe Yohana, navimilila khutsia khu shikulu shiraambi wa vali vonyene vutswa. 2Lwa vali nivashiheenzanga, likoondo lia Yesu liakalukhana: vweni vwa Yesu vwakha khuli liuva, ma tsinguvu tsietsie ni tsiang'ang'a vulavu vunyishi muno. 3Khulwa yako, veechi veve vavaka valola Musa nende Eliya nivalomolomanga na Yesu. 4Nalwo lwa Petro yalomoloma navoolela Yesu, “Mwami, nu vulahi khuli hanu! Niiva ulahuchilila, numbakha matiili kavaka hanu, lilala liolio, lindi lia Musa, na lindi lia Eliya.”
5Lwa Petro yali nashilomolomanga, malesi malavililu kavakhunikha, ma mwoyo nu kurula mu malesi kenako nu kuvoola, “Uyu neye Mwana wanje wa nayaanza, nyanzitswangwa naye, mumuhulishitsi!”
6Lwa veechi veve vahulila mwoyo kwenoko, vatechela muno nivakwa hasi mahunama. 7Navutswa Yesu yitsa navatiilakhu navoola, “Sinjili, muvuli khuria!” 8Lwa vatemula tsimoni tsiavo, vavulakhu mundu wundi wavalola; navutswa Yesu wonyene.
9Lwa vali nivakholomokhanga hasi khurula khu shikulu, Yesu yavaha lilako, “Muvuli khuvoolelakhu mundu malolo kamuloli, Mwana wu Mundu nashili khwisimushitswa khurula mu likhutsa.”
10Nalwo lwa veechi veve vareeva Yesu, “Shichila shina veechitsi va Malako vavoolanga ndi khutukha Eliya aliitsa khuraanga khwitsa mbilio?”
11Yesu yavachipa, “Ni kilikali, Eliya aliitsa khuraanga khwitsa, nu khurecheshitsa shia shindu shiosi; 12navutswa muvoolelanga ndi Eliya wamala khwitsa khale; khandi vandu vali vamukworwa. Vamukholela koosi ka venyanga. Khali nindio, valiitsa khusalilitsa Mwana wu Mundu.”
13Nalwo lwa veechi veve vamanya ndi Yesu yalomolomanga khuvo khulondokhana khu Yohana Mubatisi.
Yesu Yahonyinya Mwana vi Shiyayi wi Litimoni Lialimu
(Mk 9:14-29; Luka 9:37-43)
14Lwa vakalukha wa shituma shia vandu vali nivali, mundu wundi yatukha khu Yesu, nasikama imbeli wewe; navoola, 15“Mwami, velelela tsimbavasi mwana wanje; shichila ashindanga indulume khandi anyakhananga vululu muno. Litimoni limusiuvanga shia khase khosi mu mulilu inoho mu matsi. 16Mbele numuleri khu veechi vovo, navutswa vakhayilwi khumuhonyinya.”
17Yesu yavavoolela, “Munyi vandu vamuvula lisuuvila khandi vakoyana! Mwenyanga mbe na munyi khutukha luhono shina? Mwenyanga nzikhutsili khutukha lina? Ndereli hanu mwana mwenoyo!” 18Yesu yakondeshela litimoni; ma litimoni nilirula mu mwana; nahona isaa yeneyo.
19Veechi vatsia khu Yesu muvwivisi, nivamureeva, “Shichila shina nu khukhanyala khukhunga litimoni?”
20Yesu yavachipa, “Shichila lisuuvila lienyu litititi. Khulwa yako, muvoolelanga kilikali ndi niiva munyala khuva ni lisuuvila khuli liu lukuutsa lutititi muno, muliitsa khuvoolela shikulu yishi, ‘Rula hanu wisuundii yeyo.’ Shilisuunda; khandi shindu shivulakhuho shinyala khumutinyila.” [ 21Litimoni khuli lienelo shilinyala khukhungwa vuchila lisaala nende khuhonga vuchila khulia tawe.]#17:21 Mahandiko kandi kakhale kavula luvaso lwa 21.
Yesu Yalomoloma Khandi khu Likhutsa Lielie
(Mk 9:30-32; Luka 9:43-45)
22Lwa veechi vali nivakhakana halala mu lusomo lwa Galilaya, Yesu yavavoolela, “Mwana wu Mundu ali himbi khutsamwa khu vandu, 23valiitsa khumwiira; navutswa matukhu kavaka nikakhavira aliitsa khwisimushitswa khurula mu likhutsa.”
Veechi vavelela muno.
Khurunga khu Murungu kwi Litempeli
24Lwa Yesu nende veechi veve vatukha mu litaala lia Kaperenamu, vasololi vu vushuru vwi litempeli vatsia khu Petro; nivamureeva, “Mwechitsi wenyu anyala khuva arunganga vushuru vwi litempeli?” 25Petro yachipa, “Arunganga.”
Lwa Petro yinjila munzu, Yesu yalomoloma khuye lukhuraanga, navoola, “Simoni, ni shina shia ukanakananga? Ni viina urunganga vusololi nende vushuru khu vami vu mu shivala shinu? Vandu vene shivala inoho vandu vacheni?” 26Lwa Petro yachipa, “Ni vandu vacheni,” Yesu yamuvoolela, “Vandu vene shivala shivanyala khurunga tawe. 27Navutswa shiukhwenyi khwononyila vandu yava mwoyo tawe. Simushi mutsi mu inyanza mureche ingaka. Muliitsa khukhwesa isutsi yu khuraanga khuluvwa; khandi lwa mukhunula mu munwa kwayo muliitsa khunyolamu isenti. Muchivukuli mutsi khurunga vushuru vwi litempeli.”
Currently Selected:
MATAYO 17: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MATAYO 17
17
Likoondo lia Yesu Liakalukhana
(Mk 9:2-13; Luka 9:28-36)
1Matukhu sita nikakhavira, Yesu yavukula Petro, Yakobo na amwavo wewe Yohana, navimilila khutsia khu shikulu shiraambi wa vali vonyene vutswa. 2Lwa vali nivashiheenzanga, likoondo lia Yesu liakalukhana: vweni vwa Yesu vwakha khuli liuva, ma tsinguvu tsietsie ni tsiang'ang'a vulavu vunyishi muno. 3Khulwa yako, veechi veve vavaka valola Musa nende Eliya nivalomolomanga na Yesu. 4Nalwo lwa Petro yalomoloma navoolela Yesu, “Mwami, nu vulahi khuli hanu! Niiva ulahuchilila, numbakha matiili kavaka hanu, lilala liolio, lindi lia Musa, na lindi lia Eliya.”
5Lwa Petro yali nashilomolomanga, malesi malavililu kavakhunikha, ma mwoyo nu kurula mu malesi kenako nu kuvoola, “Uyu neye Mwana wanje wa nayaanza, nyanzitswangwa naye, mumuhulishitsi!”
6Lwa veechi veve vahulila mwoyo kwenoko, vatechela muno nivakwa hasi mahunama. 7Navutswa Yesu yitsa navatiilakhu navoola, “Sinjili, muvuli khuria!” 8Lwa vatemula tsimoni tsiavo, vavulakhu mundu wundi wavalola; navutswa Yesu wonyene.
9Lwa vali nivakholomokhanga hasi khurula khu shikulu, Yesu yavaha lilako, “Muvuli khuvoolelakhu mundu malolo kamuloli, Mwana wu Mundu nashili khwisimushitswa khurula mu likhutsa.”
10Nalwo lwa veechi veve vareeva Yesu, “Shichila shina veechitsi va Malako vavoolanga ndi khutukha Eliya aliitsa khuraanga khwitsa mbilio?”
11Yesu yavachipa, “Ni kilikali, Eliya aliitsa khuraanga khwitsa, nu khurecheshitsa shia shindu shiosi; 12navutswa muvoolelanga ndi Eliya wamala khwitsa khale; khandi vandu vali vamukworwa. Vamukholela koosi ka venyanga. Khali nindio, valiitsa khusalilitsa Mwana wu Mundu.”
13Nalwo lwa veechi veve vamanya ndi Yesu yalomolomanga khuvo khulondokhana khu Yohana Mubatisi.
Yesu Yahonyinya Mwana vi Shiyayi wi Litimoni Lialimu
(Mk 9:14-29; Luka 9:37-43)
14Lwa vakalukha wa shituma shia vandu vali nivali, mundu wundi yatukha khu Yesu, nasikama imbeli wewe; navoola, 15“Mwami, velelela tsimbavasi mwana wanje; shichila ashindanga indulume khandi anyakhananga vululu muno. Litimoni limusiuvanga shia khase khosi mu mulilu inoho mu matsi. 16Mbele numuleri khu veechi vovo, navutswa vakhayilwi khumuhonyinya.”
17Yesu yavavoolela, “Munyi vandu vamuvula lisuuvila khandi vakoyana! Mwenyanga mbe na munyi khutukha luhono shina? Mwenyanga nzikhutsili khutukha lina? Ndereli hanu mwana mwenoyo!” 18Yesu yakondeshela litimoni; ma litimoni nilirula mu mwana; nahona isaa yeneyo.
19Veechi vatsia khu Yesu muvwivisi, nivamureeva, “Shichila shina nu khukhanyala khukhunga litimoni?”
20Yesu yavachipa, “Shichila lisuuvila lienyu litititi. Khulwa yako, muvoolelanga kilikali ndi niiva munyala khuva ni lisuuvila khuli liu lukuutsa lutititi muno, muliitsa khuvoolela shikulu yishi, ‘Rula hanu wisuundii yeyo.’ Shilisuunda; khandi shindu shivulakhuho shinyala khumutinyila.” [ 21Litimoni khuli lienelo shilinyala khukhungwa vuchila lisaala nende khuhonga vuchila khulia tawe.]#17:21 Mahandiko kandi kakhale kavula luvaso lwa 21.
Yesu Yalomoloma Khandi khu Likhutsa Lielie
(Mk 9:30-32; Luka 9:43-45)
22Lwa veechi vali nivakhakana halala mu lusomo lwa Galilaya, Yesu yavavoolela, “Mwana wu Mundu ali himbi khutsamwa khu vandu, 23valiitsa khumwiira; navutswa matukhu kavaka nikakhavira aliitsa khwisimushitswa khurula mu likhutsa.”
Veechi vavelela muno.
Khurunga khu Murungu kwi Litempeli
24Lwa Yesu nende veechi veve vatukha mu litaala lia Kaperenamu, vasololi vu vushuru vwi litempeli vatsia khu Petro; nivamureeva, “Mwechitsi wenyu anyala khuva arunganga vushuru vwi litempeli?” 25Petro yachipa, “Arunganga.”
Lwa Petro yinjila munzu, Yesu yalomoloma khuye lukhuraanga, navoola, “Simoni, ni shina shia ukanakananga? Ni viina urunganga vusololi nende vushuru khu vami vu mu shivala shinu? Vandu vene shivala inoho vandu vacheni?” 26Lwa Petro yachipa, “Ni vandu vacheni,” Yesu yamuvoolela, “Vandu vene shivala shivanyala khurunga tawe. 27Navutswa shiukhwenyi khwononyila vandu yava mwoyo tawe. Simushi mutsi mu inyanza mureche ingaka. Muliitsa khukhwesa isutsi yu khuraanga khuluvwa; khandi lwa mukhunula mu munwa kwayo muliitsa khunyolamu isenti. Muchivukuli mutsi khurunga vushuru vwi litempeli.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013