MATAYO 16
16
Vafarisayo Vareeva Shiloleshitsu
(Mk 8:11-13; Luka 12:54-56)
1Vandu valala khu Vafarisayo nende Vasadukayo vatsia khu Yesu nivenyanga khumureeka. Vamureeva avakholele shiloleshitsu khurula mwikulu. 2Navutswa Yesu yachipa, “Lwa liuva liyeelanga, muvoolanga, ‘Khuliitsa khuva nu muheso mulahi, shichila malesi ni mamuuchi.’ [ 3Nukushili mu mavwevwe, muvoolanga, ‘Imbula ilakhuva litukhu linu, shichila malesi ni mamuuchi khandi ni mamwamu.’ Mwamanya vulahi khwivaala likalukhana lia malesi, navutswa shiumunyala khwivaala vimanyilu via matukhu kanu tawe.]#16:3 Mahandiko kandi kakhale kavula makhuva kalondakhu yaka khutukha khu limalilikha liu luvaso lwa 3. 4Vandu vi likhula lia matukhu kanu ni vooni, khandi vambakhananga khusuuvila Nyasaye! Mundevanga mwenyanga shiloleshitsu? Shikali kario tawe! Nikhali, shiloleshitsu shia muliitsa khuheelwa vutswa ni shiloleshitsu shia Yona.” Yesu yavalekha, narulaho.
Lichelihitswa khu Mechitso ka Vafarisayo nende Vasadukayo
(Mk 8:14-21)
5Lwa veechi va Yesu vambukha, nivatukha khuluveka lundi lwi inyanza, vivilila khuchinga mukati. 6Yesu yavavoolela, “Muheenze vulahi; khandi muve vacheli khu mamela ka Vafarisayo nende Vasadukayo.”
7Veechi varaanga khureevana vene nivavoola, “Avoolanga ndio, shichila khwivilili khulerakhu mukati kwosi.”
8Yesu yamanya ka vali nivavoolanga, navareeva, “Munyi vandu vi lisuuvila litititi! Shichila shina mwireevananga vene muvula mukati? 9Khali mushili khumanyakhu shindu shiosi? Mushili khwitsushitsakhu lwa natong'olanyinya mikati chiranu khu vandu vasatsa tsiheelefu tsiranu, mwavunjelitsa mihinda chianga nichitsuli shiukhulia shiarikala? 10Inoho mikati saba khu vandu tsiheelefu tsine, khandi mwavunjelitsa mihinda chianga nichitsuli shiukhulia shiarikala? 11Shichila shina numuvula khumanya ndi shimbele ninomolomanga khu munyi khulondokhana khu mukati tawe? Muve vacheli khu mamela ka Vafarisayo nende ka Vasadukayo.” 12Khulwa yako, veechi veve vamanya ndi Yesu shiyavavoolela vave vacheli khurula khu mamela kalombanga mukati tawe; navutswa khurula khu mechitso ka Vafarisayo nende Vasadukayo.
Petro Yavoola Havulavu Yesu Neye Masiha
(Mk 8:27-30; Luka 9:18-21)
13Lwa Yesu yatukha mu lusomo luli himbi mu litaala lia Kaisaria Filipi, yareeva veechi veve, “Vandu vavoolanga Mwana wu Mundu ni viina?”
14Veechi veve vamuvoolela, “Valala vavoolanga ni Yohana Mubatisi; vandi vavoolanga ni Eliya; na vandi vavoolanga ni Yeremia, inoho mulala khu vaprofeti.”
15Yesu yavareeva, “Na munyi muvoolanga ninzi viina?”
16Simoni Petro yachipa, “Uli Masiha, Mwana wa Nyasaye uli mwoyo.”
17Yesu yamuvoolela, “Simoni mwana wa Yona! Uli ni ikhaavi, shichila katoto yaka shiukanyoli khurula khu vandu tawe; navutswa Tata wanje uli mwikulu neye ukhuvoolele vulunji. 18Petro, khuvoolelanga ndi uli khuli lwanda; khandi khu lwanda lu musinji yulu numbakhakhu likanisa lianje; khali likhutsa linyala khuvula khulikuura. 19Niitsa khukhuha tsifungu tsiu Vwami vu mwikulu; khandi shindu shiosi shia uliitsa khuvoha khulilova shilitsa khuvohwa mwikulu; khandi shindu shiosi shiuliitsa khutehitsa khulilova shilitsa khutehitswa mwikulu.”
20Khulwa yako, Yesu yakaya veechi veve vavuli khuvoolelakhu mundu wosi ndi ye ni Masiha.
Yesu Yalomoloma khu Linyakhana Lielie nende Likhutsa
(Mk 8:31—9:1; Luka 9:22-27)
21Khuraanjila mumatukhu kenako, Yesu yaraanga khuvoolela havulavu veechi veve, “Khutukha nzi Yerusalemi, wa vasakhulu, vasalisi vakali nende veechitsi va Malako vanyashitsa muno. Niitsa khwiirilwayo, navutswa matukhu kavaka nikakhavira niitsa khwisimushitswa khurula mu likhutsa.” 22Petro yamuhila haluveka naraanga khumukondeshela, navoola, “Mwami, Nyasaye akhulinde! Yaka shikatsitsanga khwikholekha khu yivi tawe.”
23Navutswa Yesu yishevukha navoolela Petro, “Shetani, rula khwinzi! Uli shisikaritsu khwinzi; shichila vindu viukanakananga shivirulanga khu Nyasaye tawe; navutswa virulanga khu vandu!”
24Nalwo lwa Yesu yavoolela veechi veve, “Niiva mundu yenyanga khunonda, khutukha yileshitsi liiva lielie, achinji musalaba kwekwe, manonde. 25Mundu wenyanga khuhonyinya vulamu vwevwe aliitsa khuvukoritsa; navutswa woyo wenyanga khukoritsa vulamu vwevwe shichila inzi, aliitsa khuvuhonyinya. 26Nu vukhala shina vu mundu anyala khunyola, niiva alakuura shivala shiosi, navutswa akoritsi vulamu vwevwe? Inoho ni shina shiu mundu anyala khuhaana, anyole khandi vulamu vwevwe? 27Mwana wu Mundu aliitsa khwitsa halala ni tsinjelosi tsietsie mu vukhumi vwa Tata wewe; khandi aliitsa khurunga shia mulala shihanwa khulondokhana khu vikholwa vievie. 28Musuuvilitsanga ndi khuli na vandu valala hanu valiitsa khuvula khukhutsa nivashili khulola Mwana wu Mundu niyitsanga mu vwami vwevwe.”
Currently Selected:
MATAYO 16: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MATAYO 16
16
Vafarisayo Vareeva Shiloleshitsu
(Mk 8:11-13; Luka 12:54-56)
1Vandu valala khu Vafarisayo nende Vasadukayo vatsia khu Yesu nivenyanga khumureeka. Vamureeva avakholele shiloleshitsu khurula mwikulu. 2Navutswa Yesu yachipa, “Lwa liuva liyeelanga, muvoolanga, ‘Khuliitsa khuva nu muheso mulahi, shichila malesi ni mamuuchi.’ [ 3Nukushili mu mavwevwe, muvoolanga, ‘Imbula ilakhuva litukhu linu, shichila malesi ni mamuuchi khandi ni mamwamu.’ Mwamanya vulahi khwivaala likalukhana lia malesi, navutswa shiumunyala khwivaala vimanyilu via matukhu kanu tawe.]#16:3 Mahandiko kandi kakhale kavula makhuva kalondakhu yaka khutukha khu limalilikha liu luvaso lwa 3. 4Vandu vi likhula lia matukhu kanu ni vooni, khandi vambakhananga khusuuvila Nyasaye! Mundevanga mwenyanga shiloleshitsu? Shikali kario tawe! Nikhali, shiloleshitsu shia muliitsa khuheelwa vutswa ni shiloleshitsu shia Yona.” Yesu yavalekha, narulaho.
Lichelihitswa khu Mechitso ka Vafarisayo nende Vasadukayo
(Mk 8:14-21)
5Lwa veechi va Yesu vambukha, nivatukha khuluveka lundi lwi inyanza, vivilila khuchinga mukati. 6Yesu yavavoolela, “Muheenze vulahi; khandi muve vacheli khu mamela ka Vafarisayo nende Vasadukayo.”
7Veechi varaanga khureevana vene nivavoola, “Avoolanga ndio, shichila khwivilili khulerakhu mukati kwosi.”
8Yesu yamanya ka vali nivavoolanga, navareeva, “Munyi vandu vi lisuuvila litititi! Shichila shina mwireevananga vene muvula mukati? 9Khali mushili khumanyakhu shindu shiosi? Mushili khwitsushitsakhu lwa natong'olanyinya mikati chiranu khu vandu vasatsa tsiheelefu tsiranu, mwavunjelitsa mihinda chianga nichitsuli shiukhulia shiarikala? 10Inoho mikati saba khu vandu tsiheelefu tsine, khandi mwavunjelitsa mihinda chianga nichitsuli shiukhulia shiarikala? 11Shichila shina numuvula khumanya ndi shimbele ninomolomanga khu munyi khulondokhana khu mukati tawe? Muve vacheli khu mamela ka Vafarisayo nende ka Vasadukayo.” 12Khulwa yako, veechi veve vamanya ndi Yesu shiyavavoolela vave vacheli khurula khu mamela kalombanga mukati tawe; navutswa khurula khu mechitso ka Vafarisayo nende Vasadukayo.
Petro Yavoola Havulavu Yesu Neye Masiha
(Mk 8:27-30; Luka 9:18-21)
13Lwa Yesu yatukha mu lusomo luli himbi mu litaala lia Kaisaria Filipi, yareeva veechi veve, “Vandu vavoolanga Mwana wu Mundu ni viina?”
14Veechi veve vamuvoolela, “Valala vavoolanga ni Yohana Mubatisi; vandi vavoolanga ni Eliya; na vandi vavoolanga ni Yeremia, inoho mulala khu vaprofeti.”
15Yesu yavareeva, “Na munyi muvoolanga ninzi viina?”
16Simoni Petro yachipa, “Uli Masiha, Mwana wa Nyasaye uli mwoyo.”
17Yesu yamuvoolela, “Simoni mwana wa Yona! Uli ni ikhaavi, shichila katoto yaka shiukanyoli khurula khu vandu tawe; navutswa Tata wanje uli mwikulu neye ukhuvoolele vulunji. 18Petro, khuvoolelanga ndi uli khuli lwanda; khandi khu lwanda lu musinji yulu numbakhakhu likanisa lianje; khali likhutsa linyala khuvula khulikuura. 19Niitsa khukhuha tsifungu tsiu Vwami vu mwikulu; khandi shindu shiosi shia uliitsa khuvoha khulilova shilitsa khuvohwa mwikulu; khandi shindu shiosi shiuliitsa khutehitsa khulilova shilitsa khutehitswa mwikulu.”
20Khulwa yako, Yesu yakaya veechi veve vavuli khuvoolelakhu mundu wosi ndi ye ni Masiha.
Yesu Yalomoloma khu Linyakhana Lielie nende Likhutsa
(Mk 8:31—9:1; Luka 9:22-27)
21Khuraanjila mumatukhu kenako, Yesu yaraanga khuvoolela havulavu veechi veve, “Khutukha nzi Yerusalemi, wa vasakhulu, vasalisi vakali nende veechitsi va Malako vanyashitsa muno. Niitsa khwiirilwayo, navutswa matukhu kavaka nikakhavira niitsa khwisimushitswa khurula mu likhutsa.” 22Petro yamuhila haluveka naraanga khumukondeshela, navoola, “Mwami, Nyasaye akhulinde! Yaka shikatsitsanga khwikholekha khu yivi tawe.”
23Navutswa Yesu yishevukha navoolela Petro, “Shetani, rula khwinzi! Uli shisikaritsu khwinzi; shichila vindu viukanakananga shivirulanga khu Nyasaye tawe; navutswa virulanga khu vandu!”
24Nalwo lwa Yesu yavoolela veechi veve, “Niiva mundu yenyanga khunonda, khutukha yileshitsi liiva lielie, achinji musalaba kwekwe, manonde. 25Mundu wenyanga khuhonyinya vulamu vwevwe aliitsa khuvukoritsa; navutswa woyo wenyanga khukoritsa vulamu vwevwe shichila inzi, aliitsa khuvuhonyinya. 26Nu vukhala shina vu mundu anyala khunyola, niiva alakuura shivala shiosi, navutswa akoritsi vulamu vwevwe? Inoho ni shina shiu mundu anyala khuhaana, anyole khandi vulamu vwevwe? 27Mwana wu Mundu aliitsa khwitsa halala ni tsinjelosi tsietsie mu vukhumi vwa Tata wewe; khandi aliitsa khurunga shia mulala shihanwa khulondokhana khu vikholwa vievie. 28Musuuvilitsanga ndi khuli na vandu valala hanu valiitsa khuvula khukhutsa nivashili khulola Mwana wu Mundu niyitsanga mu vwami vwevwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013