MATAYO 18
18
Ni viina Uli Mukali Muno mu Vwami vu Mwikulu?
(Mk 9:33-37; Luka 9:46-48)
1Mumatukhu kenako, veechi vatsia khu Yesu, nivareeva, “Ni viina uli mukali muno mu Vwami vu mwikulu?” 2Yesu yalaanga mwana mutititi, namuvoolela asinjile muvo; 3navoola, “Muvoolelanga katoto ndi numukhakalukhana mwava khuli vaana vatititi, shiumuliitsa khwinjila mu Vwami vu Mwikulu tawe. 4Mundu wichehitsanga khuli mwana mutititi uyu, neye uli mukali muno mu Vwami vu mwikulu. 5Mundu uhuchililanga mwana mutititi khuli uyu khuvirila mu lira lianje, ahuchililanga khandi inzi.
Machelitso Kachilanga Nukhukhola Vwoni
(Mk 9:42-48; Luka 17:1-2)
6“Niiva mundu alachila mulala khu vatititi vasuuvilanga mwinzi yava khukhola vwoni, vwakhavele vulahi mundu mwenoyo khusungwa lichina lukali liu khusielakhu mwing'ori mwemwe, nu khusiuvwa mu inyanza. 7Vandu vu mu shivala shinu vali khu vutiinyu muno shichila khuliho ni vindu vichilanga vandu nivakhola vwoni! Vindu khuli vienevo khutukha vikholeshe, navutswa mundu wa machelitso kanyolekhelakhu ali khu vutiinyu muno! 8Niiva mukhono kwokwo inoho shilenje shioshio shilachila ukhole vwoni, kutuula usiuvi ihale wene. Nu vulahi khwinjila mu vulamu nu wafwokoya inoho nu walema khuvira khuva ni mikhono chivili nende vilenje vivili, musiuvwi mu mulilu kwi mihika ni mihika. 9Niiva imoni yoyo ilachila ukhole vwoni, chisomole uchisiuvi ihale wene. Nu vulahi khwinjila mu vulamu ni imoni indala, khuvira khuva ni tsimoni tsivili musiuvwi mu shihatisi shiu mulilu.
Lukanu khu Likondi Liakora
(Luka 15:3-7)
10“Muchelitsi mulole muvuli khulechelitsa khali mulala khu vatititi yava; muvoolelanga ndi tsinjelosi tsiavo mwikulu tsili shia khase khosi imbeli wa Tata wanje uli mwikulu. [ 11Mwana wu Mundu yitsa khuhonyinya vandu vakora.]#18:11 Mahandiko kandi kakhale kavula luvaso lwa 11.
12“Ni shina shia mukanakananga? Niiva mundu ali na makondi imia indala, ma lilala khuko likore, shianyala khulekha makondi makhomi tisa na tisa mu vikulu, khutsia khukhava likondi likoria lienelo. 13Niiva alalinyola, muvoolelanga katoto ndi aliitsa khuva nu vuyaanzi vunyishi muno shichila likondi linyoleshe lienelo khuvira yako makhomi tisa na tisa kakhakora tawe. 14Khali ndio, Tata wenyu uli mwikulu shiyenyikhu khali mulala khu vatititi yava akore tawe.
Khuli Ukhola Musuuvili woshio Ukhukholele Vwoni
(Luka 17:3-4)
15“Niiva musuuvili woshio aliitsa khukhukholela vwoni, simukha utsi khuye ma umuvoolele vutamanu vwevwe, yivi nende ye vonyene. Niiva alakhuhulila, uliitsa khuva numurulitsi mu vwoni. 16Navutswa niiva aliitsa khwambakhana khukhuhulishitsa, vukula mundu mulala inoho vandu vandi vavili nivi, khuli Mahandiko Matakatifu kavoolanga, ‘Vandu vavili inoho vavaka valiitsa khuva vashiahidi vovo khu shia likhuva liosi livoolwa.’ 17Niiva aliitsa khwambakhana khuvahulishitsa, ulahila makhuva kenako mu likanisa. Niiva aliitsa khwambakhana khuhulila khandi khali likanisa, leshi ave vutswa khuli mundu urulanga mu vandu vi tsimbia tsindi tsiosi inoho musololi wu vushuru.
Khwambakhana nende Khuhuchilila
18“Muvoolelanga katoto ndi shindu shiosi shia mwavoha mu shivala, shilitsa khuvohwa mwikulu, khandi shindu shiosi shia mwatehitsa mu shivala, shilitsa khutehitswa mwikulu.
19“Muvoolelanga khandi ndi niiva vavili khu munyi valahuchilitsana khulilova khunu khulondokhana khu shia shindu shiosi shia vareeva mu lisaala, Tata wanje uli mwikulu aliitsa khuvakholela khuli venyanga. 20Havundu ha vavili inoho vavaka vakanili halala khuvirila mu lira lianje, naho handi navo.”
Lukanu khu Murumishi Wambakhana Khusemeha Wundi
21Nalwo lwa Petro yatsia khu Yesu, namureeva, “Mwami, ni hali khanga khasemeha musuuvili washianje ukholele vwoni? Khanyala khuva hali saba?”
22Yesu yamuchipa, “Khuvoolelanga, shikali hali saba tawe, navutswa makhomi saba hali saba.
23“Khulwa yako, Vwami vu mwikulu vunyala khusasanyinywa khu mwami wali niyikombi khurunishitsa livishilu lielie na varumishi veve. 24Lwa yaraanga khurunishitsa livishilu lielie, mundu mulala yalerwa khuye wali ni likoovi lielie li tsitalenta#18:24 Italenta: kwali murungu ku muhinzili kuviri mihika likhomi na chiranu. tsiheelefu likhomi. 25Navutswa shichila yakhaywa khurunga, mwami wewe yahaana lilako liukhukuulitswa khuli murukwa, halala nu mukhali wewe nende vaana khandi shia shindu shiosi shia yali nali nashio; ma murungu kurunjwi. 26Murumishi mwenoyo yasikama imbeli wewe namusaya nayaanza, ‘Mwami, yikhutsile, nakhurunga likoovi liolio liosi.’ 27Muruchi wewe yamuvela, namuleshela likoovi lienelo khandi namulakhula.
28“Khulwa yako, murumishi mwenoyo yasimukha natsia khandi niyakana nu mulala khu varumishi va vahinzilanga naye wali ni likoovi lielie tsidinari#18:28 Idinari: nakwo kwali murungu kwi litukhu ku muhinzili mulala. imia indala. Yamukwakhu naraanga khumumika mwing'ori navoola ni tsingulu, ‘Ndunga likoovi lianje.’ 29Murumishi wa vahinzilanga naye mwenoyo yakwa hasi, namusaya nayaanza, ‘Yikhutsile, nakhurunga likoovi liolio!’ 30Navutswa yambakhana; natsia khumuvoha mucheela khutukha lwa arunga likoovi lielie lienelo. 31Lwa varumishi vandi va vahinzilanga naye valola kali nikakholeshe, valeka muno, nivatsia khuvoolelakhu muruchi wavo koosi kali nikakholeshe. 32Nalwo lwa muruchi wewe yamulaanga namuvoolela, ‘Yivi murumishi mutamanu! Nakhuleshela likoovi lianje liosi, shichila wambolela khole ndio; 33shichila shina nukhavela tsimbavasi murumishi woshio, khuli inzi nakhuvela tsimbavasi?’ 34Muruchi wewe yali nu vurima, nahila murumishi wambakhana khuvelakhu wundi tsimbavasi mwenoyo mucheela khusalilitswa khutukha lwa arunga likoovi liosi.” 35Yesu yamalila navoola, “Nindio khandi Tata wanje uli mwikulu aliitsa khukhola shia mulala khu munyi navuli khusemeha musuuvili weshie nu mwoyo kwosi.”
Currently Selected:
MATAYO 18: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MATAYO 18
18
Ni viina Uli Mukali Muno mu Vwami vu Mwikulu?
(Mk 9:33-37; Luka 9:46-48)
1Mumatukhu kenako, veechi vatsia khu Yesu, nivareeva, “Ni viina uli mukali muno mu Vwami vu mwikulu?” 2Yesu yalaanga mwana mutititi, namuvoolela asinjile muvo; 3navoola, “Muvoolelanga katoto ndi numukhakalukhana mwava khuli vaana vatititi, shiumuliitsa khwinjila mu Vwami vu Mwikulu tawe. 4Mundu wichehitsanga khuli mwana mutititi uyu, neye uli mukali muno mu Vwami vu mwikulu. 5Mundu uhuchililanga mwana mutititi khuli uyu khuvirila mu lira lianje, ahuchililanga khandi inzi.
Machelitso Kachilanga Nukhukhola Vwoni
(Mk 9:42-48; Luka 17:1-2)
6“Niiva mundu alachila mulala khu vatititi vasuuvilanga mwinzi yava khukhola vwoni, vwakhavele vulahi mundu mwenoyo khusungwa lichina lukali liu khusielakhu mwing'ori mwemwe, nu khusiuvwa mu inyanza. 7Vandu vu mu shivala shinu vali khu vutiinyu muno shichila khuliho ni vindu vichilanga vandu nivakhola vwoni! Vindu khuli vienevo khutukha vikholeshe, navutswa mundu wa machelitso kanyolekhelakhu ali khu vutiinyu muno! 8Niiva mukhono kwokwo inoho shilenje shioshio shilachila ukhole vwoni, kutuula usiuvi ihale wene. Nu vulahi khwinjila mu vulamu nu wafwokoya inoho nu walema khuvira khuva ni mikhono chivili nende vilenje vivili, musiuvwi mu mulilu kwi mihika ni mihika. 9Niiva imoni yoyo ilachila ukhole vwoni, chisomole uchisiuvi ihale wene. Nu vulahi khwinjila mu vulamu ni imoni indala, khuvira khuva ni tsimoni tsivili musiuvwi mu shihatisi shiu mulilu.
Lukanu khu Likondi Liakora
(Luka 15:3-7)
10“Muchelitsi mulole muvuli khulechelitsa khali mulala khu vatititi yava; muvoolelanga ndi tsinjelosi tsiavo mwikulu tsili shia khase khosi imbeli wa Tata wanje uli mwikulu. [ 11Mwana wu Mundu yitsa khuhonyinya vandu vakora.]#18:11 Mahandiko kandi kakhale kavula luvaso lwa 11.
12“Ni shina shia mukanakananga? Niiva mundu ali na makondi imia indala, ma lilala khuko likore, shianyala khulekha makondi makhomi tisa na tisa mu vikulu, khutsia khukhava likondi likoria lienelo. 13Niiva alalinyola, muvoolelanga katoto ndi aliitsa khuva nu vuyaanzi vunyishi muno shichila likondi linyoleshe lienelo khuvira yako makhomi tisa na tisa kakhakora tawe. 14Khali ndio, Tata wenyu uli mwikulu shiyenyikhu khali mulala khu vatititi yava akore tawe.
Khuli Ukhola Musuuvili woshio Ukhukholele Vwoni
(Luka 17:3-4)
15“Niiva musuuvili woshio aliitsa khukhukholela vwoni, simukha utsi khuye ma umuvoolele vutamanu vwevwe, yivi nende ye vonyene. Niiva alakhuhulila, uliitsa khuva numurulitsi mu vwoni. 16Navutswa niiva aliitsa khwambakhana khukhuhulishitsa, vukula mundu mulala inoho vandu vandi vavili nivi, khuli Mahandiko Matakatifu kavoolanga, ‘Vandu vavili inoho vavaka valiitsa khuva vashiahidi vovo khu shia likhuva liosi livoolwa.’ 17Niiva aliitsa khwambakhana khuvahulishitsa, ulahila makhuva kenako mu likanisa. Niiva aliitsa khwambakhana khuhulila khandi khali likanisa, leshi ave vutswa khuli mundu urulanga mu vandu vi tsimbia tsindi tsiosi inoho musololi wu vushuru.
Khwambakhana nende Khuhuchilila
18“Muvoolelanga katoto ndi shindu shiosi shia mwavoha mu shivala, shilitsa khuvohwa mwikulu, khandi shindu shiosi shia mwatehitsa mu shivala, shilitsa khutehitswa mwikulu.
19“Muvoolelanga khandi ndi niiva vavili khu munyi valahuchilitsana khulilova khunu khulondokhana khu shia shindu shiosi shia vareeva mu lisaala, Tata wanje uli mwikulu aliitsa khuvakholela khuli venyanga. 20Havundu ha vavili inoho vavaka vakanili halala khuvirila mu lira lianje, naho handi navo.”
Lukanu khu Murumishi Wambakhana Khusemeha Wundi
21Nalwo lwa Petro yatsia khu Yesu, namureeva, “Mwami, ni hali khanga khasemeha musuuvili washianje ukholele vwoni? Khanyala khuva hali saba?”
22Yesu yamuchipa, “Khuvoolelanga, shikali hali saba tawe, navutswa makhomi saba hali saba.
23“Khulwa yako, Vwami vu mwikulu vunyala khusasanyinywa khu mwami wali niyikombi khurunishitsa livishilu lielie na varumishi veve. 24Lwa yaraanga khurunishitsa livishilu lielie, mundu mulala yalerwa khuye wali ni likoovi lielie li tsitalenta#18:24 Italenta: kwali murungu ku muhinzili kuviri mihika likhomi na chiranu. tsiheelefu likhomi. 25Navutswa shichila yakhaywa khurunga, mwami wewe yahaana lilako liukhukuulitswa khuli murukwa, halala nu mukhali wewe nende vaana khandi shia shindu shiosi shia yali nali nashio; ma murungu kurunjwi. 26Murumishi mwenoyo yasikama imbeli wewe namusaya nayaanza, ‘Mwami, yikhutsile, nakhurunga likoovi liolio liosi.’ 27Muruchi wewe yamuvela, namuleshela likoovi lienelo khandi namulakhula.
28“Khulwa yako, murumishi mwenoyo yasimukha natsia khandi niyakana nu mulala khu varumishi va vahinzilanga naye wali ni likoovi lielie tsidinari#18:28 Idinari: nakwo kwali murungu kwi litukhu ku muhinzili mulala. imia indala. Yamukwakhu naraanga khumumika mwing'ori navoola ni tsingulu, ‘Ndunga likoovi lianje.’ 29Murumishi wa vahinzilanga naye mwenoyo yakwa hasi, namusaya nayaanza, ‘Yikhutsile, nakhurunga likoovi liolio!’ 30Navutswa yambakhana; natsia khumuvoha mucheela khutukha lwa arunga likoovi lielie lienelo. 31Lwa varumishi vandi va vahinzilanga naye valola kali nikakholeshe, valeka muno, nivatsia khuvoolelakhu muruchi wavo koosi kali nikakholeshe. 32Nalwo lwa muruchi wewe yamulaanga namuvoolela, ‘Yivi murumishi mutamanu! Nakhuleshela likoovi lianje liosi, shichila wambolela khole ndio; 33shichila shina nukhavela tsimbavasi murumishi woshio, khuli inzi nakhuvela tsimbavasi?’ 34Muruchi wewe yali nu vurima, nahila murumishi wambakhana khuvelakhu wundi tsimbavasi mwenoyo mucheela khusalilitswa khutukha lwa arunga likoovi liosi.” 35Yesu yamalila navoola, “Nindio khandi Tata wanje uli mwikulu aliitsa khukhola shia mulala khu munyi navuli khusemeha musuuvili weshie nu mwoyo kwosi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013