LEVI 15
15
Mahila Koneshe Karulanga mu Mmbili
1Mwami Nyasaye yavoolela Musa nende Haruni, 2“Lomolomi khu Vaisraeli, ma muvoolele: Lwa mundu arulanga mahila mu mmbili kwekwe, mahila karuli muye kenako, kaliitsa khuva koneshe. 3Kave kashitsilililanga khurula mu mmbili kwekwe inoho kaliitsa khuva kikalilwi, mahila kenako kaliitsa khukhola mundu mwenoyo khuva woneshe. Nindi kamukholanga khuva woneshe. 4Shitali shiosi shiu mundu mwenoyo, aliitsa khwikhalakhu inoho khukonakhu, shiliitsa khuva shioneshe. 5Mundu utiilanga khu shitali shieshie 6inoho khwikhala khu shia shindu shiosi, shiu mundu mwenoyo aliitsa khwikhalakhu, aliitsa khufuya tsinguvu tsietsie, nu khwisinga na matsi, nu khutsililila khuva woneshe khutukha khulukolovo. 7Mundu utiilanga khu mundu urulanga mahila mu mmbili kwekwe, aliitsa khufuya tsinguvu tsietsie nu khwisinga na matsi, nu khutsililila khuva woneshe khutukha halukolovo. 8Niiva mundu urulanga mahila mwenoyo, aliitsa khusutsila maree mundu uli munihu, mundu wasutsili maree woyo, aliitsa khufuya tsinguvu tsietsie, nu khwisinga na matsi, khandi atsililile khuva woneshe khutukha halukolovo. 9Shia shindu shiosi shiu khwikhalakhu inoho shisoko shiu mundu urulanga mahila mwenoyo, aliitsa khwikhalakhu shiliitsa khuva shioneshe. 10Mundu utiilanga khu shindu shiosi shiu mundu mwenoyo yikhalakhu, aliitsa khuva woneshe khutukha halukolovo. Shia mundu wosi uliitsa khuchingakhu shindu shiosi, shiu mundu mwenoyo aliitsa khwikhalakhu aliitsa khufuya tsinguvu tsietsie, nu khwisinga na matsi, khandi atsililile khuva woneshe khutukha halukolovo. 11Mundu wu mundu urulanga mahila mu mmbili kwekwe, aliitsa khutiilakhu vuchila khusava makhono keke na matsi, aliitsa khufuya tsinguvu tsietsie, nu khwisinga na matsi, khandi atsililile khuva woneshe khutukha halukolovo. 12Inyungu yosi yu mundu mwenoyo, aliitsa khutiilakhu iliitsa khwaraanyinywa, khandi ibakuli yosi yalombwa khu musala ya aliitsa khutiilakhu iliitsa khwochitswa na matsi.
13“Lwa mundu mwenoyo aliitsa khuva nahonyinywi khurula mahila, aliitsa khulindilila khumatukhu saba, ma afuyi tsinguvu tsietsie, nu khwisinga mu matsi kashindi ku mu isieveye, khandi akholwi khuva munihu khulondokhana khu mulukha. 14Aliitsa khuvukula khulitukhu lia munane, vituti vivili inoho vinamusotsi vivili avihile mu vwinjililu vwi Liheemo Litakatifu liu khuvaho khu Mwami Nyasaye, mavihaane khu musalisi. 15Musalisi aliitsa khuhaana shilala khuvio khuli shihanwa shiu khurulitsaho vwoni khandi shindi yeshio khuli shihanwa shiu khusambwa. Aliitsa khukhola mulukha ku khwinihitsa mundu mwenoyo munjila yeneyo.
16“Lwa mundu musatsa yinyalanga tsingulu tsiu lwivulu muvukono, khutukha yisinji mmbili kwekwe kwosi na matsi, nu khutsililila khuva woneshe khutukha halukolovo. 17Shia shindu shiosi shialombwa khu inguvu inoho shiseelo, shi tsingulu tsiu lwivulu tsiu mundu mwenoyo tsiliitsa khuroonyakhu, shilitsa khufuywa na matsi, nu khutsililila khuva shioneshe khutukha halukolovo. 18Lwa mundu musatsa nu mukhali valiitsa khuva nivakhamala khukona halala, vo vavili valiitsa khwisinga na matsi, nu khutsililila khuva voneshe khutukha halukolovo.
19“Lwa mundu mukhali ava nali mumatukhu keke ku mumweli, alatsililila khuva woneshe khumatukhu saba. Mundu utiilanga khuye, aliitsa khutsililila khuva woneshe khutukha halukolovo. 20Shia shindu shiosi shiu mukhali mwenoyo aliitsa khwikhalakhu inoho khukonakhu nali mumatukhu keke ku mumweli, shilitsa khutsililila khuva shioneshe. 21Mundu utiilanga khu shitali shiu mukhali mwenoyo, aliitsa khufuya tsinguvu tsietsie, khwisinga na matsi khandi atsililile khuva woneshe khutukha halukolovo. 22Mundu utiilanga khu shindu shiosi shiu mukhali mwenoyo yikhalakhu, aliitsa khwisinga na matsi. Mundu mwenoyo aliitsa khutsililila khuva woneshe khutukha halukolovo. 23Kave ni shitali inoho shindu shindi shiosi shiu mukhali mwenoyo aliitsa khwikhalakhu, lwa mundu atiilakhu, aliitsa khutsililila khuva woneshe khutukha halukolovo. 24Niiva mundu musatsa aliitsa khukona naye nashili mumatukhu keke ku mumweli, mundu mwenoyo alatsililila khuva woneshe khumatukhu saba. Shitali shiosi shia aliitsa khukonakhu, shiliitsa khuva shioneshe.
25“Niiva mundu mukhali alaraatsa masahi khumatukhu manyishi kakhali mumatukhu keke ku mumweli, inoho niiva khuraatsa khwekhwe khwa masahi khulatsililila khuvira matukhu ka avetsanga nali mumatukhu keke ku mumweli, aliitsa khuva woneshe lwa atsilililanga khuraatsa musahi, khuli lwa avetsanga nali mumatukhu keke ku mumweli. 26Shitali shiosi shia aliitsa khukonakhu nashiraatsanga masahi, shiliitsa khuva shioneshe, khuli shitali shieshie shia aliitsa khukonakhu lwa avetsanga mumatukhu keke ku mumweli. 27Mundu utiilakhu khuvio aliitsa khuva woneshe; aliitsa khufuya tsinguvu tsietsie nu khwisinga na matsi, khandi aliitsa khutsililila khuva woneshe khutukha halukolovo. 28Lwa khuraatsa khwekhwe khuva nukhwakhavwa, aliitsa khulindilila khumatukhu saba, makholwi khuva munihu khulondokhana khu mulukha. 29Mukhali mwenoyo aliitsa khuvukula vituti vivili inoho vinamusotsi vivili, khuvihila khu musalisi mu vwinjililu vwi Liheemo Litakatifu liu khuvaho khu Mwami Nyasaye. 30Musalisi aliitsa khuhaana shilala khuvio, khuli shihanwa shiu khurulitsaho vwoni, mahaane shindi shirikale khuli shihanwa shiu khusambwa. Aliitsa khukhola mulukha kukhunihitsa mukhali mwenoyo munjila yeneyo.”
31Mwami Nyasaye yavoolela Musa achelihitsi Vaisraeli khulondokhana khu vindu vivakholanga khuva voneshe khu vavuli khwononyinya Liheemo Litakatifu, liali niliavikhwa hakari mu maheemo ka vandu vamenyamu. Niiva valiitsa khukhola kenako vanyala khwiirwa.
32Yaka nako malako khulondokhana khu mundu musatsa urulanga mahila mu mmbili kwekwe, khandi winyalanga tsingulu tsiu lwivulu muvukono, 33mundu mukhali uli mumatukhu keke ku mu mweli inoho mundu musatsa ukonanga nu mukhali woneshe, khulondokhana khu mulukha.
Currently Selected:
LEVI 15: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
LEVI 15
15
Mahila Koneshe Karulanga mu Mmbili
1Mwami Nyasaye yavoolela Musa nende Haruni, 2“Lomolomi khu Vaisraeli, ma muvoolele: Lwa mundu arulanga mahila mu mmbili kwekwe, mahila karuli muye kenako, kaliitsa khuva koneshe. 3Kave kashitsilililanga khurula mu mmbili kwekwe inoho kaliitsa khuva kikalilwi, mahila kenako kaliitsa khukhola mundu mwenoyo khuva woneshe. Nindi kamukholanga khuva woneshe. 4Shitali shiosi shiu mundu mwenoyo, aliitsa khwikhalakhu inoho khukonakhu, shiliitsa khuva shioneshe. 5Mundu utiilanga khu shitali shieshie 6inoho khwikhala khu shia shindu shiosi, shiu mundu mwenoyo aliitsa khwikhalakhu, aliitsa khufuya tsinguvu tsietsie, nu khwisinga na matsi, nu khutsililila khuva woneshe khutukha khulukolovo. 7Mundu utiilanga khu mundu urulanga mahila mu mmbili kwekwe, aliitsa khufuya tsinguvu tsietsie nu khwisinga na matsi, nu khutsililila khuva woneshe khutukha halukolovo. 8Niiva mundu urulanga mahila mwenoyo, aliitsa khusutsila maree mundu uli munihu, mundu wasutsili maree woyo, aliitsa khufuya tsinguvu tsietsie, nu khwisinga na matsi, khandi atsililile khuva woneshe khutukha halukolovo. 9Shia shindu shiosi shiu khwikhalakhu inoho shisoko shiu mundu urulanga mahila mwenoyo, aliitsa khwikhalakhu shiliitsa khuva shioneshe. 10Mundu utiilanga khu shindu shiosi shiu mundu mwenoyo yikhalakhu, aliitsa khuva woneshe khutukha halukolovo. Shia mundu wosi uliitsa khuchingakhu shindu shiosi, shiu mundu mwenoyo aliitsa khwikhalakhu aliitsa khufuya tsinguvu tsietsie, nu khwisinga na matsi, khandi atsililile khuva woneshe khutukha halukolovo. 11Mundu wu mundu urulanga mahila mu mmbili kwekwe, aliitsa khutiilakhu vuchila khusava makhono keke na matsi, aliitsa khufuya tsinguvu tsietsie, nu khwisinga na matsi, khandi atsililile khuva woneshe khutukha halukolovo. 12Inyungu yosi yu mundu mwenoyo, aliitsa khutiilakhu iliitsa khwaraanyinywa, khandi ibakuli yosi yalombwa khu musala ya aliitsa khutiilakhu iliitsa khwochitswa na matsi.
13“Lwa mundu mwenoyo aliitsa khuva nahonyinywi khurula mahila, aliitsa khulindilila khumatukhu saba, ma afuyi tsinguvu tsietsie, nu khwisinga mu matsi kashindi ku mu isieveye, khandi akholwi khuva munihu khulondokhana khu mulukha. 14Aliitsa khuvukula khulitukhu lia munane, vituti vivili inoho vinamusotsi vivili avihile mu vwinjililu vwi Liheemo Litakatifu liu khuvaho khu Mwami Nyasaye, mavihaane khu musalisi. 15Musalisi aliitsa khuhaana shilala khuvio khuli shihanwa shiu khurulitsaho vwoni khandi shindi yeshio khuli shihanwa shiu khusambwa. Aliitsa khukhola mulukha ku khwinihitsa mundu mwenoyo munjila yeneyo.
16“Lwa mundu musatsa yinyalanga tsingulu tsiu lwivulu muvukono, khutukha yisinji mmbili kwekwe kwosi na matsi, nu khutsililila khuva woneshe khutukha halukolovo. 17Shia shindu shiosi shialombwa khu inguvu inoho shiseelo, shi tsingulu tsiu lwivulu tsiu mundu mwenoyo tsiliitsa khuroonyakhu, shilitsa khufuywa na matsi, nu khutsililila khuva shioneshe khutukha halukolovo. 18Lwa mundu musatsa nu mukhali valiitsa khuva nivakhamala khukona halala, vo vavili valiitsa khwisinga na matsi, nu khutsililila khuva voneshe khutukha halukolovo.
19“Lwa mundu mukhali ava nali mumatukhu keke ku mumweli, alatsililila khuva woneshe khumatukhu saba. Mundu utiilanga khuye, aliitsa khutsililila khuva woneshe khutukha halukolovo. 20Shia shindu shiosi shiu mukhali mwenoyo aliitsa khwikhalakhu inoho khukonakhu nali mumatukhu keke ku mumweli, shilitsa khutsililila khuva shioneshe. 21Mundu utiilanga khu shitali shiu mukhali mwenoyo, aliitsa khufuya tsinguvu tsietsie, khwisinga na matsi khandi atsililile khuva woneshe khutukha halukolovo. 22Mundu utiilanga khu shindu shiosi shiu mukhali mwenoyo yikhalakhu, aliitsa khwisinga na matsi. Mundu mwenoyo aliitsa khutsililila khuva woneshe khutukha halukolovo. 23Kave ni shitali inoho shindu shindi shiosi shiu mukhali mwenoyo aliitsa khwikhalakhu, lwa mundu atiilakhu, aliitsa khutsililila khuva woneshe khutukha halukolovo. 24Niiva mundu musatsa aliitsa khukona naye nashili mumatukhu keke ku mumweli, mundu mwenoyo alatsililila khuva woneshe khumatukhu saba. Shitali shiosi shia aliitsa khukonakhu, shiliitsa khuva shioneshe.
25“Niiva mundu mukhali alaraatsa masahi khumatukhu manyishi kakhali mumatukhu keke ku mumweli, inoho niiva khuraatsa khwekhwe khwa masahi khulatsililila khuvira matukhu ka avetsanga nali mumatukhu keke ku mumweli, aliitsa khuva woneshe lwa atsilililanga khuraatsa musahi, khuli lwa avetsanga nali mumatukhu keke ku mumweli. 26Shitali shiosi shia aliitsa khukonakhu nashiraatsanga masahi, shiliitsa khuva shioneshe, khuli shitali shieshie shia aliitsa khukonakhu lwa avetsanga mumatukhu keke ku mumweli. 27Mundu utiilakhu khuvio aliitsa khuva woneshe; aliitsa khufuya tsinguvu tsietsie nu khwisinga na matsi, khandi aliitsa khutsililila khuva woneshe khutukha halukolovo. 28Lwa khuraatsa khwekhwe khuva nukhwakhavwa, aliitsa khulindilila khumatukhu saba, makholwi khuva munihu khulondokhana khu mulukha. 29Mukhali mwenoyo aliitsa khuvukula vituti vivili inoho vinamusotsi vivili, khuvihila khu musalisi mu vwinjililu vwi Liheemo Litakatifu liu khuvaho khu Mwami Nyasaye. 30Musalisi aliitsa khuhaana shilala khuvio, khuli shihanwa shiu khurulitsaho vwoni, mahaane shindi shirikale khuli shihanwa shiu khusambwa. Aliitsa khukhola mulukha kukhunihitsa mukhali mwenoyo munjila yeneyo.”
31Mwami Nyasaye yavoolela Musa achelihitsi Vaisraeli khulondokhana khu vindu vivakholanga khuva voneshe khu vavuli khwononyinya Liheemo Litakatifu, liali niliavikhwa hakari mu maheemo ka vandu vamenyamu. Niiva valiitsa khukhola kenako vanyala khwiirwa.
32Yaka nako malako khulondokhana khu mundu musatsa urulanga mahila mu mmbili kwekwe, khandi winyalanga tsingulu tsiu lwivulu muvukono, 33mundu mukhali uli mumatukhu keke ku mu mweli inoho mundu musatsa ukonanga nu mukhali woneshe, khulondokhana khu mulukha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013