LEVI 16
16
Litukhu Likali liu Khusemehwa
1Mwami Nyasaye yalomoloma khu Musa lwa vaana vavili va Haruni himbi khu Mwami Nyasaye. 2Mwami Nyasaye yavoolela Musa, “Voolela amwavo wowo Haruni ndi anyala khutsia isaa yenyekhanga yonyene inyuma wu luvaala khutukha Havundu Hatakatifu Hene, shichila naho havundu ha niitsa khulolekha mu malesi, kali ikulu wi shindu shiu khukhunishila ikulu wi Lisanduku li Lilakano. Niiva aliitsa khwambakhana khulonda malako kenako, aliitsa khwiirwa. 3Haruni aliitsa khwinjila vutswa Havundu Hatakatifu Hene, lwa aliitsa khuva niyakhalera shihunwa shiu khuhaana khuli shihanwa shiu khurulitsaho vwoni nende likondi limiiko liu khuhaana khuli shihanwa shiu khusambwa.
4“Mwami Nyasaye yahaana mivaalo yaka. Haruni nashili khwinjila Havundu Hatakatifu Hene, yenyekhanga yisinji na matsi, mayifwale tsinguvu tsiu vusalisi: ikaanzu indavu nende tsisurwali, lukhanda, nende shilemba khu murwi kwekwe.
5“Vaisraeli valiitsa khuha Haruni tsimbuli tsikhole tsivili, tsi shihanwa shiu khurulitsaho vwoni nende likondi limiiko li shihanwa shiu khusambwa. 6Haruni aliitsa khusinza shihunwa shienesho, khuli musango ku khurulitsaho vwoni vwevwe mwene, khandi vwoni vwa vandu vi inzu yeye. 7Haruni aliitsa khuhila tsimbuli tsivili tsienetso mu vwinjililu vwi Liheemo Litakatifu. 8Haruni alakhuvila havundu henaho ikura khu tsimbuli tsivili; ikura yu khuraanga iliitsa khuva yu Mwami Nyasaye, khandi yindi ya Azazeli. 9Haruni aliitsa khusinza imbuli yarovolwa khuvirila khu ikura khu Mwami Nyasaye, nu khuchihaana khuli shihanwa shiu khurulitsaho vwoni. 10Imbuli yali niyarovolwa khuvirila khu ikura khu Azazeli, iliitsa khuhaanwa ni shili mwoyo khu Mwami Nyasaye, nu khukhungwa khutsia mu shiangalangwi khu Azazeli, khu vwoni vwa vandu vurulitswiho.
11“Lwa Haruni asinza shihunwa shienesho, khuli musango kwi shihanwa shiu khurulitsaho vwoni vwevwe mwene, khandi vwoni vwa vandu vi inzu yeye, 12aliitsa khuvukula lucho nulwitsuli mandaa kakhanga mulilu khurula khu vwaali nende tsikhovi tsivili tsiu vubani, mavilere Havundu Hatakatifu Hene. 13Haruni aliitsa khuvikha vubani vwenovo mu mulilu imbeli wu Mwami Nyasaye, khandi liooshi lirulanga khu vubani lilakhunikha shindu shiu khukhunishila Lisanduku li Lilakano, khuvula khulilola nu khukhutsa. 14Haruni aliitsa khuvukula masahi mati ki shihunwa nu khurumishili shitere shieshie khukamitsa imbeli wi shindu shiu khukhunishila Lisanduku li Lilakano mamitse masahi kandi hali saba imbeli wi Lisanduku li Lilakano.
15“Lwa aliitsa khuva ni yakhakhola kenako, aliitsa khusinza imbuli yi shihanwa shiu khurulitsaho vwoni vwa vandu, alere masahi kayo Havundu Hatakatifu Hene, khandi akamitse khu shindu shiu khukhunishila Lisanduku li Lilakano, khandi imbeli wi Lisanduku li Lilakano, khuli yakhola na masahi ki shihunwa. 16Munjila yeneyo, aliitsa khuva nakholanga mulukha ku khukhola Havundu Hatakatifu Hene khuva hanihu khurula mulionekha lia Vaisraeli, khandi khurula mu vwoni vwavo vwosi. Aliitsa khukhola malala mele khu Liheemo Litakatifu, shichila liasinjila hakari mu maheemo ka vandu vamenyamu, lioneshe khulondokhana khu mulukha. 17Mundu aliitsa khuvula khuvakhu mu Liheemo Litakatifu lwa Haruni, aliitsa khwinjila Havundu Hatakatifu Hene, khukhola mulukha ku khwinihitswa khutukha lwa aliitsa khurulamu; niyakhamala khukhola mwene mulukha ku khuva munihu, kwa vandu vi inzu yeye, khandi kwa Vaisraeli voosi. 18Haruni aliitsa khutsia khandi khu vwaali vuli imbeli wu Mwami Nyasaye, nu khuvukhola khuva vunihu. Aliitsa khuvukula masahi mati ki shihunwa, khandi masahi kandi ki imbuli akaveshe koosi khu misala chiasinjilitswa mu tsimbeka tsiu vwaali. 19Aliitsa khumitsa hali saba masahi mati khu vwaali narumishilanga shitere shieshie. Munjila yeneyo aliitsa khuva navukholanga khuva vunihu, khurula mu vwoni vwa Vaisraeli, nu khuvukhola khuva vutakatifu.
20“Lwa Haruni ava niyakhamala khukhola mulukha ku khunihitsa Havundu Hatakatifu Hene, havundu handi hi Liheemo Litakatifu liu khuvaho khu Mwami, halala nu vwaali, aliitsa khuhaana imbuli ishili mwoyo khu Mwami. 21Aliitsa khuvikha makhono keke kavili khu murwi kwi imbuli yeneyo, nu khuvooka havulavu vutamanu vwosi khuyo, vwoni, khandi mahingani ka Vaisraeli, mavusiuvi khu murwi kwi imbuli. Imbuli yeneyo iliitsa khukhungwa khutsia mu shiangalangwi, nu mundu warovolwa khukhola muhinzilu kwenoko. 22Imbuli yeneyo, iliitsa khuchinga vwoni vwosi khutukha havundu ha vandu vakhamenyanga tawe. Aliitsa khulekha imbuli yeneyo, khutsia mu shiangalangwi.
23“Haruni aliitsa khutsia mu Liheemo Litakatifu, anavulilimu tsinguvu tsiu vusalisi, tsia yifwala nashili khwinjila Havundu Hatakatifu Hene, nu khutsilekhamu. 24Aliitsa khwisinjila Havundu Hatakatifu, mayifwale tsinguvu tsietsie tsia khase khosi. Niyakhamala khukhola kenako, aliitsa khutsia ilwanyi khuhaana shihanwa shiu khusambwa shiu khurulitsaho vwoni vwevwe mwene, khandi vwoni vwa vandu. 25Haruni aliitsa khusambila khu vwaali shivana shiu muruku kwa vahaani, khuli shihanwa shiu khurulitsaho vwoni. 26Mundu wakhunganyinya imbuli nitsia mu shiangalangwi khu Azazeli, aliitsa khufuya tsinguvu tsietsie, nu khwisinga na matsi, nashili khukalukha mu maheemo ka vandu vamenyamu. 27Shihunwa nende imbuli yahaanwa khuli shihanwa shiu khurulitsaho vwoni, miruku chia masahi kachio kahilwa Havundu Hatakatifu Hene, khurulitsaho vwoni, chiliitsa khuhilwa ihale wene khurula mu maheemo ka vandu vamenyanga, nu khusambilwayo. Liseelo, inyama, nende maala viosi, viliitsa khusambwa nu mulilu. 28Mundu uliitsa khuvisamba, aliitsa khufuya tsinguvu tsietsie, nu khwisinga na matsi; niyakhamala khukhola kenako, aliitsa khwinjila mu maheemo ka Vaisraeli vamenyamu.
Khukhola Kenyekhanga Khulitukhu liu Khunihitswa
29“Malako yaka kaliitsa khutsililila khulondwa, khumatukhu koosi kaliitsa khuvaho. Khulitukhu li likhomi mweli wa saba, Vaisraeli nende vacheni vamenyanga muvo valiitsa khuhonga vuchila khulia, nu khuvula khukholakhu muhinzilu kwosi. 30Khulitukhu lienelo, valiitsa khukhola mulukha ku khurulitsho vwoni vwa vandu khu vave vanihu khulondokhana khu mulukha. 31Litukhu lienelo, liliitsa khuva litakatifu muno; litukhu lia valiitsa khuhonga vuchila khulia, khandi vuchila khukholakhu muhinzilu kwosi. 32Mukali wa vasalisi voosi, wavekhwa makura khuva musalisi nu khukholwa khuva musalisi khuvukula havukono ha tata wewe, aliitsa khukhola mulukha ku khwinihitswa. Aliitsa khufwala tsinguvu tsiu vusalisi 33nu khukhola mulukha ku khunihitsa Havundu Hatakatifu Hene, havundu handi hi Liheemo Litakatifu, vwaali, vasalisi, nende Vaisraeli vandi voosi. 34Malako yaka, kaliitsa khutsililila khulondwa, khumatukhu koosi kaliitsa khuvaho. Mulukha yuku kuliitsa khukholwa lulala lwonyene vutswa khumuhika, khukhola Vaisraeli, khuva vanihu khurula mu vwoni vwavo vwosi.”
Nalwo lwa Musa yakhola khuli Mwami Nyasaye yali namuvoolele akhole.
Currently Selected:
LEVI 16: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
LEVI 16
16
Litukhu Likali liu Khusemehwa
1Mwami Nyasaye yalomoloma khu Musa lwa vaana vavili va Haruni himbi khu Mwami Nyasaye. 2Mwami Nyasaye yavoolela Musa, “Voolela amwavo wowo Haruni ndi anyala khutsia isaa yenyekhanga yonyene inyuma wu luvaala khutukha Havundu Hatakatifu Hene, shichila naho havundu ha niitsa khulolekha mu malesi, kali ikulu wi shindu shiu khukhunishila ikulu wi Lisanduku li Lilakano. Niiva aliitsa khwambakhana khulonda malako kenako, aliitsa khwiirwa. 3Haruni aliitsa khwinjila vutswa Havundu Hatakatifu Hene, lwa aliitsa khuva niyakhalera shihunwa shiu khuhaana khuli shihanwa shiu khurulitsaho vwoni nende likondi limiiko liu khuhaana khuli shihanwa shiu khusambwa.
4“Mwami Nyasaye yahaana mivaalo yaka. Haruni nashili khwinjila Havundu Hatakatifu Hene, yenyekhanga yisinji na matsi, mayifwale tsinguvu tsiu vusalisi: ikaanzu indavu nende tsisurwali, lukhanda, nende shilemba khu murwi kwekwe.
5“Vaisraeli valiitsa khuha Haruni tsimbuli tsikhole tsivili, tsi shihanwa shiu khurulitsaho vwoni nende likondi limiiko li shihanwa shiu khusambwa. 6Haruni aliitsa khusinza shihunwa shienesho, khuli musango ku khurulitsaho vwoni vwevwe mwene, khandi vwoni vwa vandu vi inzu yeye. 7Haruni aliitsa khuhila tsimbuli tsivili tsienetso mu vwinjililu vwi Liheemo Litakatifu. 8Haruni alakhuvila havundu henaho ikura khu tsimbuli tsivili; ikura yu khuraanga iliitsa khuva yu Mwami Nyasaye, khandi yindi ya Azazeli. 9Haruni aliitsa khusinza imbuli yarovolwa khuvirila khu ikura khu Mwami Nyasaye, nu khuchihaana khuli shihanwa shiu khurulitsaho vwoni. 10Imbuli yali niyarovolwa khuvirila khu ikura khu Azazeli, iliitsa khuhaanwa ni shili mwoyo khu Mwami Nyasaye, nu khukhungwa khutsia mu shiangalangwi khu Azazeli, khu vwoni vwa vandu vurulitswiho.
11“Lwa Haruni asinza shihunwa shienesho, khuli musango kwi shihanwa shiu khurulitsaho vwoni vwevwe mwene, khandi vwoni vwa vandu vi inzu yeye, 12aliitsa khuvukula lucho nulwitsuli mandaa kakhanga mulilu khurula khu vwaali nende tsikhovi tsivili tsiu vubani, mavilere Havundu Hatakatifu Hene. 13Haruni aliitsa khuvikha vubani vwenovo mu mulilu imbeli wu Mwami Nyasaye, khandi liooshi lirulanga khu vubani lilakhunikha shindu shiu khukhunishila Lisanduku li Lilakano, khuvula khulilola nu khukhutsa. 14Haruni aliitsa khuvukula masahi mati ki shihunwa nu khurumishili shitere shieshie khukamitsa imbeli wi shindu shiu khukhunishila Lisanduku li Lilakano mamitse masahi kandi hali saba imbeli wi Lisanduku li Lilakano.
15“Lwa aliitsa khuva ni yakhakhola kenako, aliitsa khusinza imbuli yi shihanwa shiu khurulitsaho vwoni vwa vandu, alere masahi kayo Havundu Hatakatifu Hene, khandi akamitse khu shindu shiu khukhunishila Lisanduku li Lilakano, khandi imbeli wi Lisanduku li Lilakano, khuli yakhola na masahi ki shihunwa. 16Munjila yeneyo, aliitsa khuva nakholanga mulukha ku khukhola Havundu Hatakatifu Hene khuva hanihu khurula mulionekha lia Vaisraeli, khandi khurula mu vwoni vwavo vwosi. Aliitsa khukhola malala mele khu Liheemo Litakatifu, shichila liasinjila hakari mu maheemo ka vandu vamenyamu, lioneshe khulondokhana khu mulukha. 17Mundu aliitsa khuvula khuvakhu mu Liheemo Litakatifu lwa Haruni, aliitsa khwinjila Havundu Hatakatifu Hene, khukhola mulukha ku khwinihitswa khutukha lwa aliitsa khurulamu; niyakhamala khukhola mwene mulukha ku khuva munihu, kwa vandu vi inzu yeye, khandi kwa Vaisraeli voosi. 18Haruni aliitsa khutsia khandi khu vwaali vuli imbeli wu Mwami Nyasaye, nu khuvukhola khuva vunihu. Aliitsa khuvukula masahi mati ki shihunwa, khandi masahi kandi ki imbuli akaveshe koosi khu misala chiasinjilitswa mu tsimbeka tsiu vwaali. 19Aliitsa khumitsa hali saba masahi mati khu vwaali narumishilanga shitere shieshie. Munjila yeneyo aliitsa khuva navukholanga khuva vunihu, khurula mu vwoni vwa Vaisraeli, nu khuvukhola khuva vutakatifu.
20“Lwa Haruni ava niyakhamala khukhola mulukha ku khunihitsa Havundu Hatakatifu Hene, havundu handi hi Liheemo Litakatifu liu khuvaho khu Mwami, halala nu vwaali, aliitsa khuhaana imbuli ishili mwoyo khu Mwami. 21Aliitsa khuvikha makhono keke kavili khu murwi kwi imbuli yeneyo, nu khuvooka havulavu vutamanu vwosi khuyo, vwoni, khandi mahingani ka Vaisraeli, mavusiuvi khu murwi kwi imbuli. Imbuli yeneyo iliitsa khukhungwa khutsia mu shiangalangwi, nu mundu warovolwa khukhola muhinzilu kwenoko. 22Imbuli yeneyo, iliitsa khuchinga vwoni vwosi khutukha havundu ha vandu vakhamenyanga tawe. Aliitsa khulekha imbuli yeneyo, khutsia mu shiangalangwi.
23“Haruni aliitsa khutsia mu Liheemo Litakatifu, anavulilimu tsinguvu tsiu vusalisi, tsia yifwala nashili khwinjila Havundu Hatakatifu Hene, nu khutsilekhamu. 24Aliitsa khwisinjila Havundu Hatakatifu, mayifwale tsinguvu tsietsie tsia khase khosi. Niyakhamala khukhola kenako, aliitsa khutsia ilwanyi khuhaana shihanwa shiu khusambwa shiu khurulitsaho vwoni vwevwe mwene, khandi vwoni vwa vandu. 25Haruni aliitsa khusambila khu vwaali shivana shiu muruku kwa vahaani, khuli shihanwa shiu khurulitsaho vwoni. 26Mundu wakhunganyinya imbuli nitsia mu shiangalangwi khu Azazeli, aliitsa khufuya tsinguvu tsietsie, nu khwisinga na matsi, nashili khukalukha mu maheemo ka vandu vamenyamu. 27Shihunwa nende imbuli yahaanwa khuli shihanwa shiu khurulitsaho vwoni, miruku chia masahi kachio kahilwa Havundu Hatakatifu Hene, khurulitsaho vwoni, chiliitsa khuhilwa ihale wene khurula mu maheemo ka vandu vamenyanga, nu khusambilwayo. Liseelo, inyama, nende maala viosi, viliitsa khusambwa nu mulilu. 28Mundu uliitsa khuvisamba, aliitsa khufuya tsinguvu tsietsie, nu khwisinga na matsi; niyakhamala khukhola kenako, aliitsa khwinjila mu maheemo ka Vaisraeli vamenyamu.
Khukhola Kenyekhanga Khulitukhu liu Khunihitswa
29“Malako yaka kaliitsa khutsililila khulondwa, khumatukhu koosi kaliitsa khuvaho. Khulitukhu li likhomi mweli wa saba, Vaisraeli nende vacheni vamenyanga muvo valiitsa khuhonga vuchila khulia, nu khuvula khukholakhu muhinzilu kwosi. 30Khulitukhu lienelo, valiitsa khukhola mulukha ku khurulitsho vwoni vwa vandu khu vave vanihu khulondokhana khu mulukha. 31Litukhu lienelo, liliitsa khuva litakatifu muno; litukhu lia valiitsa khuhonga vuchila khulia, khandi vuchila khukholakhu muhinzilu kwosi. 32Mukali wa vasalisi voosi, wavekhwa makura khuva musalisi nu khukholwa khuva musalisi khuvukula havukono ha tata wewe, aliitsa khukhola mulukha ku khwinihitswa. Aliitsa khufwala tsinguvu tsiu vusalisi 33nu khukhola mulukha ku khunihitsa Havundu Hatakatifu Hene, havundu handi hi Liheemo Litakatifu, vwaali, vasalisi, nende Vaisraeli vandi voosi. 34Malako yaka, kaliitsa khutsililila khulondwa, khumatukhu koosi kaliitsa khuvaho. Mulukha yuku kuliitsa khukholwa lulala lwonyene vutswa khumuhika, khukhola Vaisraeli, khuva vanihu khurula mu vwoni vwavo vwosi.”
Nalwo lwa Musa yakhola khuli Mwami Nyasaye yali namuvoolele akhole.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013