HOSEHA KUKHURAANJILILA
KUKHURAANJILILA
Muprofeti Hoseha yilwatsa likhuva khu vandu vamenyanga khuluveka luli ivuluka wu vwami vwi shivala shia Israeli, inyuma wu Muprofeti Amosi. Yilwatsayo mumatukhu ku vutiinyu vwaliho, litaala lia Samaria nilishili khutivitswa khumuhika kwi tsimia saba na makhomi kavili Kristo Nashili Khwivulwa (721 KNK). Hoseha yaheendela mwoyo khushila muno, khuli vandu vasaalanga khu misambwa, khandi khuli vali nivambakhana khuva vasuuvilwa khu Nyasaye. Hoseha yalola ndi khuvula khuva vasuuvilwa khwa vandu venavo khuli manya ye lwa yahila mukhali mutamanu ukhali musuuvilwa. Khuli lwa mukhali wewe walaangwangwa Gomeri yambakhana khuva musuuvilwa khuye, nindio khandi khuli vandu va Nyasaye vambakhana khuva vasuuvilwa khu Mwami Nyasaye. Vaisraeli valiitsa khukhalachilwa khurulana khu kenako. Nikhali vuyaanzi vwi mihika ni mihika vwa Nyasaye alolelanga vandu veve, vuliitsa khurweshitswa lukhumalilikha, lwa aliitsa khulera shivala khuye mwene, nu khukalushila khuvayaanza. Vuyaanzi vwenovo vumanyikhanilanga mu makhuva ku khuyaanzitsa yaka: “Israeli, nyala khukhwivilila munjila shina? Nyala khukhulekha munjila shina? ... Shinganakananga nyala khukhola ndio tawe. Nakhuyaanza nu mwoyo kwosi.” (11:8).
Kalimu Muvwimbi
Limenya lia Hoseha nu Mukhali wewe nende Vandu vi Inzu Yeye 1:1—3:5
Makhuva ku Khuyaala Israeli 4:1—13:16
Khwenya vandu Khukanila nende Lilaaka 14:1-9
Currently Selected:
HOSEHA KUKHURAANJILILA: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013