KHURULA 15
15
Lwimbo lwa Musa
1Nalwo lwa Musa nende Vaisraeli vimbila Mwami Nyasaye lwimbo yulu:
“Niitsa khwimbila Mwami Nyasaye,
shichila umali khukuura khuvirila mu vukhumi vwevwe;
neye wasiuva tsifarasi nende vasikali vatsihilanga mu inyanza.
2Mwami Nyasaye neye tsingulu tsianje
khandi nende lwimbo lwanje,
khandi neye umbonyinyanga.
Neye Nyasaye wanje, khandi niitsa khumwitsominya,
Neye Nyasaye wa tata wanje,
niitsa khumukhuminya.
3Mwami Nyasaye neye uli ni tsingulu muliihe;
lira lielie ni Mwami Nyasaye.
4“Neye wasiuva mu inyanza mukaanda kwa vasikali va Vamisri nende makaare kavo kiliihe;
khali vimilili vu Mwami wa Misri veve varovolwa navinikha mu Inyanza Imuuchi.
5Inyanza yu luliiva ya vakhunikha;
viyinikha mukari mwi inyanza khuli lichina.
6“Mwami Nyasaye, mukhono kwokwo musatsa
kuli nu vukhumi khuvirila mu tsingulu tsinyishi;
kutivitsanga vatsiku.
7Nivi wasiuva vatsiku vovo yavo khuvirila mu tsingulu tsiu vunyali vwovwo.
Vurima vwovwo vwalolekha nu vuvalaalitsa khuli mulilu kulaalitsanga vunyasi.
8Nivi wavura muya khu inyanza ma matsi nikivunjelitsa;
khali nikasinjila vulunji khuli lisisi;
luliiva lumakana mukari mwene mu inyanza.
9Mutsiku yichinjilila navoola, ‘Niitsa khuvahitsanyinya vakumile;
niitsa khukavula miandu chiavo nu khuvukula chiosi.
Niitsa khusomola shivavi shianje nu khuvativitsa voosi.’
10Nivi wavuura miuya lulala lwonyene
Vamisri niviyinikha mu inyanza;
Viyinikha khuli lisasi mu matsi manyishi ku luliiva.
11“Mwami Nyasaye, ni viina mu vanyasaye unyala khusasanyinywa khu yivi?
Ni viina uli khuli yivi, wu khuchenyinya muno mu vutakatifu?
Ni viina unyala khukhola viloleshitsu viu vukhumi,
vindu viu khuchenyinya khuli via wu kholanga?
12Nivi warumishila tsingulu tsiotsio,
khali lilova nilimiila vatsiku veru.
13Nivi wimilila vandu va wahonyinya shichila vuyaanzi vwovwo vwi mihika ni mihika;
nivi wavahila mu shivala shioshio shitakatifu khuvirila mu tsingulu tsiotsio.
14Vandu vi tsimbia tsindi tsiosi vamali khuhulila nu khutechela;
vandu vi litaala lia Filistia varenganga nivaria.
15Vimilili va Edomu vaheendanga mwoyo;
Vimilili va Vamoabu vatechelanga.
Vakanaani vamali khukoritsa ikholo yavo.
16Virishitsu nu khurenga viliitsa khuvalia.
Mwami Nyasaye, valolanga uli ni tsingulu,
khali vasinjilanga nivaria khutukha lwa vandu vovo valiitsa khuva nivakhaviraho --
vandu va yivi mwene wakhola khuva vavoholole khurula mu vurukwa.
17Mwami Nyasaye, vinjilitsimu ma uvare mu shikulu shioshio,
havundu ha warovola khuva hango hoho, Litempeli lia yivi mwene wumbakha.
18Mwami Nyasaye, nivi uliitsa khwamiha mihika ni mihika.”
Lwimbo lwa Miriamu
19Vaisraeli vachenda khuvirila khulilova liumakanu mu inyanza. Navutswa lwa makaare kiliihe ka Vamisri halala ni tsifarasi tsiavo nende vasikali vatsihilanga vavo vinjila mu inyanza, Mwami Nyasaye yakalushitsa halala matsi, nikavakhunikha.
20Muprofeti mukhali walaangwangwa Miriamu, wali mbotso wa Haruni, yavukula manyanya keke, khandi vandu vakhali voosi nivamulonda, lwa yavayanga manyanya nu khusieva. 21Miriamu yavimbila lwimbo:
“Mwimbile Mwami Nyasaye lwimbo,
shichila waheelwa vukhumi vunyishi muno;
umali khusiuva mu inyanza tsifarasi nende vahili vatsio.”
Matsi Malulu
22Nalwo lwa Musa yimilila Vaisraeli khurula khu Inyanza Imuuchi, nivatsia mu Shiangalangwi shia Shuri. Vachenda chenda mwichendanyama khumatukhu kavaka, navutswa vuchila khunyolakhu matsi koosi. 23Lwa vatukha havundu halangwangwa Mara, shivali vang'wa matsi ka hawenaho tawe, shichila kali matsi malulu. Nashio shivune shichilanga havundu henaho nalaangwa Mara. #15:23 Mara: nakhwo khuvoola Muluhebrania malulu. 24Vaisraeli vang'ung'unila Musa, nivareeva, “Shina shia khutsitsanga khung'wa?” 25Musa yasaala nu mwoyo kwosi khu Mwami Nyasaye, ma Mwami Nyasaye namumanyinya shisala, shia yavukula nasiuva mu matsi; ma matsi kenako nikava malahi ku khung'wa.
Mwami Nyasaye yavaha malako ku khuvalinda havundu henaho mu limenya liavo, khandi navara mu machelitso. 26Yavavoolela, “Niiva muliitsa khulonda makhuva kaanje vuchila khuhaya haya khandi mukholeka ndolanga ni malunji, nu khutsililila na malako kaanje, shinzitsanga khumusalilitsa nu vulwale vwosi, vwa nalerelakhu Vamisri tawe. Ninzi Mwami Nyasaye, uli Nyasaye wenyu wamuhonyinyanga.”
27Vatukha khandi havundu halaangwangwa Elimu, ha khwali ni tsisieveye likhomi na tsivili, khandi misala makhomi saba chia mashindu. Vamenyaho himbi ha matsi.
Currently Selected:
KHURULA 15: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 15
15
Lwimbo lwa Musa
1Nalwo lwa Musa nende Vaisraeli vimbila Mwami Nyasaye lwimbo yulu:
“Niitsa khwimbila Mwami Nyasaye,
shichila umali khukuura khuvirila mu vukhumi vwevwe;
neye wasiuva tsifarasi nende vasikali vatsihilanga mu inyanza.
2Mwami Nyasaye neye tsingulu tsianje
khandi nende lwimbo lwanje,
khandi neye umbonyinyanga.
Neye Nyasaye wanje, khandi niitsa khumwitsominya,
Neye Nyasaye wa tata wanje,
niitsa khumukhuminya.
3Mwami Nyasaye neye uli ni tsingulu muliihe;
lira lielie ni Mwami Nyasaye.
4“Neye wasiuva mu inyanza mukaanda kwa vasikali va Vamisri nende makaare kavo kiliihe;
khali vimilili vu Mwami wa Misri veve varovolwa navinikha mu Inyanza Imuuchi.
5Inyanza yu luliiva ya vakhunikha;
viyinikha mukari mwi inyanza khuli lichina.
6“Mwami Nyasaye, mukhono kwokwo musatsa
kuli nu vukhumi khuvirila mu tsingulu tsinyishi;
kutivitsanga vatsiku.
7Nivi wasiuva vatsiku vovo yavo khuvirila mu tsingulu tsiu vunyali vwovwo.
Vurima vwovwo vwalolekha nu vuvalaalitsa khuli mulilu kulaalitsanga vunyasi.
8Nivi wavura muya khu inyanza ma matsi nikivunjelitsa;
khali nikasinjila vulunji khuli lisisi;
luliiva lumakana mukari mwene mu inyanza.
9Mutsiku yichinjilila navoola, ‘Niitsa khuvahitsanyinya vakumile;
niitsa khukavula miandu chiavo nu khuvukula chiosi.
Niitsa khusomola shivavi shianje nu khuvativitsa voosi.’
10Nivi wavuura miuya lulala lwonyene
Vamisri niviyinikha mu inyanza;
Viyinikha khuli lisasi mu matsi manyishi ku luliiva.
11“Mwami Nyasaye, ni viina mu vanyasaye unyala khusasanyinywa khu yivi?
Ni viina uli khuli yivi, wu khuchenyinya muno mu vutakatifu?
Ni viina unyala khukhola viloleshitsu viu vukhumi,
vindu viu khuchenyinya khuli via wu kholanga?
12Nivi warumishila tsingulu tsiotsio,
khali lilova nilimiila vatsiku veru.
13Nivi wimilila vandu va wahonyinya shichila vuyaanzi vwovwo vwi mihika ni mihika;
nivi wavahila mu shivala shioshio shitakatifu khuvirila mu tsingulu tsiotsio.
14Vandu vi tsimbia tsindi tsiosi vamali khuhulila nu khutechela;
vandu vi litaala lia Filistia varenganga nivaria.
15Vimilili va Edomu vaheendanga mwoyo;
Vimilili va Vamoabu vatechelanga.
Vakanaani vamali khukoritsa ikholo yavo.
16Virishitsu nu khurenga viliitsa khuvalia.
Mwami Nyasaye, valolanga uli ni tsingulu,
khali vasinjilanga nivaria khutukha lwa vandu vovo valiitsa khuva nivakhaviraho --
vandu va yivi mwene wakhola khuva vavoholole khurula mu vurukwa.
17Mwami Nyasaye, vinjilitsimu ma uvare mu shikulu shioshio,
havundu ha warovola khuva hango hoho, Litempeli lia yivi mwene wumbakha.
18Mwami Nyasaye, nivi uliitsa khwamiha mihika ni mihika.”
Lwimbo lwa Miriamu
19Vaisraeli vachenda khuvirila khulilova liumakanu mu inyanza. Navutswa lwa makaare kiliihe ka Vamisri halala ni tsifarasi tsiavo nende vasikali vatsihilanga vavo vinjila mu inyanza, Mwami Nyasaye yakalushitsa halala matsi, nikavakhunikha.
20Muprofeti mukhali walaangwangwa Miriamu, wali mbotso wa Haruni, yavukula manyanya keke, khandi vandu vakhali voosi nivamulonda, lwa yavayanga manyanya nu khusieva. 21Miriamu yavimbila lwimbo:
“Mwimbile Mwami Nyasaye lwimbo,
shichila waheelwa vukhumi vunyishi muno;
umali khusiuva mu inyanza tsifarasi nende vahili vatsio.”
Matsi Malulu
22Nalwo lwa Musa yimilila Vaisraeli khurula khu Inyanza Imuuchi, nivatsia mu Shiangalangwi shia Shuri. Vachenda chenda mwichendanyama khumatukhu kavaka, navutswa vuchila khunyolakhu matsi koosi. 23Lwa vatukha havundu halangwangwa Mara, shivali vang'wa matsi ka hawenaho tawe, shichila kali matsi malulu. Nashio shivune shichilanga havundu henaho nalaangwa Mara. #15:23 Mara: nakhwo khuvoola Muluhebrania malulu. 24Vaisraeli vang'ung'unila Musa, nivareeva, “Shina shia khutsitsanga khung'wa?” 25Musa yasaala nu mwoyo kwosi khu Mwami Nyasaye, ma Mwami Nyasaye namumanyinya shisala, shia yavukula nasiuva mu matsi; ma matsi kenako nikava malahi ku khung'wa.
Mwami Nyasaye yavaha malako ku khuvalinda havundu henaho mu limenya liavo, khandi navara mu machelitso. 26Yavavoolela, “Niiva muliitsa khulonda makhuva kaanje vuchila khuhaya haya khandi mukholeka ndolanga ni malunji, nu khutsililila na malako kaanje, shinzitsanga khumusalilitsa nu vulwale vwosi, vwa nalerelakhu Vamisri tawe. Ninzi Mwami Nyasaye, uli Nyasaye wenyu wamuhonyinyanga.”
27Vatukha khandi havundu halaangwangwa Elimu, ha khwali ni tsisieveye likhomi na tsivili, khandi misala makhomi saba chia mashindu. Vamenyaho himbi ha matsi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013