KHURULA 16
16
Mana nende Tsisindu
1Vaisraeli voosi vasimukha nivarula Elimu nivatukha mu Shiangalangwi shia Sini, shili hakari hi litaala lia Elimu nende Shikulu shia Sinai, khulitukhu li likhomi na karanu liu mweli kwa khavili lwa Vaisraeli vali nivakharula mu shivala shia Misri. 2Vaisraeli vali nivali mu shiangalangwi vililila khu Musa nende Haruni. 3Vaisraeli va vavoolela, “Vwakhavele vulahi, niiva Mwami Nyasaye yakhakhwiirili mu shivala shia Misri, wa khwikhalanga nu khulia tsinyama, halala ni viukhulia vindi khuli khwenyanga; navutswa mukhuleri mwichendanyama yumu, khu voosi khukhutsi shichila inzala.”
4Nalwo lwa Mwami Nyasaye yavoolela Musa, “Nzitsanga khumurumila mikati khurula mwikulu. Vandu valiitsa khutsia shia khulitukhu, khuvukula mikati chinyala khuvatukha khulitukhu lienelo. Niitsa khuvachelitsa munjila iyi, khulola niiva valondanga mivaalo kaanje, inoho vambakhananga khukalonda. 5Khulitukhu lia sita, valiitsa khulomba chia valeramu, khandi chiliitsa khuva minyishi hali khavili khu yechio, chia vavukulanga mumatukhu kandi.”
6Musa nende Haruni vavoolela Vaisraeli voosi, “Mutsitsanga khumanya khulukolovo khunu ndi Mwami Nyasaye, neye wamurulitsa mu shivala shia Misri. 7Muliitsa khulola mu mavwevwe vukhumi vu Mwami Nyasaye, shichila umali khuhulila khwililila khwenyu khulondokhana khuye; khutsi ni vanga viina, mukhulilile?” 8Musa yavavoolela khandi, “Muliitsa khumanya Mwami Nyasaye, lwa aliitsa khumuha tsinyama tsia mulia khulukolovo, khandi mikati chiosi chia mwenyanga mu mavwevwe; shichila Mwami Nyasaye umali khuhulila khwililila khwenyu, khulondokhana khuye. Khutsi ni vanga viina? Shiumunyala khuva mwilililanga shichila khutsi tawe, navutswa mwilililanga shichila Mwami Nyasaye.”
9Musa yavoolela Haruni, “Voolela Vaisraeli voosi vitsi vasinjile imbeli wu Mwami Nyasaye, shichila umali khuhulila khwililila khwavo.” 10Lwa Haruni yali nalomolomanga khu Vaisraeli voosi, vashiama nivaheenza mu shiangalangwi, ma vukhumi vu Mwami Nyasaye, nuvulolekha mu malesi. 11Mwami Nyasaye yavoolela Musa, 12“Mali khuhulila khwililila khwa Vaisraeli. Vavoolele ndi, isaa yu khulukolovo valiitsa khulia tsinyama, khandi valiitsa khulia mikati chia venyanga chiosi mu mavwevwe. Nalwo lwa valiitsa khumanya ndi inzi Mwami Nyasaye, neye Nyasaye wavo.”
13Shituma shikali shi tsisiindu tsiayeelaho khulukolovo khwenokho, manitsisalana havundu ha vamenyanga, khandi liime liali linyishi shia havundu hosi ha vamenyanga yaho mu mavwevwe. 14Lwa liime liali niliakhakhaama, shindu shinyelele khandi shilavililu khuli imparafu shialolekha hasi mu shiangalangwi. 15Lwa Vaisraeli vashilola vakorwa khushimanya, nivareevana vene khuvene, “Ni shindu shina shienesho?”
Musa yavavoolela, “Nu mukati ku Mwami Nyasaye amuheele mulii. 16Mwami Nyasaye umali khuvoola ndi shia mulala khu munyi, aliitsa khuvukula hali khanyishi khuli yenyanga; tsilita tsivili khu shia mundu wi inzu yeye.”
17Vaisraeli vakhola khuli vavoolelwa; vandu valala vavukula mikati hali khanyishi muno, navutswa vandi mitititi. 18Lwa vapima khu ilaatili, yavo vavukula mikati hali khanyishi muno, shivali nachio hali khanyishi; khandi yavo vavukula mikati mitititi shivalikhu nachio mitititi tawe. Shia mundu yavukula vutswa chia yenyanga. 19Musa yavavoolela, “Mundu avuli khurikakhu khali mukati mulala khuchio khutukha mukamba.” 20Nikhali, vandu valala shivahulila makhuva ka Musa yavavoolela tawe. Vavikha milala khu mikati chienecho khutukha mu mavwevwe, navutswa tsinyende tsiama khu mikati chienecho, nichiranga khuhuunya likuundu. Nalwo lwa Musa yavalolela vurima. 21Shia mu mavwevwe shia mundu wosi, yavukula mikati khulondokhana khuli yenyanga; khali lwa mbasu kwali mululu muno, mikati chiosi chiali nichili hasi chiakhamulukha.
22Khulitukhu lia sita, vavukula hali khavili mikati minyishi muno; shia mundu wosi tsilita tsine. Vimilili voosi va Vaisraeli vitsa, nivavoolela Musa makhuva khulondokhana khuchio. 23Musa yavavoolela, “Yaka nako makhuva ku Mwami Nyasaye yali navooli, ‘Mukamba liliitsa khuva litukhu liu khuhulukha, litukhu litakatifu li Lisabato khu Mwami Nyasaye. Muliitsa khukanda shia shindu shiosi, shia mwenyanga khukanda nu khuteekha shia shindu shiosi, shia mwenyanga khuteekha. Muliitsa khuvikha haluveka chiliitsa khuva nichirikale, khutukha khulitukhu lia mukamba.’ ” 24Vachivikha vulahi khutukha mu mavwevwe, khuli Musa yali navavoolele; shichiahuunya likuundu inoho tsinyende khwama khuchio tawe. 25Musa yavavoolela, “Nyanyi mikati yichi nunundi, shichila nunundi nalio litukhu li Lisabato khu Mwami Nyasaye. Shiumuliitsa khunyolakhu, khali mukati mulala hasi nunundi tawe. 26Muliitsa khuvukula mikati khumatukhu sita, navutswa khulitukhu lia saba, ni litukhu li Lisabato; chiliitsa khuva nichivwele.”
27Nikhali, vandu valala vasimukha, nivatsia khuvukula mikati khulitukhu lia saba, navutswa vanyola nichivwele. 28Mwami Nyasaye yavoolela Musa, “Nuluhono shina lwa munyi mwambakhana khulonda malako kaanje? 29Mwitsushitse ndi Mwami Nyasaye, neye wamuha litukhu li Lisabato; nashio shivune shichilanga namuha khulitukhu lia sita, mikati chinyala khuvukula matukhu kavili. Shia mundu wosi aliitsa khukhola nashimenya havundu, ha aliitsa khuva nali khulitukhu lia saba; avuli khurula hango hehe.” 30Vandu vahulukha khulitukhu lia saba.
31Vaisraeli vakulikha mukati kwenoko lira maana. #16:31maana: nakhwo khuvoola ni shina? Kwalolekhanga khuli lukuutsa lutititi lulavu tswere, manuluva nu mutsanzo khuli kwi visikuti vialombwa nu vushi. 32Musa yavoola, “Mwami Nyasaye ukhuheele lilako liu khura haluveka maana, nu kuve kwa vitsukhulu veru, khu valilola mikati chia yakhuha khulii, lwa khwali nu khuli mu shiangalangwi, lwa ya khurulitsa mu shivala shia Misri.” 33Musa yavoolela Haruni, “Vukula ijaka ma uvishi imu tsilita tsivili tsia maana, khandi chivishi imbeli wu Mwami Nyasaye khu chivishilwi vitsukhulu veru.” 34Khuli Mwami Nyasaye yali yavoolela Musa makhuva, Haruni yachivikha imbeli wi Lisanduku li Lilakano, khu chiviswi vulahi. 35Vaisraeli valia maana khumihika makhomi kane, khutukha lwa vatukha mu shivala shia Kanaani, shivala shia vamenyamu. 36Shipimu shitushili shia vapimilakhu mumatukhu kenako shiali tsilita makhomi kavili.
Currently Selected:
KHURULA 16: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 16
16
Mana nende Tsisindu
1Vaisraeli voosi vasimukha nivarula Elimu nivatukha mu Shiangalangwi shia Sini, shili hakari hi litaala lia Elimu nende Shikulu shia Sinai, khulitukhu li likhomi na karanu liu mweli kwa khavili lwa Vaisraeli vali nivakharula mu shivala shia Misri. 2Vaisraeli vali nivali mu shiangalangwi vililila khu Musa nende Haruni. 3Vaisraeli va vavoolela, “Vwakhavele vulahi, niiva Mwami Nyasaye yakhakhwiirili mu shivala shia Misri, wa khwikhalanga nu khulia tsinyama, halala ni viukhulia vindi khuli khwenyanga; navutswa mukhuleri mwichendanyama yumu, khu voosi khukhutsi shichila inzala.”
4Nalwo lwa Mwami Nyasaye yavoolela Musa, “Nzitsanga khumurumila mikati khurula mwikulu. Vandu valiitsa khutsia shia khulitukhu, khuvukula mikati chinyala khuvatukha khulitukhu lienelo. Niitsa khuvachelitsa munjila iyi, khulola niiva valondanga mivaalo kaanje, inoho vambakhananga khukalonda. 5Khulitukhu lia sita, valiitsa khulomba chia valeramu, khandi chiliitsa khuva minyishi hali khavili khu yechio, chia vavukulanga mumatukhu kandi.”
6Musa nende Haruni vavoolela Vaisraeli voosi, “Mutsitsanga khumanya khulukolovo khunu ndi Mwami Nyasaye, neye wamurulitsa mu shivala shia Misri. 7Muliitsa khulola mu mavwevwe vukhumi vu Mwami Nyasaye, shichila umali khuhulila khwililila khwenyu khulondokhana khuye; khutsi ni vanga viina, mukhulilile?” 8Musa yavavoolela khandi, “Muliitsa khumanya Mwami Nyasaye, lwa aliitsa khumuha tsinyama tsia mulia khulukolovo, khandi mikati chiosi chia mwenyanga mu mavwevwe; shichila Mwami Nyasaye umali khuhulila khwililila khwenyu, khulondokhana khuye. Khutsi ni vanga viina? Shiumunyala khuva mwilililanga shichila khutsi tawe, navutswa mwilililanga shichila Mwami Nyasaye.”
9Musa yavoolela Haruni, “Voolela Vaisraeli voosi vitsi vasinjile imbeli wu Mwami Nyasaye, shichila umali khuhulila khwililila khwavo.” 10Lwa Haruni yali nalomolomanga khu Vaisraeli voosi, vashiama nivaheenza mu shiangalangwi, ma vukhumi vu Mwami Nyasaye, nuvulolekha mu malesi. 11Mwami Nyasaye yavoolela Musa, 12“Mali khuhulila khwililila khwa Vaisraeli. Vavoolele ndi, isaa yu khulukolovo valiitsa khulia tsinyama, khandi valiitsa khulia mikati chia venyanga chiosi mu mavwevwe. Nalwo lwa valiitsa khumanya ndi inzi Mwami Nyasaye, neye Nyasaye wavo.”
13Shituma shikali shi tsisiindu tsiayeelaho khulukolovo khwenokho, manitsisalana havundu ha vamenyanga, khandi liime liali linyishi shia havundu hosi ha vamenyanga yaho mu mavwevwe. 14Lwa liime liali niliakhakhaama, shindu shinyelele khandi shilavililu khuli imparafu shialolekha hasi mu shiangalangwi. 15Lwa Vaisraeli vashilola vakorwa khushimanya, nivareevana vene khuvene, “Ni shindu shina shienesho?”
Musa yavavoolela, “Nu mukati ku Mwami Nyasaye amuheele mulii. 16Mwami Nyasaye umali khuvoola ndi shia mulala khu munyi, aliitsa khuvukula hali khanyishi khuli yenyanga; tsilita tsivili khu shia mundu wi inzu yeye.”
17Vaisraeli vakhola khuli vavoolelwa; vandu valala vavukula mikati hali khanyishi muno, navutswa vandi mitititi. 18Lwa vapima khu ilaatili, yavo vavukula mikati hali khanyishi muno, shivali nachio hali khanyishi; khandi yavo vavukula mikati mitititi shivalikhu nachio mitititi tawe. Shia mundu yavukula vutswa chia yenyanga. 19Musa yavavoolela, “Mundu avuli khurikakhu khali mukati mulala khuchio khutukha mukamba.” 20Nikhali, vandu valala shivahulila makhuva ka Musa yavavoolela tawe. Vavikha milala khu mikati chienecho khutukha mu mavwevwe, navutswa tsinyende tsiama khu mikati chienecho, nichiranga khuhuunya likuundu. Nalwo lwa Musa yavalolela vurima. 21Shia mu mavwevwe shia mundu wosi, yavukula mikati khulondokhana khuli yenyanga; khali lwa mbasu kwali mululu muno, mikati chiosi chiali nichili hasi chiakhamulukha.
22Khulitukhu lia sita, vavukula hali khavili mikati minyishi muno; shia mundu wosi tsilita tsine. Vimilili voosi va Vaisraeli vitsa, nivavoolela Musa makhuva khulondokhana khuchio. 23Musa yavavoolela, “Yaka nako makhuva ku Mwami Nyasaye yali navooli, ‘Mukamba liliitsa khuva litukhu liu khuhulukha, litukhu litakatifu li Lisabato khu Mwami Nyasaye. Muliitsa khukanda shia shindu shiosi, shia mwenyanga khukanda nu khuteekha shia shindu shiosi, shia mwenyanga khuteekha. Muliitsa khuvikha haluveka chiliitsa khuva nichirikale, khutukha khulitukhu lia mukamba.’ ” 24Vachivikha vulahi khutukha mu mavwevwe, khuli Musa yali navavoolele; shichiahuunya likuundu inoho tsinyende khwama khuchio tawe. 25Musa yavavoolela, “Nyanyi mikati yichi nunundi, shichila nunundi nalio litukhu li Lisabato khu Mwami Nyasaye. Shiumuliitsa khunyolakhu, khali mukati mulala hasi nunundi tawe. 26Muliitsa khuvukula mikati khumatukhu sita, navutswa khulitukhu lia saba, ni litukhu li Lisabato; chiliitsa khuva nichivwele.”
27Nikhali, vandu valala vasimukha, nivatsia khuvukula mikati khulitukhu lia saba, navutswa vanyola nichivwele. 28Mwami Nyasaye yavoolela Musa, “Nuluhono shina lwa munyi mwambakhana khulonda malako kaanje? 29Mwitsushitse ndi Mwami Nyasaye, neye wamuha litukhu li Lisabato; nashio shivune shichilanga namuha khulitukhu lia sita, mikati chinyala khuvukula matukhu kavili. Shia mundu wosi aliitsa khukhola nashimenya havundu, ha aliitsa khuva nali khulitukhu lia saba; avuli khurula hango hehe.” 30Vandu vahulukha khulitukhu lia saba.
31Vaisraeli vakulikha mukati kwenoko lira maana. #16:31maana: nakhwo khuvoola ni shina? Kwalolekhanga khuli lukuutsa lutititi lulavu tswere, manuluva nu mutsanzo khuli kwi visikuti vialombwa nu vushi. 32Musa yavoola, “Mwami Nyasaye ukhuheele lilako liu khura haluveka maana, nu kuve kwa vitsukhulu veru, khu valilola mikati chia yakhuha khulii, lwa khwali nu khuli mu shiangalangwi, lwa ya khurulitsa mu shivala shia Misri.” 33Musa yavoolela Haruni, “Vukula ijaka ma uvishi imu tsilita tsivili tsia maana, khandi chivishi imbeli wu Mwami Nyasaye khu chivishilwi vitsukhulu veru.” 34Khuli Mwami Nyasaye yali yavoolela Musa makhuva, Haruni yachivikha imbeli wi Lisanduku li Lilakano, khu chiviswi vulahi. 35Vaisraeli valia maana khumihika makhomi kane, khutukha lwa vatukha mu shivala shia Kanaani, shivala shia vamenyamu. 36Shipimu shitushili shia vapimilakhu mumatukhu kenako shiali tsilita makhomi kavili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013