KHURULA 14
14
Khuli Vaisraeli Vambukha Inyanza Imuuchi
1Mwami Nyasaye yavoolela Musa, 2“Voolela Vaisraeli vakomoshe mavumbashe maheemo ku khumenyamu, imbeli wa havundu halaangwangwa Pi-hahirotsi, hakari hi litaala lia Migidoli nende Inyanza Imuuchi, himbi mu litaala lia Baali-zefoni. 3Mwami wa Misri aliitsa khukanakana ndi Vaisraeli vahaya hayanga vutswa mu shivala, khandi vayikalilwa mwichendanyama. 4Niitsa khulomba Mwami wa Misri khuva muhaaka, khandi aliitsa khumuhitsanyinya. Niitsa khuheelwa vukhumi, nimali khukuura Mwami wa Misri nende mukaanda kwa vasikali veve voosi; ma Vamisri valimanya ndi ninzi Mwami Nyasaye.” Vaisraeli vakhola khuli vavoolelwa.
5Lwa Mwami wa Misri yavoolelwa ndi Vaisraeli vamali khwilukha, ye mwene halala na varumishi va vandu veve, vakalukhanyinya inganakani yavo nivavoola, “Ni shina shia khukholi yishi? Khuhuchilile Vaisraeli khutsia, khandi shivaliitsa khutsililila khukhukholela mihinzilu khuli varukwa tawe!” 6Mwami wa Misri yirecheshitsa likaare lielie liliihe, natsia nu mukaanda kwa vasikali veve. 7Yasimukha na makaare keke kiliihe koosi, khali halala na vasikali tsimia sita vamanya khukwana, va vimilili vavo vimililanga. 8Mwami Nyasaye yalomba Mwami wa Misri khuva muhaaka, khali nahitsanyinya Vaisraeli, vali nivatsitsanga mulikhoya. 9Mukaanda kwa vasikali va Misri, kwa vahitsanyinya, halala ni tsifarasi tsiosi, makaare kiliihe nende vahili vako, nivavanyola havundu ha vali nivasimiishi maheemo kavo ku khumenyamu ha Inyanza Imuuchi, himbi mu litaala lia Pi-hahirotsi, injelekha wi litaala lia Baali-zefoni.
10Lwa Vaisraeli valola Mwami wa Misri, halala nu mukaanda kwa vasikali veve vavalondanga, varimukha ikholo nivalila tsikhwili khu Mwami Nyasaye avakhonye. 11Vavoolela Musa, “Vilindwa viali vinyala khunyolekhakhu mu shivala shia Misri tawe; walola nu vulahi nu khuleri mwichendanyama yumu khukhukhutsilamu? Lolakhu ka ukholi lu khurulitsi mu shivala shia Misri! 12Shiukhwali khwa khuvoolelakhu nu khushili khusimukha, yaka kaliitsa khwikholekha? Khwakhuvoolela ulekhane na khutsi, khandi khutsililile khuva varukwa va Vamisri. Vwakhavele vulahi nu khuvele varukwa mu shivala shia Misri, khuvira khukhutsila mwichendanyama yumu.”
13Musa yavoolela Vaisraeli, “Leshi khuria. Sinjili ni tsingulu khulitukhu linu, mulole khuli Mwami Nyasaye atsitsanga khumuhonyinya. Vamisri vamulolanga khulitukhu linu, muliitsa khuvula khandi khuvalola. 14Mwami Nyasaye aliitsa khumukwanila; khandi muvuli khukholakhu shindu shiosi.”
15Mwami Nyasaye yavoolela Musa, “Shichila shina ulilanga tsikhwili, nu wenya khukhonye? Voolela Vaisraeli vatsililile nu luchendo lwavo. 16Chinguula ikulu indovoshi yoyo khuchisinjilitsa khu inyanza. Matsi kaliitsa khwahukhana, ma Vaisraeli vachende khuvirila mu inyanza khulilova liu mu. 17Nalomba Vamisri khuva vahaaka khu vavalondelele. Niitsa khuheelwa vukhumi, ninakhakuura Mwami wa Misri, mukaanda kwa vasikali veve, makaare keke kiliihe nende vasikali veve vi tsifarasi. 18Lwa niitsa khumala khukuura Mwami wa Misri, makaare keke kiliihe, nende vasikali veve vahilanga tsifarasi, nalwo lwa Vamisri valiitsa khumanya ndi ninzi Mwami Nyasaye.”
19Injelosi ya Nyasaye, yimililanga Vaisraeli imbeli wavo, yisuunda manikalukha inyuma wa Vaisraeli. Malesi malitoho kisuunda khurula imbeli wavo, khutukha lwa kakalukha inyuma wa Vaisraeli; 20katsia hakari wu mukaanda kwa vasikali va Vamisri nende va Vaisraeli. Malesi kenako kamwaminya Vamisri, navutswa kalerela Vaisraeli vulavu, nikalomba mukaanda kwa vasikali vu Mwami wa Misri, khuvula khwisuunda himbi khu Vaisraeli, mu vutukhu vwenovo vwosi.
21Nalwo lwa Musa yanyiila makhono keke khu inyanza; ma Mwami Nyasaye nakalushitsa inyanza, khuhaambana nu vushindu vwi tsingulu khurula khuluveka luli ivukwi vutukhu vwosi, nalomba inyanza khukwa havundu humakanu kakaka; ma matsi nikahukhana. 22Vaisraeli vachenda hakari mu inyanza khulilova liumakanu, ma matsi nikava khuli masisi khu tsimbeka tsiosi. 23Vamisri va vahitsanyinya, nivinjila mu inyanza halala ni tsifarasi tsiavo tsiosi, makaare kiliihe ku Mwami wa Misri nende vasikali vahilanga tsifarasi tsietsie. 24Nuvushili khu shia mu mavwevwe, Mwami Nyasaye yaheenza hasi nali mu malesi nende mulilu nalola mukaanda kwa vasikali va Vamisri, khuvaheenditsa mwoyo. 25Yalomba makulutumu ka makaare kiliihe kavo khuhaanda khunjila, khu vachendele mu vutiinyu muno. Vamisri vavoola, “Leshi khwilushi khurula khu Vaisraeli! Mwami Nyasaye akwananga shivala shia Misri khuluveka lwavo!”
26Mwami Nyasaye yavoolela Musa, “Nyiila mukhono kwokwo khu inyanza khu matsi kakalushi halala kamululi Vamisri, makaare kavo kiliihe nende vasikali vahilanga tsifarasi tsiavo.” 27Musa yanyiila mukhono kwekwe khu inyanza, khandi lwa vwali nu vwakhashia mu mavwevwe, matsi nikalenjela vulahi vwene. Vamisri vachelitsa khusila khurula mu matsi, navutswa Mwami Nyasaye ya vakalushitsa mu inyanza. 28Matsi kakalukha halala khandi nikinikha makaare kiliihe, vasikali vahilanga tsifarasi, halala nu mukaanda kwa vasikali vu Mwami wa Misri, valondelelanga Vaisraeli mu inyanza; khali mulala khuvo avulakhuho, warika nashili mwoyo. 29Navutswa Vaisraeli vachenda khulilova liumakanu, lwa vavirilanga mu inyanza, matsi nikavashinji mu tsimbeka tsiosi tsivili.
30Khulitukhu lienelo, Mwami Nyasaye yahonyinya Vaisraeli khurula khu Vamisri, ma Vaisraeli nivalola mivili chia Vamisri nichilaakalale khuluchinga lwi inyanza. 31Lwa Vaisraeli valola tsingulu tsiu khuchenyinya tsiu Mwami Nyasaye, yarumishila khukuura Vamisri, Vaisraeli varia Mwami Nyasaye, manivasuuvila mu Mwami Nyasaye khandi mu murumishi wewe Musa.
Currently Selected:
KHURULA 14: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 14
14
Khuli Vaisraeli Vambukha Inyanza Imuuchi
1Mwami Nyasaye yavoolela Musa, 2“Voolela Vaisraeli vakomoshe mavumbashe maheemo ku khumenyamu, imbeli wa havundu halaangwangwa Pi-hahirotsi, hakari hi litaala lia Migidoli nende Inyanza Imuuchi, himbi mu litaala lia Baali-zefoni. 3Mwami wa Misri aliitsa khukanakana ndi Vaisraeli vahaya hayanga vutswa mu shivala, khandi vayikalilwa mwichendanyama. 4Niitsa khulomba Mwami wa Misri khuva muhaaka, khandi aliitsa khumuhitsanyinya. Niitsa khuheelwa vukhumi, nimali khukuura Mwami wa Misri nende mukaanda kwa vasikali veve voosi; ma Vamisri valimanya ndi ninzi Mwami Nyasaye.” Vaisraeli vakhola khuli vavoolelwa.
5Lwa Mwami wa Misri yavoolelwa ndi Vaisraeli vamali khwilukha, ye mwene halala na varumishi va vandu veve, vakalukhanyinya inganakani yavo nivavoola, “Ni shina shia khukholi yishi? Khuhuchilile Vaisraeli khutsia, khandi shivaliitsa khutsililila khukhukholela mihinzilu khuli varukwa tawe!” 6Mwami wa Misri yirecheshitsa likaare lielie liliihe, natsia nu mukaanda kwa vasikali veve. 7Yasimukha na makaare keke kiliihe koosi, khali halala na vasikali tsimia sita vamanya khukwana, va vimilili vavo vimililanga. 8Mwami Nyasaye yalomba Mwami wa Misri khuva muhaaka, khali nahitsanyinya Vaisraeli, vali nivatsitsanga mulikhoya. 9Mukaanda kwa vasikali va Misri, kwa vahitsanyinya, halala ni tsifarasi tsiosi, makaare kiliihe nende vahili vako, nivavanyola havundu ha vali nivasimiishi maheemo kavo ku khumenyamu ha Inyanza Imuuchi, himbi mu litaala lia Pi-hahirotsi, injelekha wi litaala lia Baali-zefoni.
10Lwa Vaisraeli valola Mwami wa Misri, halala nu mukaanda kwa vasikali veve vavalondanga, varimukha ikholo nivalila tsikhwili khu Mwami Nyasaye avakhonye. 11Vavoolela Musa, “Vilindwa viali vinyala khunyolekhakhu mu shivala shia Misri tawe; walola nu vulahi nu khuleri mwichendanyama yumu khukhukhutsilamu? Lolakhu ka ukholi lu khurulitsi mu shivala shia Misri! 12Shiukhwali khwa khuvoolelakhu nu khushili khusimukha, yaka kaliitsa khwikholekha? Khwakhuvoolela ulekhane na khutsi, khandi khutsililile khuva varukwa va Vamisri. Vwakhavele vulahi nu khuvele varukwa mu shivala shia Misri, khuvira khukhutsila mwichendanyama yumu.”
13Musa yavoolela Vaisraeli, “Leshi khuria. Sinjili ni tsingulu khulitukhu linu, mulole khuli Mwami Nyasaye atsitsanga khumuhonyinya. Vamisri vamulolanga khulitukhu linu, muliitsa khuvula khandi khuvalola. 14Mwami Nyasaye aliitsa khumukwanila; khandi muvuli khukholakhu shindu shiosi.”
15Mwami Nyasaye yavoolela Musa, “Shichila shina ulilanga tsikhwili, nu wenya khukhonye? Voolela Vaisraeli vatsililile nu luchendo lwavo. 16Chinguula ikulu indovoshi yoyo khuchisinjilitsa khu inyanza. Matsi kaliitsa khwahukhana, ma Vaisraeli vachende khuvirila mu inyanza khulilova liu mu. 17Nalomba Vamisri khuva vahaaka khu vavalondelele. Niitsa khuheelwa vukhumi, ninakhakuura Mwami wa Misri, mukaanda kwa vasikali veve, makaare keke kiliihe nende vasikali veve vi tsifarasi. 18Lwa niitsa khumala khukuura Mwami wa Misri, makaare keke kiliihe, nende vasikali veve vahilanga tsifarasi, nalwo lwa Vamisri valiitsa khumanya ndi ninzi Mwami Nyasaye.”
19Injelosi ya Nyasaye, yimililanga Vaisraeli imbeli wavo, yisuunda manikalukha inyuma wa Vaisraeli. Malesi malitoho kisuunda khurula imbeli wavo, khutukha lwa kakalukha inyuma wa Vaisraeli; 20katsia hakari wu mukaanda kwa vasikali va Vamisri nende va Vaisraeli. Malesi kenako kamwaminya Vamisri, navutswa kalerela Vaisraeli vulavu, nikalomba mukaanda kwa vasikali vu Mwami wa Misri, khuvula khwisuunda himbi khu Vaisraeli, mu vutukhu vwenovo vwosi.
21Nalwo lwa Musa yanyiila makhono keke khu inyanza; ma Mwami Nyasaye nakalushitsa inyanza, khuhaambana nu vushindu vwi tsingulu khurula khuluveka luli ivukwi vutukhu vwosi, nalomba inyanza khukwa havundu humakanu kakaka; ma matsi nikahukhana. 22Vaisraeli vachenda hakari mu inyanza khulilova liumakanu, ma matsi nikava khuli masisi khu tsimbeka tsiosi. 23Vamisri va vahitsanyinya, nivinjila mu inyanza halala ni tsifarasi tsiavo tsiosi, makaare kiliihe ku Mwami wa Misri nende vasikali vahilanga tsifarasi tsietsie. 24Nuvushili khu shia mu mavwevwe, Mwami Nyasaye yaheenza hasi nali mu malesi nende mulilu nalola mukaanda kwa vasikali va Vamisri, khuvaheenditsa mwoyo. 25Yalomba makulutumu ka makaare kiliihe kavo khuhaanda khunjila, khu vachendele mu vutiinyu muno. Vamisri vavoola, “Leshi khwilushi khurula khu Vaisraeli! Mwami Nyasaye akwananga shivala shia Misri khuluveka lwavo!”
26Mwami Nyasaye yavoolela Musa, “Nyiila mukhono kwokwo khu inyanza khu matsi kakalushi halala kamululi Vamisri, makaare kavo kiliihe nende vasikali vahilanga tsifarasi tsiavo.” 27Musa yanyiila mukhono kwekwe khu inyanza, khandi lwa vwali nu vwakhashia mu mavwevwe, matsi nikalenjela vulahi vwene. Vamisri vachelitsa khusila khurula mu matsi, navutswa Mwami Nyasaye ya vakalushitsa mu inyanza. 28Matsi kakalukha halala khandi nikinikha makaare kiliihe, vasikali vahilanga tsifarasi, halala nu mukaanda kwa vasikali vu Mwami wa Misri, valondelelanga Vaisraeli mu inyanza; khali mulala khuvo avulakhuho, warika nashili mwoyo. 29Navutswa Vaisraeli vachenda khulilova liumakanu, lwa vavirilanga mu inyanza, matsi nikavashinji mu tsimbeka tsiosi tsivili.
30Khulitukhu lienelo, Mwami Nyasaye yahonyinya Vaisraeli khurula khu Vamisri, ma Vaisraeli nivalola mivili chia Vamisri nichilaakalale khuluchinga lwi inyanza. 31Lwa Vaisraeli valola tsingulu tsiu khuchenyinya tsiu Mwami Nyasaye, yarumishila khukuura Vamisri, Vaisraeli varia Mwami Nyasaye, manivasuuvila mu Mwami Nyasaye khandi mu murumishi wewe Musa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013