KHURULA 13
13
Khutakasa Vilombe Viukhuraanga Khwivulwa
1Mwami Nyasaye yavoolela Musa, 2“Ndakasila vilombe viosi visatsa viu khuraanga khwivulwa, shichila mwana mukhulundu wi shiyayi Muisraeli, nende shimeme shisatsa shiu muruku shiukhuraanga khwivulwa, ni vianje.”
Mulukha kwi Mikati Chivulamu Mamela
3Musa yavoolela vandu, “Mwitsushitse litukhu linu, litukhu lia mwarula mu shivala shia Misri, havundu ha mwamenyanga mu vurukwa. Yili nalio litukhu liu Mwami Nyasaye yamurulitsamu, khuvirila mu tsingulu tsietsie tsiu khuchenyinya. Muvuli khuliakhu mikati chialombwa na mamela. 4Murulanga mu shivala shia Misri, khulitukhu linu mu mweli ku khuraanga, nu kuli mweli kwa Abibu. 5Mwami Nyasaye yisuuha aliitsa khuha vakuuka venyu shivala shia Vakanaani, Vaahitse, Vaamori, Vaahivi nende Vayeebusi. Lwa aliitsa khumuhila mu shivala shinuulu khandi shili ni lilova lilahi, nende vushi -- muliitsa khwikhoyela mulukha yuku khu mweli ku khuraanga, kwa shia khumuhika. 6Muvuli khuliakhu khumatukhu saba mikati chialombwa na mamela; khandi muliitsa khukholela Mwami Nyasaye mulukha ku khumuha luyali khulitukhu lia saba. 7Muliitsa khulia mikati chialombwa vuchila na mamela khumatukhu saba kenako. Muvuli khuva na mamela inoho mikati chialombwa na mamela shia havundu hosi mu shivala shienyu. 8Lwa muliitsa khuraanga khukhola mulukha, muliitsa khuvoolela vaana venyu ndi mukholanga yaka koosi khulondokhana khu ku Mwami Nyasaye yamukholela, lwa mwarula mu shivala shia Misri. 9Shimanyilu yishi shilitsa khumukhola mumanye, khuli shindu shiu mundu avohi khu mukhono kwenyu inoho arele khu vweni vwenyu; shilitsa khumukhola mutsililile khukalushila khuvoola nu khusoma Malako ku Mwami Nyasaye, shichila Mwami Nyasaye yamurulitsa mu shivala shia Misri, khuvirila mu tsingulu tsietsie tsiu khuchenyinya. 10Muliitsa khwikhoyela mulukha yuku shia khumuhika mumatukhu kaviritswa.
Vaana Vakhulundu vi Shiyayi Khwivulwa nende Miruku Chiukhuraanga Khwivulwa
11“Mwami Nyasaye aliitsa khumuhila mu shivala shia Vakanaani, shia yisuuha aliitsa khumuha munyi, halala na vakuuka venyu. Lwa aliitsa khuva niyakhamuha, 12muliitsa khuha Mwami Nyasaye shia shilombe shisatsa shiukhuraanga khwivulwa. Shia shilombe shisatsa shiukhuraanga khwivulwa khu miruku chienyu, shiliitsa khuva shiu Mwami Nyasaye; 13navutswa muliitsa khumuha likondi, khu amuhe shimoli shisatsa shi ipunda shiukhuraanga khwivulwa. Niiva muliitsa khuvula khwenya shimoli shi ipunda, muliitsa khumeneka ling'ori liashio. Muliitsa khunyola khandi shia mwana wi shiyayi wosi mukhulundu wenyu. 14Lwa matukhu kaliitsa khutukha mwana wenyu wi shiyayi namureeva, ‘Yaka kamanyinyanga shina?’ Muliitsa khumuvoolela ‘Mwami Nyasaye yakhurulitsa Misri, wa khwamenyanga mu vurukwa khuvirila mu tsingulu tsietsie tsiu khuchenyinya. 15Lwa Mwami wa Misri yali muhaaka, khali niyambakhana khukhuhuchilila khutsia, Mwami Nyasaye yiira shia shilombe shisatsa shiosi shiukhuraanga khwivulwa, vave vandu inoho miruku. Nashio shivune shichilanga nu khukholela Mwami Nyasaye musango ku khumuha shia shimeme shisatsa shiukhuraanga khwivulwa, navutswa khuvukula khandi vaana veru vakhulundu. 16Shimanyilu yishi shilitsa khumukhola mumanye, khuli shindu shia mundu avohi khu mukhono kweru inoho arele khu vweni vweru; shilitsa khumulomba mumanye ndi Mwami Nyasaye, ya khurulitsa Misri khuvirila mu tsingulu tsietsie tsiu khuchenyinya.’ ”
Mwami Yimilila Vandu Veve mu Shimanyilu shia Malesi nu Mulilu
17Lwa Mwami wa Misri yahuchilila Vaisraeli khutsia, Nyasaye yalekha khuvaviritsila khu muhaanda kutsitsanga khuluchinga lwi inyanza, khutsia khutukha mu litaala lia Filistia, khali niiva yali injila inyimbi. Nyasaye yavoola, “Shinyenyanga Vaisraeli vakalukhanyinyi tsinganakani tsiavo nu khukalukha mu shivala shia Misri, lwa valiitsa khulola vatsitsanga khukwana muliihe tawe.” 18Nikhali, Nyasaye yavaviritsila mwichendanyama, nivavotokhanila khu muhaanda kundi khutsia khutukha khu Inyanza Imuuchi. Vaisraeli viyavaala vindu viu khutsia khukwanila muliihe.
19Musa yavukula vikuumba viu mmbili kwa Yosefu, khuli Yosefu yisuuhitsila Vaisraeli vamukholele. Yosefu yali wavoola, “Lwa Nyasaye aliitsa khumuhonyinya, muliitsa khuchinga vikuumba viu mmbili kwanje, lwa muliitsa khuva numurulanga havundu hanu.”
20Vaisraeli vasimukha nivarula mu litaala lia Sukotsi, nivatsia khumenya mu litaala lia Etsamu, lili himbi khundulu khwi shiangalangwi. 21Mwami Nyasaye yavimilila imbeli wavo khuvirila mu malesi mbasu; khandi mu mulilu vutukhu khuvaha vulavu, khu vachende, mbasu nende vutukhu. 22Malesi kimililanga vandu mbasu, ma vulavu vu mulilu vuvimilila mu vutukhu.
Currently Selected:
KHURULA 13: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 13
13
Khutakasa Vilombe Viukhuraanga Khwivulwa
1Mwami Nyasaye yavoolela Musa, 2“Ndakasila vilombe viosi visatsa viu khuraanga khwivulwa, shichila mwana mukhulundu wi shiyayi Muisraeli, nende shimeme shisatsa shiu muruku shiukhuraanga khwivulwa, ni vianje.”
Mulukha kwi Mikati Chivulamu Mamela
3Musa yavoolela vandu, “Mwitsushitse litukhu linu, litukhu lia mwarula mu shivala shia Misri, havundu ha mwamenyanga mu vurukwa. Yili nalio litukhu liu Mwami Nyasaye yamurulitsamu, khuvirila mu tsingulu tsietsie tsiu khuchenyinya. Muvuli khuliakhu mikati chialombwa na mamela. 4Murulanga mu shivala shia Misri, khulitukhu linu mu mweli ku khuraanga, nu kuli mweli kwa Abibu. 5Mwami Nyasaye yisuuha aliitsa khuha vakuuka venyu shivala shia Vakanaani, Vaahitse, Vaamori, Vaahivi nende Vayeebusi. Lwa aliitsa khumuhila mu shivala shinuulu khandi shili ni lilova lilahi, nende vushi -- muliitsa khwikhoyela mulukha yuku khu mweli ku khuraanga, kwa shia khumuhika. 6Muvuli khuliakhu khumatukhu saba mikati chialombwa na mamela; khandi muliitsa khukholela Mwami Nyasaye mulukha ku khumuha luyali khulitukhu lia saba. 7Muliitsa khulia mikati chialombwa vuchila na mamela khumatukhu saba kenako. Muvuli khuva na mamela inoho mikati chialombwa na mamela shia havundu hosi mu shivala shienyu. 8Lwa muliitsa khuraanga khukhola mulukha, muliitsa khuvoolela vaana venyu ndi mukholanga yaka koosi khulondokhana khu ku Mwami Nyasaye yamukholela, lwa mwarula mu shivala shia Misri. 9Shimanyilu yishi shilitsa khumukhola mumanye, khuli shindu shiu mundu avohi khu mukhono kwenyu inoho arele khu vweni vwenyu; shilitsa khumukhola mutsililile khukalushila khuvoola nu khusoma Malako ku Mwami Nyasaye, shichila Mwami Nyasaye yamurulitsa mu shivala shia Misri, khuvirila mu tsingulu tsietsie tsiu khuchenyinya. 10Muliitsa khwikhoyela mulukha yuku shia khumuhika mumatukhu kaviritswa.
Vaana Vakhulundu vi Shiyayi Khwivulwa nende Miruku Chiukhuraanga Khwivulwa
11“Mwami Nyasaye aliitsa khumuhila mu shivala shia Vakanaani, shia yisuuha aliitsa khumuha munyi, halala na vakuuka venyu. Lwa aliitsa khuva niyakhamuha, 12muliitsa khuha Mwami Nyasaye shia shilombe shisatsa shiukhuraanga khwivulwa. Shia shilombe shisatsa shiukhuraanga khwivulwa khu miruku chienyu, shiliitsa khuva shiu Mwami Nyasaye; 13navutswa muliitsa khumuha likondi, khu amuhe shimoli shisatsa shi ipunda shiukhuraanga khwivulwa. Niiva muliitsa khuvula khwenya shimoli shi ipunda, muliitsa khumeneka ling'ori liashio. Muliitsa khunyola khandi shia mwana wi shiyayi wosi mukhulundu wenyu. 14Lwa matukhu kaliitsa khutukha mwana wenyu wi shiyayi namureeva, ‘Yaka kamanyinyanga shina?’ Muliitsa khumuvoolela ‘Mwami Nyasaye yakhurulitsa Misri, wa khwamenyanga mu vurukwa khuvirila mu tsingulu tsietsie tsiu khuchenyinya. 15Lwa Mwami wa Misri yali muhaaka, khali niyambakhana khukhuhuchilila khutsia, Mwami Nyasaye yiira shia shilombe shisatsa shiosi shiukhuraanga khwivulwa, vave vandu inoho miruku. Nashio shivune shichilanga nu khukholela Mwami Nyasaye musango ku khumuha shia shimeme shisatsa shiukhuraanga khwivulwa, navutswa khuvukula khandi vaana veru vakhulundu. 16Shimanyilu yishi shilitsa khumukhola mumanye, khuli shindu shia mundu avohi khu mukhono kweru inoho arele khu vweni vweru; shilitsa khumulomba mumanye ndi Mwami Nyasaye, ya khurulitsa Misri khuvirila mu tsingulu tsietsie tsiu khuchenyinya.’ ”
Mwami Yimilila Vandu Veve mu Shimanyilu shia Malesi nu Mulilu
17Lwa Mwami wa Misri yahuchilila Vaisraeli khutsia, Nyasaye yalekha khuvaviritsila khu muhaanda kutsitsanga khuluchinga lwi inyanza, khutsia khutukha mu litaala lia Filistia, khali niiva yali injila inyimbi. Nyasaye yavoola, “Shinyenyanga Vaisraeli vakalukhanyinyi tsinganakani tsiavo nu khukalukha mu shivala shia Misri, lwa valiitsa khulola vatsitsanga khukwana muliihe tawe.” 18Nikhali, Nyasaye yavaviritsila mwichendanyama, nivavotokhanila khu muhaanda kundi khutsia khutukha khu Inyanza Imuuchi. Vaisraeli viyavaala vindu viu khutsia khukwanila muliihe.
19Musa yavukula vikuumba viu mmbili kwa Yosefu, khuli Yosefu yisuuhitsila Vaisraeli vamukholele. Yosefu yali wavoola, “Lwa Nyasaye aliitsa khumuhonyinya, muliitsa khuchinga vikuumba viu mmbili kwanje, lwa muliitsa khuva numurulanga havundu hanu.”
20Vaisraeli vasimukha nivarula mu litaala lia Sukotsi, nivatsia khumenya mu litaala lia Etsamu, lili himbi khundulu khwi shiangalangwi. 21Mwami Nyasaye yavimilila imbeli wavo khuvirila mu malesi mbasu; khandi mu mulilu vutukhu khuvaha vulavu, khu vachende, mbasu nende vutukhu. 22Malesi kimililanga vandu mbasu, ma vulavu vu mulilu vuvimilila mu vutukhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013