1 MAKABAYO 9
9
Khuli Yudasi Yakhutsa
1Lwa Demeturio yavoolelwa ndi Nikanori halala nu mukaanda kwa vasikali veve vamali khumululwa mu liihe, yaruma Bakide nende Alikimo khutsia lukhola khavili mu shivala shia Yudeya; vatsiayo halala nu mukaanda kwa vasikali veve vu mukhono musatsa. 2Valondela khu muhaanda kwinjilanga mu litaala lia Gilugali, manivasimiikha maheemo ku khumenyamu havundu halaangwangwa Mesalotsi mu shivala shia Arabela. Vavukula litaala lienelo, khandi niviirayo vandu vanyishi. 3Khu mweli ku khuraanga khumuhika kwi imia indala makhomi karanu na chivili, varecheshitsa mikaanda chia vasikali vavo khutsia khukwana litaala lia Yerusalemi. 4Varoonjela halala na vasikali tsiheelefu makhomi kavili, vachendelanga khu vilenje nende vasikali tsiheelefu tsivili vi tsifarasi, khutsia mu litaala lia Bereha.
5Mumatukhu kenako, Yudasi halala na vasikali veve tsiheelefu tsivaka vamanya khukwana, yali warecheshitsa mukaanda kwa vasikali veve havundu halaangwangwa Elasa. 6Navutswa lwa valola mukaanda kwa vasikali vanyishi khuluveka lu mutsiku, vamanya nivaria vutamanu muno. Vanyishi khu vasikali venavo vilukha havundu ha vamenyanga, nivarikala vasikali tsimia munane vonyene vutswa va Vayahudi. 7Lwa Yudasi yalola ndi vasikali vatsilililanga khucheha, khandi liihe liakhenya khuraanga, yamanya naheenda mwoyo; shichila matukhu ku khuvalaanga halala kali kavwele. 8Yali ukhutsi mwoyo, navutswa yavoolela yavo vali nivarikala, “Yirecheshi khutsia khukwana vatsiku veru. Haundi, khunyala khunyola tsingulu tsiu khuvakwana.”
9Navutswa vandu veve vachelitsa khumwikalila, nivavoola, “Khuvula tsingulu tsiu khuvakuura. Nu khwenyi khuhonyinya vulamu vweru, nu vulahi khukalukha ingo, khutsia khuvukula viikho veru, nu khukalukha khwitsa khuvakwana, lwa khuli isavu indititi vutswa.” 10Navutswa Yudasi yavoola, “Khuliitsa khunyola tsisoni nu khuleshi khukhola khurio, khandi nu khwilukha mu liihe! Nikava litukhu lieru liu khukhutsa limali khutukha, leshi khukhutsi ni shinani shichila vashieru Vayahudi; luyali lweru khuvula khwononyinywa.”
Maahe ka Yudasi Yakwana Lukhumalilikha
11Nalwo lwa mukaanda kwa vasikali kwa Bakide varoonjela, nivarula havundu ha vamenyanga, nivirechekha khukwana. Vasikali vi tsifarasi vakavulwa mu vituma vivili, vasikali varumishilanga machina nende vi mivanu chiu khulesa vimila imbeli wa vasikali vandi voosi. Khali vimilili va vasikali vali imbeli khandi. 12Bakide yirecheshela khuluveka lu mukhono musatsa. Vasikali vachendelanga khu vilenje navo varaanga khutsia, nivali hakari ha vasikali vi tsifarasi. Visiliva viu khuraanga liihe via khuvwangwa. Khali vasikali va Yudasi vakhuva visiliva viavo. 13Lilova liatechela shichila liyooko lia vasikali vakhola, ma liihe nilitsililila khuraanjila mu mavwevwe, khutsia khutukha halukolovo.
14Lwa Yudasi yahulila ndi Bakide halala nu mukaanda kwa vasikali veve vi tsingulu vali khuluveka lu mukhono musatsa, vasikali veve vechela khukwana viyunga naye, 15nivamulula mukaanda kwa vasikali va Bakide, ni vavahitsanyinya khutsia khutukha khu Shikulu shia Azota. 16Lwa vasikali va Siria khuluveka lu mukhono mukhali, valola veshie khuluveka lu mukhono musatsa vamali khukuurwa vutamanu muno, vakomokha nivalonda Yudasi nende vasikali veve khurula inyuma. 17Liihe liali lilulu muno, ma vasikali vanyishi niviirwa. 18Khali Yudasi yakhutsa, ma vasikali vandi voosi nivilukha. 19Nalwo lwa Yonatsani nende Simoni vavukula amwavo wavo, nivamuyeveela mu shilindwa, shiali shia vakuuka vavo mu litaala lia Modehini, 20manivamulila. Vaisraeli voosi vamwikhula vululu muno. Vamwikhula khumatukhu manyishi nivavoola,
21“Mundu wi tsingulu muno wamala khutivitswa,
nali woyo wahonyinya Israeli!”
22Vikholwa vindi viosi via Yudasi yakhola, maahe ka yakwana, nende vikholwa viu vucheli via yakhola, nende makhuva khulondokhana khu tsingulu tsietsie vishili khuhandikwa viosi, shichila viali vinyishi khushila muno.
Yonatsani Yamiha Havukono ha Yudasi
23Lwa Yudasi yali niyakhutsa khale, vandu vambakhana khulonda malako venavo, varaanga khulolekha shia havundu hosi mu shivala shia Israeli. Khali vandu vayaanza khukhola vutamanu valolekha khandi. 24Mumatukhu kenako, inzala yaliho indulu muno, ma vandu voosi nivava khuluveka lwavo. 25Bakide yarovola vandu vatamanu vakorwa Nyasaye, navaha vunyali vu khusinjila shivala shienesho. 26Varuna khandi nivakhava valina va Yudasi. Vavanyola ni vavalera khu Bakide, wavanzila ka vali nivakhola nu khuvakholela muvaayo. 27Matiinyu makali kali mu shivala shia Israeli, kashili khwikholekhakhu, khuraanjila khumatukhu ka vaprofeti valekha khulolekha muvo.
28Nalwo lwa valina va Yudasi voosi vivunjelitsa halala, nivavoolela Yonatsani, 29“Khurula amwavo wowo Yudasi nakhutsa, khushili khuvakhuho nu mundu unyala khukhukwanila vatsiku veru, khukwana Bakide nende Vayahudi vashieru va khululilanga. 30Khulwa yako, khukhurovole wamihi havukono hehe, khandi ukhwimilile khukwana vatsiku veru.” 31Khuraanjila khulitukhu lienelo, Yonatsani yamiha havukono ha amwavo wewe Yudasi.
32Lwa Bakide yavoolelwa likhuva khulondokhana khu kenako, yachelitsa khuli anyala khwiira Yonatsani. 33Navutswa Yonatsani nende amwavo wewe Simoni, halala na vandu voosi va vali nivali navo vahulila; manivilushila mwichendanyama mwa Tekoha. Vasimiikha maheemo kavo ku khumenyamu himbi ha Lituvwi lia Asafari. 34Bakide yamanya makhuva kenako khulitukhu li Lisabato, maniyambukha Muchela kwa Yorodani, halala nu mukaanda kwa vasikali veve vanyishi. 35Yonatsani yaruma amwavo wewe Yohana khutsia khusinjilila vandu vi inzu ya vasikali, nasayanga Vanabateha, nivali valina va Yonatsani khuvavishila misiko chiavo mu tsinzu tsiavo tsiu khuvikhamu vindu. 36Navutswa vandu vi inzu ya Yumburi khurula Medeba, vakumila Yohana nivilukha ni misiko chienecho.
37Matukhu nikakhavira mati, Yonatsani nende amwavo wewe Simoni vavoolelwa ndi vandu vi inzu ya Yamburi, vikhoyelanga mulukha mukali ku khuhilana, khandi valeranga mwiiha khurula mu litaala lia Nadabatsi, uli mulala khu vimilili va Kanani; yitsilanga mu shituma shikali shia vandu. 38Lwa vali nivishitsushitsanga manya khuli amwavo wavo Yohana yali niyakhutsa, vasimukha nivatsia khwivisa mu shikulu. 39Vaheenza, nivalola shituma shikali shia vandu nivachinji misiko, nivaviranga nivakhuvanga liyooko. Musatsa wu kholanga mulukha ku khuhilana, valina veve, halala na vandu vi inzu yeye vali nivatsitsanga khumwakanila. Vali viyaavale viuchi, nivakhuvanga tsindumba nende vindu vindi viu khwimbila tsinyimbo. 40Vayahudi varulila mu tsingoonekho tsiavo, nivakwana khandi nivamulula vanyishi khuvo. Vandu vihonolokha vilukha nivatsia mu vikulu, ma Vayahudi nivavayaaya shia shindu shiosi. 41Khulwa yako, mulukha ku khuhilana kwakalukhana nukukwa maliika, khandi tsinyimbo tsiahulilikhana nitsikwa lwikhulu. 42Lwa Yonatsani nende amwavo wewe Simoni yali navanzili shisahi shia amwavo wewe, vakalukha nivavirila mu liise liu Muchela kwa Yorodani.
43Lwa Bakide yavoolelwa makhuva khulondokhana khu kenako, yitsa khuluchinga lu Muchela kwa Yorodani, halala nu mukaanda kwa vasikali vanyishi khulitukhu li Lisabato. 44Yonatsani yavoolela vasakali veve, “Leshi khutikulushi khutsi khukwana shichila vulamu vweru! Vindu shivili vilahi nunundi manya khuli viavetsanga tawe. 45Lolikhu! Mutsiku akhukwanilanga imbeli nende inyuma. Matsi ku Muchela kwa Yorodani kali mu tsimbeka tsieru tsiosi, liise nende muliru khandi. Khuvula ha khunyala khwilukha khwatsia. 46Khulwa yako, musaale khu Mwami Nyasaye khukhuhonyinya khurula khu vatsiku veru.”
47Khulwa yako, liihe liaraanga, ma Yonatsani nachelitsa khwiira Bakide, navutswa Bakide yihonolokha nakalukha inyuma wa vasikali vandi. 48Nalwo lwa Yonatsani nende vandu veve, va yali nali navo vinjila mu Muchela kwa Yorodani, manivambukha iluchelekha; navutswa mutsiku shiyambukha Muchela kwa Yorodani khwitsa khuvakwana tawe. 49Vasikali iheelefu indala va Bakide viirwa khulitukhu lienelo.
Bakide Yumbakha Tsimbinga
50Nalwo lwa Bakide yakalukha mu Yerusalemi, naraanga khumbakha mataala ki tsingulu mu shivala shia Yudeya. Yumbakha imbinga yili mu litaala lia Yeriko, Emau, Betsi horoni, Betseli, Timuna, Faratsoni, nende Tefoni; kumbakhwa na masisi maraambi, vilivwa vikali nende milondi miraambi. 51Yarovola mikaanda chia vasikali navikha mu mataala kenako, khwenya vasikali venavo khutambitsa Vaisraeli. 52Yatinyinya khandi mataala ka Betsisura, Gazara nende imbinga ya Yerusalemi, lwa yavikha mikaanda chia vasikali nende vindu viliihe mu mataala kenako. 53Yavukula vaana va vandu vimililanga mu shivala shienesho manya khuli vavohe, navavikha mu vulindi mu imbinga ya Yerusalemi.
54Mweli kwa khavili, khumuhika kwi imia indala makhomi karanu na chivaka, Alikimo yahaana malako ndi lisisi liu mukari mu lwanyi lwi Litempeli khusambulwa. Nivakhola ndio, kakhavele malala mele nu khumala mihinzilu chia vaprofeti varweshitsa. 55Navutswa lwa yaraanga khusambula, yanyola matiinyu kamanya nikikalila mihinzilu chiechie. Yafwokoya, nakoyana mulilomoloma; khali nakhaywa khulomolomakhu likhuva liosi, inoho khuhaana mivaalo ku khumalilikha khulondokhana khu miandu chiechie. 56Mumatukhu kenako, Alikimo yakhutsila mu linyakhana linyishi muno. 57Lwa Bakide yahulila ndi Alikimo umali khukhutsa, yakalukha khu Mwami Demeturio, ma shivala shia Yudeya nishiva mu milembe khumihika chivili.
58Nalwo lwa vandu vali nivambakhana malako vivunjelitsa halala nivavoola, “Loli, Yonatsani nende vandu veve vamenyanga hanu mu milembe, khandi vavulakhu matiinyu koosi. Nukhutsia khwalaanga Bakide, anyala khuvakumila voosi mu vutukhu vunu.” 59Vasimukha nivatsia khushelenyinya makhuva kenako na Bakide. 60Bakide yitsayo nu mukaanda kwa vasikali vanyishi, khandi naruma muvwivisi tsibarwa khu valina veve voosi mu shivala shia Yudeya, ni likhuva ndi vakumile Yonatsani nende mukaanda kwa vasikali veve; navutswa vakhaywa khukhola ndio, shichila ka vali nivaloshitsi khukhola kamanya nikamanyikhana.
61Yonatsani nende vasikali veve vakumila vimilili makhomi karanu va vandu vimililanga mu shileeche shienesho, manivaviira. 62Yonatsani nende Simoni vakalukha inyuma, nivatsia halala na vasikali vavo mu litaala lia Betsibasi mwichendanyama; valomba vuyia imbinga yalio, yali niyakwa lichiinga, manivachitinyilitsa. 63Lwa Bakide yahulila makhuva kenako, yalaanga halala mukaanda kwa vasikali veve, nalaanga valina veve vu khumukhonya khukwana mu shivala shia Yudeya, 64natsia khukwana litaala lia Betsibasi. Yakwana litaala lienelo khumatukhu manyishi, nalomba viuchi viu khukwanila. 65Navutswa Yonatsani yarika amwavo wewe Simoni mu litaala lienelo, natsia mu shivala; yasimukha natsia vutswa na vasikali vati. 66Nivali iweneyo, Yonatsani yakuura Odomera nende vasikali veve, khandi nakwana Vafasironi vamenyanga mu maheemo kavo. 67Mumatukhu kenako, Simoni yanyola tsingulu, nakwana litaala lia Betsi basi halala ni mikaanda chia vasikali veve. Ye halala ni mikaanda chia vasikali veve, varula mu litaala lienelo, nivasamba viuchi viu khukwanila mu liihe. 68Vakwana Vakide, manakuurwa. Vamukwana ni tsingulu tsiosi, khali nakhaywa khuli anyala khuvakwana. 69Yavukulila vurima Vayahudi vali nivamutsami lwa vamuvoolela yinjile mu shivala shia Yudeya, khulu khwiirilayo vandu vanyishi. 70Lwa Yonatsani yavoolelwa makhuva kenako, yaruma varumwa khutsia khulola Bakide khukhola lilakano li milembe, khandi khulola khuli vavohe vanyala khukalushitswa. 71Bakide yahuchilila, nakhola khuli yavoolelwa. Yisuuhila Yonatsani ndi aliitsa khuvula khumusalilitsa hali hati hene mumatukhu kashili mwoyo. 72Yamukalushitsila vavohe va yali niyavukula khurula mu shivala shia Yudeya. Khulwa yako, yakomokha nakalukha mu shivala shieshie, niyambakhana khukalukhakhu khandi mu lusomo lwenolo. 73Nindio liihe liamanya nilivwa mu shivala shia Israeli. Yonatsani yamenya havundu halaangwangwa Mikimashi, naraanga khwamihayo vandu; nu khutivitsa shia mundu wosi mutamanu wakorwa Nyasaye mu shivala shia Israeli.
Currently Selected:
1 MAKABAYO 9: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 MAKABAYO 9
9
Khuli Yudasi Yakhutsa
1Lwa Demeturio yavoolelwa ndi Nikanori halala nu mukaanda kwa vasikali veve vamali khumululwa mu liihe, yaruma Bakide nende Alikimo khutsia lukhola khavili mu shivala shia Yudeya; vatsiayo halala nu mukaanda kwa vasikali veve vu mukhono musatsa. 2Valondela khu muhaanda kwinjilanga mu litaala lia Gilugali, manivasimiikha maheemo ku khumenyamu havundu halaangwangwa Mesalotsi mu shivala shia Arabela. Vavukula litaala lienelo, khandi niviirayo vandu vanyishi. 3Khu mweli ku khuraanga khumuhika kwi imia indala makhomi karanu na chivili, varecheshitsa mikaanda chia vasikali vavo khutsia khukwana litaala lia Yerusalemi. 4Varoonjela halala na vasikali tsiheelefu makhomi kavili, vachendelanga khu vilenje nende vasikali tsiheelefu tsivili vi tsifarasi, khutsia mu litaala lia Bereha.
5Mumatukhu kenako, Yudasi halala na vasikali veve tsiheelefu tsivaka vamanya khukwana, yali warecheshitsa mukaanda kwa vasikali veve havundu halaangwangwa Elasa. 6Navutswa lwa valola mukaanda kwa vasikali vanyishi khuluveka lu mutsiku, vamanya nivaria vutamanu muno. Vanyishi khu vasikali venavo vilukha havundu ha vamenyanga, nivarikala vasikali tsimia munane vonyene vutswa va Vayahudi. 7Lwa Yudasi yalola ndi vasikali vatsilililanga khucheha, khandi liihe liakhenya khuraanga, yamanya naheenda mwoyo; shichila matukhu ku khuvalaanga halala kali kavwele. 8Yali ukhutsi mwoyo, navutswa yavoolela yavo vali nivarikala, “Yirecheshi khutsia khukwana vatsiku veru. Haundi, khunyala khunyola tsingulu tsiu khuvakwana.”
9Navutswa vandu veve vachelitsa khumwikalila, nivavoola, “Khuvula tsingulu tsiu khuvakuura. Nu khwenyi khuhonyinya vulamu vweru, nu vulahi khukalukha ingo, khutsia khuvukula viikho veru, nu khukalukha khwitsa khuvakwana, lwa khuli isavu indititi vutswa.” 10Navutswa Yudasi yavoola, “Khuliitsa khunyola tsisoni nu khuleshi khukhola khurio, khandi nu khwilukha mu liihe! Nikava litukhu lieru liu khukhutsa limali khutukha, leshi khukhutsi ni shinani shichila vashieru Vayahudi; luyali lweru khuvula khwononyinywa.”
Maahe ka Yudasi Yakwana Lukhumalilikha
11Nalwo lwa mukaanda kwa vasikali kwa Bakide varoonjela, nivarula havundu ha vamenyanga, nivirechekha khukwana. Vasikali vi tsifarasi vakavulwa mu vituma vivili, vasikali varumishilanga machina nende vi mivanu chiu khulesa vimila imbeli wa vasikali vandi voosi. Khali vimilili va vasikali vali imbeli khandi. 12Bakide yirecheshela khuluveka lu mukhono musatsa. Vasikali vachendelanga khu vilenje navo varaanga khutsia, nivali hakari ha vasikali vi tsifarasi. Visiliva viu khuraanga liihe via khuvwangwa. Khali vasikali va Yudasi vakhuva visiliva viavo. 13Lilova liatechela shichila liyooko lia vasikali vakhola, ma liihe nilitsililila khuraanjila mu mavwevwe, khutsia khutukha halukolovo.
14Lwa Yudasi yahulila ndi Bakide halala nu mukaanda kwa vasikali veve vi tsingulu vali khuluveka lu mukhono musatsa, vasikali veve vechela khukwana viyunga naye, 15nivamulula mukaanda kwa vasikali va Bakide, ni vavahitsanyinya khutsia khutukha khu Shikulu shia Azota. 16Lwa vasikali va Siria khuluveka lu mukhono mukhali, valola veshie khuluveka lu mukhono musatsa vamali khukuurwa vutamanu muno, vakomokha nivalonda Yudasi nende vasikali veve khurula inyuma. 17Liihe liali lilulu muno, ma vasikali vanyishi niviirwa. 18Khali Yudasi yakhutsa, ma vasikali vandi voosi nivilukha. 19Nalwo lwa Yonatsani nende Simoni vavukula amwavo wavo, nivamuyeveela mu shilindwa, shiali shia vakuuka vavo mu litaala lia Modehini, 20manivamulila. Vaisraeli voosi vamwikhula vululu muno. Vamwikhula khumatukhu manyishi nivavoola,
21“Mundu wi tsingulu muno wamala khutivitswa,
nali woyo wahonyinya Israeli!”
22Vikholwa vindi viosi via Yudasi yakhola, maahe ka yakwana, nende vikholwa viu vucheli via yakhola, nende makhuva khulondokhana khu tsingulu tsietsie vishili khuhandikwa viosi, shichila viali vinyishi khushila muno.
Yonatsani Yamiha Havukono ha Yudasi
23Lwa Yudasi yali niyakhutsa khale, vandu vambakhana khulonda malako venavo, varaanga khulolekha shia havundu hosi mu shivala shia Israeli. Khali vandu vayaanza khukhola vutamanu valolekha khandi. 24Mumatukhu kenako, inzala yaliho indulu muno, ma vandu voosi nivava khuluveka lwavo. 25Bakide yarovola vandu vatamanu vakorwa Nyasaye, navaha vunyali vu khusinjila shivala shienesho. 26Varuna khandi nivakhava valina va Yudasi. Vavanyola ni vavalera khu Bakide, wavanzila ka vali nivakhola nu khuvakholela muvaayo. 27Matiinyu makali kali mu shivala shia Israeli, kashili khwikholekhakhu, khuraanjila khumatukhu ka vaprofeti valekha khulolekha muvo.
28Nalwo lwa valina va Yudasi voosi vivunjelitsa halala, nivavoolela Yonatsani, 29“Khurula amwavo wowo Yudasi nakhutsa, khushili khuvakhuho nu mundu unyala khukhukwanila vatsiku veru, khukwana Bakide nende Vayahudi vashieru va khululilanga. 30Khulwa yako, khukhurovole wamihi havukono hehe, khandi ukhwimilile khukwana vatsiku veru.” 31Khuraanjila khulitukhu lienelo, Yonatsani yamiha havukono ha amwavo wewe Yudasi.
32Lwa Bakide yavoolelwa likhuva khulondokhana khu kenako, yachelitsa khuli anyala khwiira Yonatsani. 33Navutswa Yonatsani nende amwavo wewe Simoni, halala na vandu voosi va vali nivali navo vahulila; manivilushila mwichendanyama mwa Tekoha. Vasimiikha maheemo kavo ku khumenyamu himbi ha Lituvwi lia Asafari. 34Bakide yamanya makhuva kenako khulitukhu li Lisabato, maniyambukha Muchela kwa Yorodani, halala nu mukaanda kwa vasikali veve vanyishi. 35Yonatsani yaruma amwavo wewe Yohana khutsia khusinjilila vandu vi inzu ya vasikali, nasayanga Vanabateha, nivali valina va Yonatsani khuvavishila misiko chiavo mu tsinzu tsiavo tsiu khuvikhamu vindu. 36Navutswa vandu vi inzu ya Yumburi khurula Medeba, vakumila Yohana nivilukha ni misiko chienecho.
37Matukhu nikakhavira mati, Yonatsani nende amwavo wewe Simoni vavoolelwa ndi vandu vi inzu ya Yamburi, vikhoyelanga mulukha mukali ku khuhilana, khandi valeranga mwiiha khurula mu litaala lia Nadabatsi, uli mulala khu vimilili va Kanani; yitsilanga mu shituma shikali shia vandu. 38Lwa vali nivishitsushitsanga manya khuli amwavo wavo Yohana yali niyakhutsa, vasimukha nivatsia khwivisa mu shikulu. 39Vaheenza, nivalola shituma shikali shia vandu nivachinji misiko, nivaviranga nivakhuvanga liyooko. Musatsa wu kholanga mulukha ku khuhilana, valina veve, halala na vandu vi inzu yeye vali nivatsitsanga khumwakanila. Vali viyaavale viuchi, nivakhuvanga tsindumba nende vindu vindi viu khwimbila tsinyimbo. 40Vayahudi varulila mu tsingoonekho tsiavo, nivakwana khandi nivamulula vanyishi khuvo. Vandu vihonolokha vilukha nivatsia mu vikulu, ma Vayahudi nivavayaaya shia shindu shiosi. 41Khulwa yako, mulukha ku khuhilana kwakalukhana nukukwa maliika, khandi tsinyimbo tsiahulilikhana nitsikwa lwikhulu. 42Lwa Yonatsani nende amwavo wewe Simoni yali navanzili shisahi shia amwavo wewe, vakalukha nivavirila mu liise liu Muchela kwa Yorodani.
43Lwa Bakide yavoolelwa makhuva khulondokhana khu kenako, yitsa khuluchinga lu Muchela kwa Yorodani, halala nu mukaanda kwa vasikali vanyishi khulitukhu li Lisabato. 44Yonatsani yavoolela vasakali veve, “Leshi khutikulushi khutsi khukwana shichila vulamu vweru! Vindu shivili vilahi nunundi manya khuli viavetsanga tawe. 45Lolikhu! Mutsiku akhukwanilanga imbeli nende inyuma. Matsi ku Muchela kwa Yorodani kali mu tsimbeka tsieru tsiosi, liise nende muliru khandi. Khuvula ha khunyala khwilukha khwatsia. 46Khulwa yako, musaale khu Mwami Nyasaye khukhuhonyinya khurula khu vatsiku veru.”
47Khulwa yako, liihe liaraanga, ma Yonatsani nachelitsa khwiira Bakide, navutswa Bakide yihonolokha nakalukha inyuma wa vasikali vandi. 48Nalwo lwa Yonatsani nende vandu veve, va yali nali navo vinjila mu Muchela kwa Yorodani, manivambukha iluchelekha; navutswa mutsiku shiyambukha Muchela kwa Yorodani khwitsa khuvakwana tawe. 49Vasikali iheelefu indala va Bakide viirwa khulitukhu lienelo.
Bakide Yumbakha Tsimbinga
50Nalwo lwa Bakide yakalukha mu Yerusalemi, naraanga khumbakha mataala ki tsingulu mu shivala shia Yudeya. Yumbakha imbinga yili mu litaala lia Yeriko, Emau, Betsi horoni, Betseli, Timuna, Faratsoni, nende Tefoni; kumbakhwa na masisi maraambi, vilivwa vikali nende milondi miraambi. 51Yarovola mikaanda chia vasikali navikha mu mataala kenako, khwenya vasikali venavo khutambitsa Vaisraeli. 52Yatinyinya khandi mataala ka Betsisura, Gazara nende imbinga ya Yerusalemi, lwa yavikha mikaanda chia vasikali nende vindu viliihe mu mataala kenako. 53Yavukula vaana va vandu vimililanga mu shivala shienesho manya khuli vavohe, navavikha mu vulindi mu imbinga ya Yerusalemi.
54Mweli kwa khavili, khumuhika kwi imia indala makhomi karanu na chivaka, Alikimo yahaana malako ndi lisisi liu mukari mu lwanyi lwi Litempeli khusambulwa. Nivakhola ndio, kakhavele malala mele nu khumala mihinzilu chia vaprofeti varweshitsa. 55Navutswa lwa yaraanga khusambula, yanyola matiinyu kamanya nikikalila mihinzilu chiechie. Yafwokoya, nakoyana mulilomoloma; khali nakhaywa khulomolomakhu likhuva liosi, inoho khuhaana mivaalo ku khumalilikha khulondokhana khu miandu chiechie. 56Mumatukhu kenako, Alikimo yakhutsila mu linyakhana linyishi muno. 57Lwa Bakide yahulila ndi Alikimo umali khukhutsa, yakalukha khu Mwami Demeturio, ma shivala shia Yudeya nishiva mu milembe khumihika chivili.
58Nalwo lwa vandu vali nivambakhana malako vivunjelitsa halala nivavoola, “Loli, Yonatsani nende vandu veve vamenyanga hanu mu milembe, khandi vavulakhu matiinyu koosi. Nukhutsia khwalaanga Bakide, anyala khuvakumila voosi mu vutukhu vunu.” 59Vasimukha nivatsia khushelenyinya makhuva kenako na Bakide. 60Bakide yitsayo nu mukaanda kwa vasikali vanyishi, khandi naruma muvwivisi tsibarwa khu valina veve voosi mu shivala shia Yudeya, ni likhuva ndi vakumile Yonatsani nende mukaanda kwa vasikali veve; navutswa vakhaywa khukhola ndio, shichila ka vali nivaloshitsi khukhola kamanya nikamanyikhana.
61Yonatsani nende vasikali veve vakumila vimilili makhomi karanu va vandu vimililanga mu shileeche shienesho, manivaviira. 62Yonatsani nende Simoni vakalukha inyuma, nivatsia halala na vasikali vavo mu litaala lia Betsibasi mwichendanyama; valomba vuyia imbinga yalio, yali niyakwa lichiinga, manivachitinyilitsa. 63Lwa Bakide yahulila makhuva kenako, yalaanga halala mukaanda kwa vasikali veve, nalaanga valina veve vu khumukhonya khukwana mu shivala shia Yudeya, 64natsia khukwana litaala lia Betsibasi. Yakwana litaala lienelo khumatukhu manyishi, nalomba viuchi viu khukwanila. 65Navutswa Yonatsani yarika amwavo wewe Simoni mu litaala lienelo, natsia mu shivala; yasimukha natsia vutswa na vasikali vati. 66Nivali iweneyo, Yonatsani yakuura Odomera nende vasikali veve, khandi nakwana Vafasironi vamenyanga mu maheemo kavo. 67Mumatukhu kenako, Simoni yanyola tsingulu, nakwana litaala lia Betsi basi halala ni mikaanda chia vasikali veve. Ye halala ni mikaanda chia vasikali veve, varula mu litaala lienelo, nivasamba viuchi viu khukwanila mu liihe. 68Vakwana Vakide, manakuurwa. Vamukwana ni tsingulu tsiosi, khali nakhaywa khuli anyala khuvakwana. 69Yavukulila vurima Vayahudi vali nivamutsami lwa vamuvoolela yinjile mu shivala shia Yudeya, khulu khwiirilayo vandu vanyishi. 70Lwa Yonatsani yavoolelwa makhuva kenako, yaruma varumwa khutsia khulola Bakide khukhola lilakano li milembe, khandi khulola khuli vavohe vanyala khukalushitswa. 71Bakide yahuchilila, nakhola khuli yavoolelwa. Yisuuhila Yonatsani ndi aliitsa khuvula khumusalilitsa hali hati hene mumatukhu kashili mwoyo. 72Yamukalushitsila vavohe va yali niyavukula khurula mu shivala shia Yudeya. Khulwa yako, yakomokha nakalukha mu shivala shieshie, niyambakhana khukalukhakhu khandi mu lusomo lwenolo. 73Nindio liihe liamanya nilivwa mu shivala shia Israeli. Yonatsani yamenya havundu halaangwangwa Mikimashi, naraanga khwamihayo vandu; nu khutivitsa shia mundu wosi mutamanu wakorwa Nyasaye mu shivala shia Israeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013