1 MAKABAYO 8
8
Lilakano Liakholwa na Varoma
1Yudasi yali wahulila makhuva khulondokhana khu luyali lwa Varoma, ndi vali vamanyikhana shichila tsingulu tsiavo muliihe. Yali wamanya ndi yinjilitsa vandu viyunga navo khuva mukaanda mulala, khandi ndi yavo venyanga khuva valina vavo vitsanga khuvo, 2nivali ni tsingulu tsinyishi muno. Yali wavoolelwa makhuva khulondokhana khu vikholwa viavo viu vucheli via vakholela Vagalatia, khuli va vakuura khandi khuvanika khurunga vushuru. 3Yali wavoolelwa makhuva ka Varoma vakhola mu shivala shia Usipania, wa vavukula ni tsingulu mayeevo ki ifetsa nende itsahabu, 4khandi khuli vavukula lusomo lwosi khuvirila khu inganakani yavo khandi khulondokhana khu likhutsila liavo, khali nikava havundu henaho ni ihale wene khurula khuvo. Vakuura khandi vami vali nivitsa khuvakwana khurula shia havundu hosi khulilova khutukha lwa vativitswa, khandi nivakwa mu matiinyu. Vandu vihonolokha vavarunga vushuru shia khumuhika. 5Vali vakuurila mu liihe mundu walaangwangwa Filipu nende Mwami Periseha wa Mekadonia, halala na yavo voosi viyunga navo khukwana Varoma. 6Khali vali vakuura Mwami Antioko Witsingulu wa Asia, wali niyakwana Varoma shichila tsinzika tsi inzeku imia indala na tsivili, tsifarasi, makaare, nende mukaanda kwa vasikali viliihe vanyishi. 7Vakumila Mwami Antioko nashili mwoyo, manivamunika ye halala na vami vamulondanga munyuma khurunga vushuru, khuhila vavohe khuvo, khandi khuha Varoma tsisomo tsiavo tsindahi, 8kavoolanga, shivala shia India, Media nende Lidia. Vavukula tsisomo tsienetso nivaha Mwami Ehumene. 9Vaguriki valoshitsa khuvakwana nu khuvativitsa, 10navutswa Varoma vamanya makhuva kenako, nivaruma mwimilili mulala wa vasikali khutsia khuvakwana. Lwa liihe liali niliakhalula, vasikali va Vaguriki vanyishi vakhutsa, khandi vakhali vavo nende vaana nivakumilwa khuli vavohe. Varoma vayaayayo shia shindu shiosi, manivakhalaka khu tsisomo tsiavo, nivasambulanyinya tsimbinga tsiavo, manivakumila vandu vene shivala khuli varukwa, manya khuli vashimenyanga nunundi. 11Khali vativitsa vandu vu vwami vundi khandi visulu, va vahinganyinya inoho va vakholanga varukwa. 12Navutswa vatsililila khulomba vulina na yavo vali valina vavo khandi na yavo vavasuuvililanga khulindwa. 13Yavo voosi vali ni lienya liukhukhonywa nukhurovolwa khuva vami, vamihitswa. Yavo va valolanga valakululwa khurula khu vwami, vakululwa khurula khuvwo. Nindio khandi vandu vamihitswa nivakwa vami. 14Khali ndio, mu kenako koosi mundu avulakhuho wichinjilila khuva mwimilili, khwifwala itaachi, inoho khwifwala inguvu ya sambarau. 15Vali varaanjitsa shikhaalo shia vasakhulu, khandi vasakhulu vi shikhaalo vakananga vene halala khulomoloma makhuva khulondokhana khu limenya liavo. 16Shia khumuhika kwosi, vali vamenya nivarovolanga mundu wu khusinjilila vwamihi vwi shivala shiavo. Voosi valondanga malako ku mundu mulala mwenoyo, vuchila khumulolela imbotokha inoho khumushendeshela.
17Khu, Yudasi yarovola mwana wa Ehupolemi wali mwana wa Yohana wali mwana wa Akosi, halala na Yasoni wali mwana wa Eliazari; navaruma mu litaala lia Roma khutsia khukhola lilakano nende vulina vu khuva shilala, 18khu Varoma khuhonyinywa khuvula khutambitswa na vandu vi tsimbia tsindi, shichila kali kamanyikhana havulavu ndi vwamihi vwa Vaguriki, vwali ni lienya liu khukhola Vaisraeli khuva varukwa. 19Vasimukha nivachenda luchendo luraambi khutsia mu litaala lia Roma. Vinjila mu inzu yi shikhaalo, nivalomoloma makhuva yaka, 20“Yudasi Makabayo, vamwavo veve halala na Vayahudi vakhurumi khwitsa khukhola halala na munyi lilakano liu khulera milembe, khwiyunga na khutsi manya khuli valina veru vu khukhukhonya.” 21Varoma vayaanzitswa na makhuva ka vandu venavo valomoloma, 22khandi kalondakhu yaka, nako kahandikwa mu ibarwa yahandikwa khu machina kakhongwa khu mukasa, manirumwa mu litaala likali lia Yerusalemi, khu Vayahudi valiva nu vuhaandichi khulondokhana khu lilakano, lia vali nivakhola yili, 23“Nzikombanga Varoma nende luhia lwa Vayahudi velemanga mu inyanza khandi vamenyanga khulilova vamenye mu milembe mihika ni mihika. Nzikombanga khandi ndi liihe nende vatsiku valivula khuvakwanakhu. 24Navutswa niiva Varoma shivanyala khurindilwa inoho shilala khu vivala vivakhonyanga shia havundu hosi ha vamihanga tawe, 25nalwo lwi shivala shia Vayahudi va vakhonya nu mwoyo kwosi, khulondokhana khuli kenyekhananga. 26Khulondokhana ni lilako lia Varoma, Vayahudi vakhahaakhu vatsiku va Varoma shindu shiosi, viuchi, tsisenti inoho tsimeli tawe. Vayahudi valalonda malako kenako, vuchila khurungwa.
27“Munjila indala yeneyo, nikava liihe lilraanjitswa shichila shivala shia Vayahudi, khu Varoma vanyala khuvakhonya nu mwoyo kwosi, khulondokhana khuli kenyekhananga kave. 28Vatsiku va Vayahudi shivanyala khuheelwa shiukhulia, vukhonyi vundi, tsisenti, inoho tsimeli, manya khuli Varoma vaviritsa tawe.
29“Yaka nako mivaalo khulondokhana khu lilakano lia Varoma vakhola na Vayahudi. 30Lwa mivaalo ki lilakano kenako kaliitsa khuva nikakholanga muhinzilu, tsimbeka tsivili yitsi tsiliitsa khumeetakhu shindu inoho khurulitsaho. Valiitsa khukhola ndio khulondokhana khuli vene valiitsa khulola ni malahi inoho khurulitsaho shia vene valiitsa khuva nivalombi khuva shilahi.
31“Khumeeta khu kenako, khumali khuhandika makhuva khulondokhana khu vindu vitamanu via Mwami Demeturio akholanga mu Vayahudi; nu khuvoola, ‘Shichila shina unyashitsanga vululu muno valina veru, nivali Vayahudi? 32Nikava valakalukha khwililila shichila khutsi, khuliitsa khuva khuluveka lwa Vayahudi, khukwana na munyi mu matsi khandi khulilova.’ ”
Currently Selected:
1 MAKABAYO 8: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 MAKABAYO 8
8
Lilakano Liakholwa na Varoma
1Yudasi yali wahulila makhuva khulondokhana khu luyali lwa Varoma, ndi vali vamanyikhana shichila tsingulu tsiavo muliihe. Yali wamanya ndi yinjilitsa vandu viyunga navo khuva mukaanda mulala, khandi ndi yavo venyanga khuva valina vavo vitsanga khuvo, 2nivali ni tsingulu tsinyishi muno. Yali wavoolelwa makhuva khulondokhana khu vikholwa viavo viu vucheli via vakholela Vagalatia, khuli va vakuura khandi khuvanika khurunga vushuru. 3Yali wavoolelwa makhuva ka Varoma vakhola mu shivala shia Usipania, wa vavukula ni tsingulu mayeevo ki ifetsa nende itsahabu, 4khandi khuli vavukula lusomo lwosi khuvirila khu inganakani yavo khandi khulondokhana khu likhutsila liavo, khali nikava havundu henaho ni ihale wene khurula khuvo. Vakuura khandi vami vali nivitsa khuvakwana khurula shia havundu hosi khulilova khutukha lwa vativitswa, khandi nivakwa mu matiinyu. Vandu vihonolokha vavarunga vushuru shia khumuhika. 5Vali vakuurila mu liihe mundu walaangwangwa Filipu nende Mwami Periseha wa Mekadonia, halala na yavo voosi viyunga navo khukwana Varoma. 6Khali vali vakuura Mwami Antioko Witsingulu wa Asia, wali niyakwana Varoma shichila tsinzika tsi inzeku imia indala na tsivili, tsifarasi, makaare, nende mukaanda kwa vasikali viliihe vanyishi. 7Vakumila Mwami Antioko nashili mwoyo, manivamunika ye halala na vami vamulondanga munyuma khurunga vushuru, khuhila vavohe khuvo, khandi khuha Varoma tsisomo tsiavo tsindahi, 8kavoolanga, shivala shia India, Media nende Lidia. Vavukula tsisomo tsienetso nivaha Mwami Ehumene. 9Vaguriki valoshitsa khuvakwana nu khuvativitsa, 10navutswa Varoma vamanya makhuva kenako, nivaruma mwimilili mulala wa vasikali khutsia khuvakwana. Lwa liihe liali niliakhalula, vasikali va Vaguriki vanyishi vakhutsa, khandi vakhali vavo nende vaana nivakumilwa khuli vavohe. Varoma vayaayayo shia shindu shiosi, manivakhalaka khu tsisomo tsiavo, nivasambulanyinya tsimbinga tsiavo, manivakumila vandu vene shivala khuli varukwa, manya khuli vashimenyanga nunundi. 11Khali vativitsa vandu vu vwami vundi khandi visulu, va vahinganyinya inoho va vakholanga varukwa. 12Navutswa vatsililila khulomba vulina na yavo vali valina vavo khandi na yavo vavasuuvililanga khulindwa. 13Yavo voosi vali ni lienya liukhukhonywa nukhurovolwa khuva vami, vamihitswa. Yavo va valolanga valakululwa khurula khu vwami, vakululwa khurula khuvwo. Nindio khandi vandu vamihitswa nivakwa vami. 14Khali ndio, mu kenako koosi mundu avulakhuho wichinjilila khuva mwimilili, khwifwala itaachi, inoho khwifwala inguvu ya sambarau. 15Vali varaanjitsa shikhaalo shia vasakhulu, khandi vasakhulu vi shikhaalo vakananga vene halala khulomoloma makhuva khulondokhana khu limenya liavo. 16Shia khumuhika kwosi, vali vamenya nivarovolanga mundu wu khusinjilila vwamihi vwi shivala shiavo. Voosi valondanga malako ku mundu mulala mwenoyo, vuchila khumulolela imbotokha inoho khumushendeshela.
17Khu, Yudasi yarovola mwana wa Ehupolemi wali mwana wa Yohana wali mwana wa Akosi, halala na Yasoni wali mwana wa Eliazari; navaruma mu litaala lia Roma khutsia khukhola lilakano nende vulina vu khuva shilala, 18khu Varoma khuhonyinywa khuvula khutambitswa na vandu vi tsimbia tsindi, shichila kali kamanyikhana havulavu ndi vwamihi vwa Vaguriki, vwali ni lienya liu khukhola Vaisraeli khuva varukwa. 19Vasimukha nivachenda luchendo luraambi khutsia mu litaala lia Roma. Vinjila mu inzu yi shikhaalo, nivalomoloma makhuva yaka, 20“Yudasi Makabayo, vamwavo veve halala na Vayahudi vakhurumi khwitsa khukhola halala na munyi lilakano liu khulera milembe, khwiyunga na khutsi manya khuli valina veru vu khukhukhonya.” 21Varoma vayaanzitswa na makhuva ka vandu venavo valomoloma, 22khandi kalondakhu yaka, nako kahandikwa mu ibarwa yahandikwa khu machina kakhongwa khu mukasa, manirumwa mu litaala likali lia Yerusalemi, khu Vayahudi valiva nu vuhaandichi khulondokhana khu lilakano, lia vali nivakhola yili, 23“Nzikombanga Varoma nende luhia lwa Vayahudi velemanga mu inyanza khandi vamenyanga khulilova vamenye mu milembe mihika ni mihika. Nzikombanga khandi ndi liihe nende vatsiku valivula khuvakwanakhu. 24Navutswa niiva Varoma shivanyala khurindilwa inoho shilala khu vivala vivakhonyanga shia havundu hosi ha vamihanga tawe, 25nalwo lwi shivala shia Vayahudi va vakhonya nu mwoyo kwosi, khulondokhana khuli kenyekhananga. 26Khulondokhana ni lilako lia Varoma, Vayahudi vakhahaakhu vatsiku va Varoma shindu shiosi, viuchi, tsisenti inoho tsimeli tawe. Vayahudi valalonda malako kenako, vuchila khurungwa.
27“Munjila indala yeneyo, nikava liihe lilraanjitswa shichila shivala shia Vayahudi, khu Varoma vanyala khuvakhonya nu mwoyo kwosi, khulondokhana khuli kenyekhananga kave. 28Vatsiku va Vayahudi shivanyala khuheelwa shiukhulia, vukhonyi vundi, tsisenti, inoho tsimeli, manya khuli Varoma vaviritsa tawe.
29“Yaka nako mivaalo khulondokhana khu lilakano lia Varoma vakhola na Vayahudi. 30Lwa mivaalo ki lilakano kenako kaliitsa khuva nikakholanga muhinzilu, tsimbeka tsivili yitsi tsiliitsa khumeetakhu shindu inoho khurulitsaho. Valiitsa khukhola ndio khulondokhana khuli vene valiitsa khulola ni malahi inoho khurulitsaho shia vene valiitsa khuva nivalombi khuva shilahi.
31“Khumeeta khu kenako, khumali khuhandika makhuva khulondokhana khu vindu vitamanu via Mwami Demeturio akholanga mu Vayahudi; nu khuvoola, ‘Shichila shina unyashitsanga vululu muno valina veru, nivali Vayahudi? 32Nikava valakalukha khwililila shichila khutsi, khuliitsa khuva khuluveka lwa Vayahudi, khukwana na munyi mu matsi khandi khulilova.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013