1 MAKABAYO 3
3
Khuli Yudasi Yakuura Muliraanga
1Nalwo lwa Yuda wali ni lira lindi Makabayo yavukula vwiyangu vwa tata wewe, Matatsia yamanya nakwa mwimilili wu mukaanda kwa vasikali. 2Vamwavo veve voosi nende yavo voosi viyunga na tata wewe vamukhonya. Vakwanila Israeli nu vusangali.
3Yudasi yachila vandu veve nivaheelwa luyali;
yifwala inguvu yeye yu mu shiliru khuli musikali wi tsingulu,
yiyavaala viuchi vievie natsia khukwana,
nashinga ni shivavi shieshie havundu ha vasikali veve vamenyanga.
4Yali khuli isimba mu vikholwa vievie,
khuli mwana wi isimba ahumanga niyenya shialia.
5Yavakhava khandi nahitsanyinya yavo vameneka malako;
nasamba vandu vatambitsanga vandu veve.
6Vandu vamenekanga malako vakhutsa mwoyo nivaria Yudasi;
vandu vatamanu voosi vaheenda mwoyo nivakoyana;
yakwana nanyola likuura liu vuvoholole.
7Yachila vami vanyishi nivavukula vurima,
navutswa yachila vandu vi inzu ya Yakobo
nivasangala shichila vikholwa viavo,
khandi vitsominywangwa mihika ni mihika.
8Yakhalakanyila shia havundu hosi mu mataala ka Yudeya;
khali nativitsa vandu vatamanu vakorwa Nyasaye
khurula mu shivala shienesho;
neye wachila Nyasaye navula khulolela Vaisraeli vurima vwevwe.
9Luyali lwelwe lwahulilikhana shia havundu hosi khundulu khwi lilova;
khali navunjelitsa halala yavo voosi vali ni vanyakhananga.
10Navutswa Apolonia yalaanga halala vandu vi tsimbia tsindi, halala nu mukaanda kwa vasikali vanyishi khurula Samaria, khwitsa khukwana Israeli. 11Lwa Yudasi yahulila makhuva kenako, yarula natsia khwana naye. Yamukuura khandi namwiira. Vandu vanyishi vasalilitswa, vandi nivilukha. 12Nalwo lwa va vayaaya miandu chiavo; ma Yudasi navukula shivavi shia Apolonia, nashirumishila mu liihe khumatukhu keke ka yali nashili mwoyo koosi.
13Lwa mwimilili wa vasikali va Siria walaangwangwa Seroni, yahulila ndi Yudasi umali khulaanga halala mukaanda kwa vasikali vanyishi, khumeetakhu vandu vali ni vasuuvilwa valala vali nivamenyakhu naye, khandi vali nivatsia khukwana mu liihe, 14yavoola, “Niitsa khwilombela mwene lira, nu khuheelwa luyali mu vwami vwi shivala shianje. Nzitsanga khukwana Yudasi nende valina veve, vachayanga lilako liu mwami” 15Mukaanda kundi kwi tsingulu kwa vandu vatamanu vali nivakorwa Nyasaye, kwasimukha nu kutsia khumukhonya, khutsia khuvanzila Vaisraeli. 16Lwa Seroni yali nali himbi khutukha khu injila ya Betsi-horoni, Yudasi yasimukha nu mukaanda muti kwa vasikali, natsia khumwakanila. 17Navutswa lwa valola mukaanda kwa vasikali nivitsanga khuvakanila, vavoolela Yudasi, “Khutsi va khuli vati, khunyala munjila shina khukwana mukaanda kwa vasikali vi tsingulu? Khali khuhundushilanga, shichila khushili khuliakhu shiukhulia shiosi khutukha nunundi.”
18Yudasi yachipa, “Shiuvulikhu vutoro khu mukaanda kwa vasikali vati khukuura mukaanda kwa vasikali vanyishi tawe. Vwavukhani vuvulakhuho imbeli wu Mwami Nyasaye, nikava khunyala khuhonyinywa na vandu vanyishi, inoho vati vonyene vutswa. 19Likuura mu liihe, shikali khulondokhana khu vunyishi vu mukaanda kwa vasikali vu khukwana tawe; navutswa tsingulu tsiu khukuura tsirulanga khu Mwami Nyasaye. 20Vatsiku veru vitsanga khukhukwana nu vwichinjililu nu khwambakhana khulonda malako khwitsa khukhutivitsa khutsi, vakhali veru nende vaana veru; khandi vali ni lienya liu khuyaaya miandu chieru. 21Navutswa khutsi khukwanilanga vulamu vweru, khandi shichila malako keru. 22Navutswa Mwami Nyasaye mwene neye utsitsanga khutivitsa vatsiku veru. Nikhali munyi, muvuli khuvaria.”
23Lwa yali niyakhamala khulomoloma, nonoho lwa yamanya nakwana Seroni nende vasikali veve; khandi nivavativitsa. 24Vavahitsanyinya ni va vakholomoshitsa mu lwomera lwa Betsi horoni. Vamanya niviira vandu tsimia munane, ma vandi nivilukha nivatsia mu shivala shia Vafilisti. 25Nalwo lwa Yudasi nende vamwavo veve varilwa, khandi munjila yeneyo vandu vi tsimbia tsindi vamanya nivavaria. 26Luyali lwelwe lwamanya nulutukha khu Mwami Antioko, khali vandu vi tsimbia tsindi nivalomolomakhu makhuva khulondokhana khu maahe, ka Yudasi yali niyakuura.
27Lwa Mwami Antioko yahulila makhuva kenako, yali nu vurima vululu muno. Yahaana lilako vasikali vi tsingulu muno, khutsia khulaangwa shia havundu hosi mu shivala shia yamihanga. 28Yarulitsa tsisenti mu livishilu lielie, manarunga vasikali veve murungu ku khumihika kwosi. Yavavoolela vave nivirechekha khu shia isaa yosi, ya aliitsa khuva na venyi. 29Navutswa yalola manya khuli tsisenti tsivwele mu livishilu, khandi ndi misololo chiosi chia vali nivasolola mu shivala shienesho ni miti, shichila vukoyanu nende matiinyu ka yali naleri lwa yarulitsaho malako kaliho khuraanjila muliraanga. 30Yaria, shichila shiyakhavele ni misololo chia mukhonyanga khukuula vindu via mwene yenyi nende vihanwa vievie khuli yali nachio muliraanga, manya khuli vami valiho imbeli wewe valio nachio tawe. 31Yanyakhana mu tsinganakani muno, maniyirulitsa khutsia Perisia khusolola vushuru vwi tsisenti tsinyishi khurula mu tsisomo tsienetso.
32Yarovola Lisia, wali mundu warulanga mu vandu vu lwivulu lwi inzu yu vwami khusinjilila mihinzilu chiu mwami khuraanjila khu Muchela kwa Efurate khutsia khutukha khu mupaka kwa Misri. 33Lusiha yaheelwa khandi muhinzilu ku khulinda Antioko, wali nali mwana wu mwami khutukha lwa aliitsa khukalukha. 34Yarovola Lisia khusinjilila inusu ya vasikali veve khandi khusinjilila tsinzeku. Yamuha mivaalo ku khukhola shia shindu shiosi shia yenyanga shive ni shikholekhanga. Lisia yaheelwa mivaalo kandi ku khutsia khuvoolela vandu vamenyanga mu Yudeya nende Yerusalemi. 35Lisia yaheelwa malako ku khuvativitsa nu khumulula tsingulu tsia Israeli nende vandu vali nivarikale mu Yerusalemi. Yali nu muhinzilu ku khuvativitsa voosi. 36Yavoolelwa amenyinyi vandu vaviri shia havundu hosi mu lusomo lwavo, nu khuvakavanyila shivala shienesho. 37Khulwa yako, mwami yavukula inusu ya vasikali vali nivarikale, narula mu litaala lielie lia Antiokia, khumuhika kwi imia indala makhomi kane na saba. Yambukha Muchela kwa Efurate, natsia mu shivala shia Mesopotamia.
38Lisia yarovola Putolemi mwana wa Dorimene, Nikanori, nende Gorigia, vandu vali ni tsingulu tsinyishi mu valina vu mwami. 39Yaruma vandu venavo khutsia khutivitsa shivala shia Yuda, halala na vasikali tsiheelefu makhomi kane vu khukwanila hasi khu vilenje, nende vasikali tsiheelefu saba vi tsifarasi. 40Varulaho na vasikali vavo voosi, khandi lwa vali nivakhatukhayo, vasimiikha maheemo kavo ku khumenyamu himbi mu litaala lia Emau mu lwomera. 41Lwa vakholi vu vukhala mu lusomo lwenolo vahulila makhuva ka vali nivamali khuvoolelwa, vavukula ifetsa nende itsahabu mu vunyishi muno nende tsisenti, nivakalukha havundu ha vali nivasimiikha maheemo kavo ku khumenyamu, ni lienya liu khuvukula Vaisraeli manya khuli ni varukwa. Mikaanda chia vasikali khurula Siria, khandi khurula mu shivala shia Vafilisti viyunga navo.
42Yudasi nende vamwavo veve valola ndi matiinyu kali kameetekha khuvo, khandi ndi mikaanda chia vasikali vali vayitsa khumenya mu lusomo lwavo. Vavoolelwa khandi makhuva khulondokhana khuli Mwami Antioko yali naloshitsi kakholwi khuvativitsa. 43Navutswa vavoolelana vene, “Hambi khulombe vuyia shivala shieru, khandi khukwanile vandu veru nende Havundu Hatakatifu heru.” 44Vandu voosi vitsa halala khutsia khukwana, khusaala nu khureeva khulolelwa tsimbavasi. 45Litaala likali lia Yerusalemi liarikala liele, manya khuli mwichendanyama. Mundu avulakhuho warula mulio inoho winjila mulio. Havundu hatakatifu haseenelwa hasi, ma vandu vi tsimbia tsindi nivavukula imbinga yalio. Hakalukhana nava havundu ha vandu vi tsimbia tsindi vamenya. Vandu vi inzu ya Yakobo vanuulwa vuyaanzi; shivakhuvakhu indulelo inoho vukhana tawe.
46Vivunjelitsa halala, nivatsia mu litaala lia Mizipa, khuluveka lundi lwa Yerusalemi, shichila mumatukhu kandi vali na havundu ha vali nivayaanza khusaalila mu litaala lia Mizipa. 47Vahonga vuchila khulia khulitukhu lienelo, nivifwala tsinguvu tsia makunia, nivivekha likooshe khu mirwi chiavo, khandi nivarandula tsinguvu tsiavo. 48Vikula Shitabu shia Malako khwenya khusomamu makhuva kachilanga vandu vi tsimbia tsindi, nivasaala khu vifwanani vi misambwa chiavo. 49Valerayo tsinguvu tsiu vusalisi, viraakwa viu khuraanga khucheswa nende itsaka; manivavwanyinya mulilu mu Vanaziri, vali nivamali muhinzilu kwavo khukwana. 50Valila nivasaala khu Mwami Nyasaye, nivavoola,
“Ni shina shia khunyala khukhola Vanaziri yava?
Ni hena ha khunyala khuvahila?
51Havundu hoho hatakatifu hatuuvakanyilwa hasi nu khwononyinywa,
khali vasalisi vovo vikhulanga nivalila mu tsisoni.
52Vandu vi tsimbia tsindi vamali khwivunjelitsa khukhutivitsa;
nivi wonyene wamanya ka valoshitsanga khukhukhola.
53Nukhunyale ndina khuvakuura,
nikava wambakhane khwitsa khukhukhonya?”
54Nalwo lwa vakhuva shisiliva nivalaanjilila ikulu muno. 55Nikamali khwikholekha kario, Yudasi yarovola vimilili va vandu, khusinjilila mikaanda chia vasikali mu vunyishi mu tsiheelefu, mu tsimia nende makhomi. 56Yudasi yavoolela vandu vali nivumbakhanga tsinzu inoho vali nivaselelwa inoho varaakanga misabibu mu milimi inoho vali nivateteshela khukalukha ingo wavo, khulondokhana khuli malako kavoolanga. 57Nalwo lwa vasikali varoonjela, nivatsia khusimiikha maheemo kavo ku khumenyamu ikuvanda wi litaala lia Emau. 58Yudasi yavoola, “Mwiyavaale vene mukwane, khandi muve ni ikholo. Mwirecheshe nukushili mu mavwevwe khukwana vandu vi tsimbia tsindi vivunjelitsi khwitsa khukhutivitsa khandi khutivitsa Havundu Hatakatifu heru. 59Nu vulahi khukhutsila muliihe khuvira khulola matiinyu nikakwilanga vandu vuluhia lweru khandi Havundu Hatakatifu. 60Navutswa khuli lwa lienya lielie likholekhanga mwikulu, nindio khandi aliitsa khukhola.”
Currently Selected:
1 MAKABAYO 3: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 MAKABAYO 3
3
Khuli Yudasi Yakuura Muliraanga
1Nalwo lwa Yuda wali ni lira lindi Makabayo yavukula vwiyangu vwa tata wewe, Matatsia yamanya nakwa mwimilili wu mukaanda kwa vasikali. 2Vamwavo veve voosi nende yavo voosi viyunga na tata wewe vamukhonya. Vakwanila Israeli nu vusangali.
3Yudasi yachila vandu veve nivaheelwa luyali;
yifwala inguvu yeye yu mu shiliru khuli musikali wi tsingulu,
yiyavaala viuchi vievie natsia khukwana,
nashinga ni shivavi shieshie havundu ha vasikali veve vamenyanga.
4Yali khuli isimba mu vikholwa vievie,
khuli mwana wi isimba ahumanga niyenya shialia.
5Yavakhava khandi nahitsanyinya yavo vameneka malako;
nasamba vandu vatambitsanga vandu veve.
6Vandu vamenekanga malako vakhutsa mwoyo nivaria Yudasi;
vandu vatamanu voosi vaheenda mwoyo nivakoyana;
yakwana nanyola likuura liu vuvoholole.
7Yachila vami vanyishi nivavukula vurima,
navutswa yachila vandu vi inzu ya Yakobo
nivasangala shichila vikholwa viavo,
khandi vitsominywangwa mihika ni mihika.
8Yakhalakanyila shia havundu hosi mu mataala ka Yudeya;
khali nativitsa vandu vatamanu vakorwa Nyasaye
khurula mu shivala shienesho;
neye wachila Nyasaye navula khulolela Vaisraeli vurima vwevwe.
9Luyali lwelwe lwahulilikhana shia havundu hosi khundulu khwi lilova;
khali navunjelitsa halala yavo voosi vali ni vanyakhananga.
10Navutswa Apolonia yalaanga halala vandu vi tsimbia tsindi, halala nu mukaanda kwa vasikali vanyishi khurula Samaria, khwitsa khukwana Israeli. 11Lwa Yudasi yahulila makhuva kenako, yarula natsia khwana naye. Yamukuura khandi namwiira. Vandu vanyishi vasalilitswa, vandi nivilukha. 12Nalwo lwa va vayaaya miandu chiavo; ma Yudasi navukula shivavi shia Apolonia, nashirumishila mu liihe khumatukhu keke ka yali nashili mwoyo koosi.
13Lwa mwimilili wa vasikali va Siria walaangwangwa Seroni, yahulila ndi Yudasi umali khulaanga halala mukaanda kwa vasikali vanyishi, khumeetakhu vandu vali ni vasuuvilwa valala vali nivamenyakhu naye, khandi vali nivatsia khukwana mu liihe, 14yavoola, “Niitsa khwilombela mwene lira, nu khuheelwa luyali mu vwami vwi shivala shianje. Nzitsanga khukwana Yudasi nende valina veve, vachayanga lilako liu mwami” 15Mukaanda kundi kwi tsingulu kwa vandu vatamanu vali nivakorwa Nyasaye, kwasimukha nu kutsia khumukhonya, khutsia khuvanzila Vaisraeli. 16Lwa Seroni yali nali himbi khutukha khu injila ya Betsi-horoni, Yudasi yasimukha nu mukaanda muti kwa vasikali, natsia khumwakanila. 17Navutswa lwa valola mukaanda kwa vasikali nivitsanga khuvakanila, vavoolela Yudasi, “Khutsi va khuli vati, khunyala munjila shina khukwana mukaanda kwa vasikali vi tsingulu? Khali khuhundushilanga, shichila khushili khuliakhu shiukhulia shiosi khutukha nunundi.”
18Yudasi yachipa, “Shiuvulikhu vutoro khu mukaanda kwa vasikali vati khukuura mukaanda kwa vasikali vanyishi tawe. Vwavukhani vuvulakhuho imbeli wu Mwami Nyasaye, nikava khunyala khuhonyinywa na vandu vanyishi, inoho vati vonyene vutswa. 19Likuura mu liihe, shikali khulondokhana khu vunyishi vu mukaanda kwa vasikali vu khukwana tawe; navutswa tsingulu tsiu khukuura tsirulanga khu Mwami Nyasaye. 20Vatsiku veru vitsanga khukhukwana nu vwichinjililu nu khwambakhana khulonda malako khwitsa khukhutivitsa khutsi, vakhali veru nende vaana veru; khandi vali ni lienya liu khuyaaya miandu chieru. 21Navutswa khutsi khukwanilanga vulamu vweru, khandi shichila malako keru. 22Navutswa Mwami Nyasaye mwene neye utsitsanga khutivitsa vatsiku veru. Nikhali munyi, muvuli khuvaria.”
23Lwa yali niyakhamala khulomoloma, nonoho lwa yamanya nakwana Seroni nende vasikali veve; khandi nivavativitsa. 24Vavahitsanyinya ni va vakholomoshitsa mu lwomera lwa Betsi horoni. Vamanya niviira vandu tsimia munane, ma vandi nivilukha nivatsia mu shivala shia Vafilisti. 25Nalwo lwa Yudasi nende vamwavo veve varilwa, khandi munjila yeneyo vandu vi tsimbia tsindi vamanya nivavaria. 26Luyali lwelwe lwamanya nulutukha khu Mwami Antioko, khali vandu vi tsimbia tsindi nivalomolomakhu makhuva khulondokhana khu maahe, ka Yudasi yali niyakuura.
27Lwa Mwami Antioko yahulila makhuva kenako, yali nu vurima vululu muno. Yahaana lilako vasikali vi tsingulu muno, khutsia khulaangwa shia havundu hosi mu shivala shia yamihanga. 28Yarulitsa tsisenti mu livishilu lielie, manarunga vasikali veve murungu ku khumihika kwosi. Yavavoolela vave nivirechekha khu shia isaa yosi, ya aliitsa khuva na venyi. 29Navutswa yalola manya khuli tsisenti tsivwele mu livishilu, khandi ndi misololo chiosi chia vali nivasolola mu shivala shienesho ni miti, shichila vukoyanu nende matiinyu ka yali naleri lwa yarulitsaho malako kaliho khuraanjila muliraanga. 30Yaria, shichila shiyakhavele ni misololo chia mukhonyanga khukuula vindu via mwene yenyi nende vihanwa vievie khuli yali nachio muliraanga, manya khuli vami valiho imbeli wewe valio nachio tawe. 31Yanyakhana mu tsinganakani muno, maniyirulitsa khutsia Perisia khusolola vushuru vwi tsisenti tsinyishi khurula mu tsisomo tsienetso.
32Yarovola Lisia, wali mundu warulanga mu vandu vu lwivulu lwi inzu yu vwami khusinjilila mihinzilu chiu mwami khuraanjila khu Muchela kwa Efurate khutsia khutukha khu mupaka kwa Misri. 33Lusiha yaheelwa khandi muhinzilu ku khulinda Antioko, wali nali mwana wu mwami khutukha lwa aliitsa khukalukha. 34Yarovola Lisia khusinjilila inusu ya vasikali veve khandi khusinjilila tsinzeku. Yamuha mivaalo ku khukhola shia shindu shiosi shia yenyanga shive ni shikholekhanga. Lisia yaheelwa mivaalo kandi ku khutsia khuvoolela vandu vamenyanga mu Yudeya nende Yerusalemi. 35Lisia yaheelwa malako ku khuvativitsa nu khumulula tsingulu tsia Israeli nende vandu vali nivarikale mu Yerusalemi. Yali nu muhinzilu ku khuvativitsa voosi. 36Yavoolelwa amenyinyi vandu vaviri shia havundu hosi mu lusomo lwavo, nu khuvakavanyila shivala shienesho. 37Khulwa yako, mwami yavukula inusu ya vasikali vali nivarikale, narula mu litaala lielie lia Antiokia, khumuhika kwi imia indala makhomi kane na saba. Yambukha Muchela kwa Efurate, natsia mu shivala shia Mesopotamia.
38Lisia yarovola Putolemi mwana wa Dorimene, Nikanori, nende Gorigia, vandu vali ni tsingulu tsinyishi mu valina vu mwami. 39Yaruma vandu venavo khutsia khutivitsa shivala shia Yuda, halala na vasikali tsiheelefu makhomi kane vu khukwanila hasi khu vilenje, nende vasikali tsiheelefu saba vi tsifarasi. 40Varulaho na vasikali vavo voosi, khandi lwa vali nivakhatukhayo, vasimiikha maheemo kavo ku khumenyamu himbi mu litaala lia Emau mu lwomera. 41Lwa vakholi vu vukhala mu lusomo lwenolo vahulila makhuva ka vali nivamali khuvoolelwa, vavukula ifetsa nende itsahabu mu vunyishi muno nende tsisenti, nivakalukha havundu ha vali nivasimiikha maheemo kavo ku khumenyamu, ni lienya liu khuvukula Vaisraeli manya khuli ni varukwa. Mikaanda chia vasikali khurula Siria, khandi khurula mu shivala shia Vafilisti viyunga navo.
42Yudasi nende vamwavo veve valola ndi matiinyu kali kameetekha khuvo, khandi ndi mikaanda chia vasikali vali vayitsa khumenya mu lusomo lwavo. Vavoolelwa khandi makhuva khulondokhana khuli Mwami Antioko yali naloshitsi kakholwi khuvativitsa. 43Navutswa vavoolelana vene, “Hambi khulombe vuyia shivala shieru, khandi khukwanile vandu veru nende Havundu Hatakatifu heru.” 44Vandu voosi vitsa halala khutsia khukwana, khusaala nu khureeva khulolelwa tsimbavasi. 45Litaala likali lia Yerusalemi liarikala liele, manya khuli mwichendanyama. Mundu avulakhuho warula mulio inoho winjila mulio. Havundu hatakatifu haseenelwa hasi, ma vandu vi tsimbia tsindi nivavukula imbinga yalio. Hakalukhana nava havundu ha vandu vi tsimbia tsindi vamenya. Vandu vi inzu ya Yakobo vanuulwa vuyaanzi; shivakhuvakhu indulelo inoho vukhana tawe.
46Vivunjelitsa halala, nivatsia mu litaala lia Mizipa, khuluveka lundi lwa Yerusalemi, shichila mumatukhu kandi vali na havundu ha vali nivayaanza khusaalila mu litaala lia Mizipa. 47Vahonga vuchila khulia khulitukhu lienelo, nivifwala tsinguvu tsia makunia, nivivekha likooshe khu mirwi chiavo, khandi nivarandula tsinguvu tsiavo. 48Vikula Shitabu shia Malako khwenya khusomamu makhuva kachilanga vandu vi tsimbia tsindi, nivasaala khu vifwanani vi misambwa chiavo. 49Valerayo tsinguvu tsiu vusalisi, viraakwa viu khuraanga khucheswa nende itsaka; manivavwanyinya mulilu mu Vanaziri, vali nivamali muhinzilu kwavo khukwana. 50Valila nivasaala khu Mwami Nyasaye, nivavoola,
“Ni shina shia khunyala khukhola Vanaziri yava?
Ni hena ha khunyala khuvahila?
51Havundu hoho hatakatifu hatuuvakanyilwa hasi nu khwononyinywa,
khali vasalisi vovo vikhulanga nivalila mu tsisoni.
52Vandu vi tsimbia tsindi vamali khwivunjelitsa khukhutivitsa;
nivi wonyene wamanya ka valoshitsanga khukhukhola.
53Nukhunyale ndina khuvakuura,
nikava wambakhane khwitsa khukhukhonya?”
54Nalwo lwa vakhuva shisiliva nivalaanjilila ikulu muno. 55Nikamali khwikholekha kario, Yudasi yarovola vimilili va vandu, khusinjilila mikaanda chia vasikali mu vunyishi mu tsiheelefu, mu tsimia nende makhomi. 56Yudasi yavoolela vandu vali nivumbakhanga tsinzu inoho vali nivaselelwa inoho varaakanga misabibu mu milimi inoho vali nivateteshela khukalukha ingo wavo, khulondokhana khuli malako kavoolanga. 57Nalwo lwa vasikali varoonjela, nivatsia khusimiikha maheemo kavo ku khumenyamu ikuvanda wi litaala lia Emau. 58Yudasi yavoola, “Mwiyavaale vene mukwane, khandi muve ni ikholo. Mwirecheshe nukushili mu mavwevwe khukwana vandu vi tsimbia tsindi vivunjelitsi khwitsa khukhutivitsa khandi khutivitsa Havundu Hatakatifu heru. 59Nu vulahi khukhutsila muliihe khuvira khulola matiinyu nikakwilanga vandu vuluhia lweru khandi Havundu Hatakatifu. 60Navutswa khuli lwa lienya lielie likholekhanga mwikulu, nindio khandi aliitsa khukhola.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013