1 MAKABAYO 2
2
Matatsia nende Vaana veve
1Mumatukhu kenako, Matatsia mwana wa Yohana, wali mwana wa musalisi Simioni warulanga mu vandu vu lwivulu lwa Yoharibu yarula mu Yerusalemi natsia khumenya havundu halaangwangwa Modehini. 2Matatsia yali wayivula vaana vi shiyayi varanu, yakulikha Yohana lira lindi Gadi, 3Simoni namulikha Tsasi, 4Yudasi namukulikha Makabayo, 5Eliazari namukulikha Avarani, nende Yonatsani wa yakulikha Afusi.
6Matatsia yalola vindu vitamanu viakholekhanga mu Yuda nende Yerusalemi, 7navoola,
“Wooyi! Ndi khuvutiinyu!
Shichila shina ninzivulwa khulola ka ndolanga yaka,
khuli vandu vaanje vativitswangwa,
khuli litaala likali litakatifu litivitswangwa,
khandi kachilanga nu khumenya mulio,
mutsiku niyalivukula khale,
khandi shichila shina Havundu Hatakatifu
havukulwa na vandu vacheni?
8Litempeli lielie limali khukwa khuli mundu ukhaheelwangwa luyali tawe.
9Vindu vialio viu vukhumi viahilwa mu vuvohe;
khali vaana valio vayiirwa mu tsinjila,
khali mutsiku wamala khwiira vasatsa valio vavukha.
10Shia shivala shiosi khulilova khunu shiamenya mu litaala likali lieru,
khali shia khuyaaya miandu chieru.
11Lisiaya lialio liosi liamala khurulitswaho
livula vuvoholole, liakwa khuli murukwa.
12Lolikhu Litempeli lieru,
livulakhu vulahi vwosi inoho vukhumi vwa liaheelwa;
vandu vi tsimbia tsindi vamala khuliononyinya.
13Shichila shina khutsililile khuva mwoyo?”
14Nalwo lwa Matatsia nende vaana veve varandulanyinya tsinguvu tsiavo, nivifwala tsinguvu tsia naavwa khu makunia; manivaraanga khwikhula nu vuveleli vunyishi mu mwoyo. 15Nalwo lwa varumishi vu mwami, nivali vandu vanikanga vandu khuhinganyinya Nyasaye, vatukha mu litaala lia Modehini khwitsa khukholela musango vandu vi litaala lienelo. 16Vaisraeli vanyishi vitsa khulola varumishi venavo; khali Matatsia nende vaana veve valiyo. 17Nalwo lwa varumishi vu Mwami Antioko valomoloma na Matatsia, nivavoola, “Nivi uli mwimilili waheelwa luyali khandi wi tsingulu tsinyishi mu litaala linu; khandi vaana vovo vi shiyayi nende vamwavo vovo vakhukhonyanga. 18Nu vulahi nuraanji khwitsa khukhola ku Mwami Antioko yenyanga khwikholekha, manya khuli vandu vi tsimbia tsindi voosi, vandu va Yuda nende yavo varikala mu Yerusalemi vakholi khale. Nalwo lwa yivi mwene nende vaana vovo vi shiyayi, muliitsa khuheelwa luyali nu khulaangwa, ‘Valina vu Mwami Antioko’ mamuheelwi ifetsa nende itsahabu inyishi yene muno.”
19Navutswa Matatsia yachipa nalaanjilila nu mwoyo mukali, “Khali nikava vandu vi tsimbia tsindi tsiosi, vu Mwami Antioko yamihanga valondi malako keke, khandi varovole khulonda mechitso keke, shia mulala khuvo khulekhana ni idini yali ya vakuuka vavo, 20khali ndio, inzi mwene nende vaana vaanje vi shiyayi, nende vamwavo vaanje khulatsililila khumenya khulondokhana khu lilakano, liali lia vakuuka veru. 21Shiukhunyala khwambakhana khulonda malako nende mechitso tawe. 22Khutsitsanga khwambakhana khulonda malako ku Mwami Antioko, nu khuvula khukalukhanyinya idini yeru.”
23Lwa yali niyakhamala khulomoloma makhuva kenako, Muyahudi yalolekha imbeli wavo voosi, khwitsa khukhola musango khu vwaali mu litaala lia Modehini, khulondokhana khu malako ku Mwami Antioko. 24Lwa Matatsia yalola kenako, yali nu vurima vululu muno manava ninganakani khuli anyala khukhola. Yali nu vurima vu khukhola likhuva, yilukhaka natsia khumwiirila khu vwaali. 25Mu tsisaa tsienetso, yiira khandi varumishi vu Mwami Antioko, vali nivavanikwa khukhola musango; khali nasambulanyinya vwaali vwavo. 26Nindio khandi Matatsia yamanyinya khwihaana khwekhwe khukhutsila malako, manya khuli Finiasi yakhola lwa yiira Zimuri mwana wa Salu.
27Nalwo lwa Matatsia yalila tsikhwili mu litaala lienelo, navoola, “Shia mundu wosi umali khwirulitsa khukwanila malako khandi wumenyanga khulondokhana khu lilakano, anonde!” 28Matatsia nende vaana veve vi shiyayi vilukha, nivatsia khwivisa mu vikulu, nivarika shia shindu shiosi shia vali nashio mu litaala likali lienelo.
29Mumatukhu kenako, Vaisraeli vanyishi vachelitsanga khuli vanyala khuva valunji khandi khumenya mu katoto vakholomokha, nivatsia mwichendanyama khumenyayo. 30Vo vene, vaana vavo, vakhali vavo nende tsing'ombe tsiavo, shichila matiinyu kali nikavakwilili vatsiayo. 31Vavoolela varumishi vu Mwami Antioko, khandi mikaanda chia vasikali mu Yerusalemi, nilili litaala likali lia Daudi, ndi vandu vali nivambakhane khulonda malako ku Mwami Antioko vamali khukholomokha khutsia khwivisa mwichendanyama. 32Vasikali vanyishi va vahitsanyinya, nivavanyola. Vasimiikha maheemo kavo ku khumenyamu khuluveka lundi, manivaloshitsa khuli va vakwana khulitukhu li Lisabato. 33Vavavoolela, “Ka mukholi kamali khutukha! Hambi mukhole ku Mwami Antioko yenyanga, mutsililile khuva mwoyo.”
34Navutswa vo vene vavoola, “Shiukhunyala khurula ilwanyi, inoho khukhola ku Mwami Antioko yenyanga kakholwi, khwenya khwononyinya litukhu li Lisabato tawe.”
35Nalwo lwa vandu vi shikhaalo vakhola vwangu nivavakwana. 36Navutswa vavulakhu shindu shia vavachipa, inoho khuvalesa ni lichina inoho khwikalila havundu havo ha vivisanga; 37shichila vavoola, “Leshi khukhutsili mu liiva lieru liu khuvula khukhola vutamanu vwosi. Khali likulu nende lilova vihaananga vushiahidi khulondokhana khuli khwiirwangwa, vuchila vwatoto khurweshitswa.” 38Vavakwana khulitukhu li Lisabato, manivakhutsa, khali vakhali vavo, vaana nende tsing'ombe. Vandu iheelefu indala navo vakhutsa. 39Lwa Matatsia nende valina veve vavoolelwa makhuva kenako, vavikhula nu vuveleli vunyishi mu mioyo chiavo. 40Shia mulala yavoolela mureende wewe, “Niiva khunyala khukhola manya khuli vamwiru vakholi, makhwambakhane khukwana vandu vi tsimbia tsindi shichila vulamu vweru nende mechitso keru, valiitsa khukhutivitsa vwangu yuvu.” 41Vaviritsa ku khukhola khulitukhu lienelo, nivavoola, “Leshi khukwane shia mundu wosi, uliitsa khwitsa khukhukwana khulitukhu li Lisabato. Voosi khuvuli khukhutsa, manya khuli vamwiru vakhutsila havundu ha vali nivatsia khwivisa.”
42Nalwo lwi shituma shia Vahasidi, vandu vi tsingulu muno mu Israeli viyunga navo. Shia mundu wosi wali niyihaana mwene khukhutsila malako. 43Shia mundu wosi wali niyilukhanga khuvula khutambitswa yiyunga navo, khali navaha tsingulu. 44Varecheshitsa vasikali, niviira vooni khuvirila mu vurima, khandi vandu vali nivachaya malako mu vululu vwavo. Vandu varikala vilushila mu vandu vi tsimbia tsindi khuva mu vulindi vulahi. 45Matatsia nende valina veve vachenda chenda shia havundu hosi, manivasambula vwaali. 46Vanika vaana vi shiyayi vali nivashili khushevwa, va vali nivanyoli Israeli. 47Vakumila vandu vi shileeche, ma muhinzilu kwavo nu kuhindahala. 48Varulitsa Malako ka Musa khu vandu vi tsimbia tsindi khandi khu vami. Vikalila mukholi wu vwoni khuvula khukuura.
49Lwa matukhu ka Matatsia khukhutsa kali nikali himbi khutukha, yavoolela vaana veve vi shiyayi, “Shileeche nende vwiloli vili nu vunyali muno. Lelo ni matukhu ku khutivitsa nu khumanyinya vurima vululu. 50Khali ndio, munyi vaana vaanje, mumanyinyi khwihaana khwenyu khukhutsila malako, nu khumenya khulondokhana khu lilakano, liali lia vakuuka veru.
51“Yitsushitsikhu ka vakuuka venyu vakhola mumatukhu kavo, khu munyole luyali lwi tsingulu tsinyishi, khandi lira li mihika ni mihika. 52Yitsushitsikhu khuli Aburahamu yavikha lisuuvila lielie mu Mwami Nyasaye lwa yachelitswa, khandi nahuchililwa khuva wi likhola liu vulunji. 53Lwa Yosefu yali mu matiinyu yatsililila khulonda malako, khandi nakwa Muruchi wa Misri. 54Kuuka weru Finiasi yanyola lilakano liu vusalisi vwi mihika ni mihika, shichila yali musuuvilwa muno. 55Yoshwa yakholwa khuva mukhalachi mu Israeli shichila yarweshitsa malako. 56Kalebu yaheelwakhu shitonye mu shivala shienesho shichila yalerela vandu makhuva malahi. 57Daudi yamiha mu shivala shienesho mihika ni mihika, shichila yali nu mwoyo kwi tsimbavasi. 58Eliya yahilwa mwikulu shichila yali wayihaana khukhutsila malako. 59Hanania, Azaria nende Mishaheli vahonyinywa khurula mu mulilu shichila vali vasuuvila. 60Danieli yali mundu musuuvilwa; manahonyinywa khurula mu tsisimba. 61Shia mulala khu vakuuka veru ni shimanyilu shia havulavu khumanyinya ndi shia mundu wosi usuuvilanga mu Nyasaye shianyala khuvwa tsingulu tawe.
62“Muvuli khuria ka mwoni alomolomanga. Mwitsushitse ndi khali ye mwene aliitsa khukhutsa, khandi vunyali vwevwe vuliitsa khuvwa. Mmbili kwekwe kuliitsa khukuunda ma tsinyende tsilikulia. 63Anyala khuheelwa luyali nunundi, navutswa aliitsa khuvula khunyolwa mukamba; shichila aliitsa khuva wakhutsa, khandi ka yakanakananga khukhola kaliitsa khutivitswa. 64Vaana vaanje, tinyi ikholo mamuve ni tsingulu mu malako, shichila nako kaliitsa khuchila muheelwi luyali.
65“Manyi ndi amwavo wenyu Simoni ali nu vusitsa mulishelenyinya. Shia khase khosi mumuhulishitsenje, manya khuli mwa khambulishitsi inzi tata wenyu. 66Yudasi Makabayo yali musikali wi tsingulu khuraanjila mu vuvukha vwevwe. Neye utsitsanga khusinjilila mukaanda kwa vasikali venyu nu khumukwanila vandu vi tsimbia tsindi mumatukhu kukhukwana. 67Munyi voosi vamulondanga malako muliitsa khwiyunga naye. Muliitsa khuvanzila vutamanu vwa vakholela vandu venyu. 68Muliitsa khuvanzila vandu vi tsimbia tsindi khulondokhana khuli vamukhola. Mukhole shia khase khosi ka malako kenyanga.”
69Matatsia yavakasitsa, nakhutsa. 70Yakhutsa nali ni mihika imia indala makhomi kane na sita, manayeveelwa mu vilindwa via vakuuka veve mu litaala lia Modehini. Vaisraeli vamwikhula nu vuveleli vunyishi mu mioyo chiavo.
Currently Selected:
1 MAKABAYO 2: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 MAKABAYO 2
2
Matatsia nende Vaana veve
1Mumatukhu kenako, Matatsia mwana wa Yohana, wali mwana wa musalisi Simioni warulanga mu vandu vu lwivulu lwa Yoharibu yarula mu Yerusalemi natsia khumenya havundu halaangwangwa Modehini. 2Matatsia yali wayivula vaana vi shiyayi varanu, yakulikha Yohana lira lindi Gadi, 3Simoni namulikha Tsasi, 4Yudasi namukulikha Makabayo, 5Eliazari namukulikha Avarani, nende Yonatsani wa yakulikha Afusi.
6Matatsia yalola vindu vitamanu viakholekhanga mu Yuda nende Yerusalemi, 7navoola,
“Wooyi! Ndi khuvutiinyu!
Shichila shina ninzivulwa khulola ka ndolanga yaka,
khuli vandu vaanje vativitswangwa,
khuli litaala likali litakatifu litivitswangwa,
khandi kachilanga nu khumenya mulio,
mutsiku niyalivukula khale,
khandi shichila shina Havundu Hatakatifu
havukulwa na vandu vacheni?
8Litempeli lielie limali khukwa khuli mundu ukhaheelwangwa luyali tawe.
9Vindu vialio viu vukhumi viahilwa mu vuvohe;
khali vaana valio vayiirwa mu tsinjila,
khali mutsiku wamala khwiira vasatsa valio vavukha.
10Shia shivala shiosi khulilova khunu shiamenya mu litaala likali lieru,
khali shia khuyaaya miandu chieru.
11Lisiaya lialio liosi liamala khurulitswaho
livula vuvoholole, liakwa khuli murukwa.
12Lolikhu Litempeli lieru,
livulakhu vulahi vwosi inoho vukhumi vwa liaheelwa;
vandu vi tsimbia tsindi vamala khuliononyinya.
13Shichila shina khutsililile khuva mwoyo?”
14Nalwo lwa Matatsia nende vaana veve varandulanyinya tsinguvu tsiavo, nivifwala tsinguvu tsia naavwa khu makunia; manivaraanga khwikhula nu vuveleli vunyishi mu mwoyo. 15Nalwo lwa varumishi vu mwami, nivali vandu vanikanga vandu khuhinganyinya Nyasaye, vatukha mu litaala lia Modehini khwitsa khukholela musango vandu vi litaala lienelo. 16Vaisraeli vanyishi vitsa khulola varumishi venavo; khali Matatsia nende vaana veve valiyo. 17Nalwo lwa varumishi vu Mwami Antioko valomoloma na Matatsia, nivavoola, “Nivi uli mwimilili waheelwa luyali khandi wi tsingulu tsinyishi mu litaala linu; khandi vaana vovo vi shiyayi nende vamwavo vovo vakhukhonyanga. 18Nu vulahi nuraanji khwitsa khukhola ku Mwami Antioko yenyanga khwikholekha, manya khuli vandu vi tsimbia tsindi voosi, vandu va Yuda nende yavo varikala mu Yerusalemi vakholi khale. Nalwo lwa yivi mwene nende vaana vovo vi shiyayi, muliitsa khuheelwa luyali nu khulaangwa, ‘Valina vu Mwami Antioko’ mamuheelwi ifetsa nende itsahabu inyishi yene muno.”
19Navutswa Matatsia yachipa nalaanjilila nu mwoyo mukali, “Khali nikava vandu vi tsimbia tsindi tsiosi, vu Mwami Antioko yamihanga valondi malako keke, khandi varovole khulonda mechitso keke, shia mulala khuvo khulekhana ni idini yali ya vakuuka vavo, 20khali ndio, inzi mwene nende vaana vaanje vi shiyayi, nende vamwavo vaanje khulatsililila khumenya khulondokhana khu lilakano, liali lia vakuuka veru. 21Shiukhunyala khwambakhana khulonda malako nende mechitso tawe. 22Khutsitsanga khwambakhana khulonda malako ku Mwami Antioko, nu khuvula khukalukhanyinya idini yeru.”
23Lwa yali niyakhamala khulomoloma makhuva kenako, Muyahudi yalolekha imbeli wavo voosi, khwitsa khukhola musango khu vwaali mu litaala lia Modehini, khulondokhana khu malako ku Mwami Antioko. 24Lwa Matatsia yalola kenako, yali nu vurima vululu muno manava ninganakani khuli anyala khukhola. Yali nu vurima vu khukhola likhuva, yilukhaka natsia khumwiirila khu vwaali. 25Mu tsisaa tsienetso, yiira khandi varumishi vu Mwami Antioko, vali nivavanikwa khukhola musango; khali nasambulanyinya vwaali vwavo. 26Nindio khandi Matatsia yamanyinya khwihaana khwekhwe khukhutsila malako, manya khuli Finiasi yakhola lwa yiira Zimuri mwana wa Salu.
27Nalwo lwa Matatsia yalila tsikhwili mu litaala lienelo, navoola, “Shia mundu wosi umali khwirulitsa khukwanila malako khandi wumenyanga khulondokhana khu lilakano, anonde!” 28Matatsia nende vaana veve vi shiyayi vilukha, nivatsia khwivisa mu vikulu, nivarika shia shindu shiosi shia vali nashio mu litaala likali lienelo.
29Mumatukhu kenako, Vaisraeli vanyishi vachelitsanga khuli vanyala khuva valunji khandi khumenya mu katoto vakholomokha, nivatsia mwichendanyama khumenyayo. 30Vo vene, vaana vavo, vakhali vavo nende tsing'ombe tsiavo, shichila matiinyu kali nikavakwilili vatsiayo. 31Vavoolela varumishi vu Mwami Antioko, khandi mikaanda chia vasikali mu Yerusalemi, nilili litaala likali lia Daudi, ndi vandu vali nivambakhane khulonda malako ku Mwami Antioko vamali khukholomokha khutsia khwivisa mwichendanyama. 32Vasikali vanyishi va vahitsanyinya, nivavanyola. Vasimiikha maheemo kavo ku khumenyamu khuluveka lundi, manivaloshitsa khuli va vakwana khulitukhu li Lisabato. 33Vavavoolela, “Ka mukholi kamali khutukha! Hambi mukhole ku Mwami Antioko yenyanga, mutsililile khuva mwoyo.”
34Navutswa vo vene vavoola, “Shiukhunyala khurula ilwanyi, inoho khukhola ku Mwami Antioko yenyanga kakholwi, khwenya khwononyinya litukhu li Lisabato tawe.”
35Nalwo lwa vandu vi shikhaalo vakhola vwangu nivavakwana. 36Navutswa vavulakhu shindu shia vavachipa, inoho khuvalesa ni lichina inoho khwikalila havundu havo ha vivisanga; 37shichila vavoola, “Leshi khukhutsili mu liiva lieru liu khuvula khukhola vutamanu vwosi. Khali likulu nende lilova vihaananga vushiahidi khulondokhana khuli khwiirwangwa, vuchila vwatoto khurweshitswa.” 38Vavakwana khulitukhu li Lisabato, manivakhutsa, khali vakhali vavo, vaana nende tsing'ombe. Vandu iheelefu indala navo vakhutsa. 39Lwa Matatsia nende valina veve vavoolelwa makhuva kenako, vavikhula nu vuveleli vunyishi mu mioyo chiavo. 40Shia mulala yavoolela mureende wewe, “Niiva khunyala khukhola manya khuli vamwiru vakholi, makhwambakhane khukwana vandu vi tsimbia tsindi shichila vulamu vweru nende mechitso keru, valiitsa khukhutivitsa vwangu yuvu.” 41Vaviritsa ku khukhola khulitukhu lienelo, nivavoola, “Leshi khukwane shia mundu wosi, uliitsa khwitsa khukhukwana khulitukhu li Lisabato. Voosi khuvuli khukhutsa, manya khuli vamwiru vakhutsila havundu ha vali nivatsia khwivisa.”
42Nalwo lwi shituma shia Vahasidi, vandu vi tsingulu muno mu Israeli viyunga navo. Shia mundu wosi wali niyihaana mwene khukhutsila malako. 43Shia mundu wosi wali niyilukhanga khuvula khutambitswa yiyunga navo, khali navaha tsingulu. 44Varecheshitsa vasikali, niviira vooni khuvirila mu vurima, khandi vandu vali nivachaya malako mu vululu vwavo. Vandu varikala vilushila mu vandu vi tsimbia tsindi khuva mu vulindi vulahi. 45Matatsia nende valina veve vachenda chenda shia havundu hosi, manivasambula vwaali. 46Vanika vaana vi shiyayi vali nivashili khushevwa, va vali nivanyoli Israeli. 47Vakumila vandu vi shileeche, ma muhinzilu kwavo nu kuhindahala. 48Varulitsa Malako ka Musa khu vandu vi tsimbia tsindi khandi khu vami. Vikalila mukholi wu vwoni khuvula khukuura.
49Lwa matukhu ka Matatsia khukhutsa kali nikali himbi khutukha, yavoolela vaana veve vi shiyayi, “Shileeche nende vwiloli vili nu vunyali muno. Lelo ni matukhu ku khutivitsa nu khumanyinya vurima vululu. 50Khali ndio, munyi vaana vaanje, mumanyinyi khwihaana khwenyu khukhutsila malako, nu khumenya khulondokhana khu lilakano, liali lia vakuuka veru.
51“Yitsushitsikhu ka vakuuka venyu vakhola mumatukhu kavo, khu munyole luyali lwi tsingulu tsinyishi, khandi lira li mihika ni mihika. 52Yitsushitsikhu khuli Aburahamu yavikha lisuuvila lielie mu Mwami Nyasaye lwa yachelitswa, khandi nahuchililwa khuva wi likhola liu vulunji. 53Lwa Yosefu yali mu matiinyu yatsililila khulonda malako, khandi nakwa Muruchi wa Misri. 54Kuuka weru Finiasi yanyola lilakano liu vusalisi vwi mihika ni mihika, shichila yali musuuvilwa muno. 55Yoshwa yakholwa khuva mukhalachi mu Israeli shichila yarweshitsa malako. 56Kalebu yaheelwakhu shitonye mu shivala shienesho shichila yalerela vandu makhuva malahi. 57Daudi yamiha mu shivala shienesho mihika ni mihika, shichila yali nu mwoyo kwi tsimbavasi. 58Eliya yahilwa mwikulu shichila yali wayihaana khukhutsila malako. 59Hanania, Azaria nende Mishaheli vahonyinywa khurula mu mulilu shichila vali vasuuvila. 60Danieli yali mundu musuuvilwa; manahonyinywa khurula mu tsisimba. 61Shia mulala khu vakuuka veru ni shimanyilu shia havulavu khumanyinya ndi shia mundu wosi usuuvilanga mu Nyasaye shianyala khuvwa tsingulu tawe.
62“Muvuli khuria ka mwoni alomolomanga. Mwitsushitse ndi khali ye mwene aliitsa khukhutsa, khandi vunyali vwevwe vuliitsa khuvwa. Mmbili kwekwe kuliitsa khukuunda ma tsinyende tsilikulia. 63Anyala khuheelwa luyali nunundi, navutswa aliitsa khuvula khunyolwa mukamba; shichila aliitsa khuva wakhutsa, khandi ka yakanakananga khukhola kaliitsa khutivitswa. 64Vaana vaanje, tinyi ikholo mamuve ni tsingulu mu malako, shichila nako kaliitsa khuchila muheelwi luyali.
65“Manyi ndi amwavo wenyu Simoni ali nu vusitsa mulishelenyinya. Shia khase khosi mumuhulishitsenje, manya khuli mwa khambulishitsi inzi tata wenyu. 66Yudasi Makabayo yali musikali wi tsingulu khuraanjila mu vuvukha vwevwe. Neye utsitsanga khusinjilila mukaanda kwa vasikali venyu nu khumukwanila vandu vi tsimbia tsindi mumatukhu kukhukwana. 67Munyi voosi vamulondanga malako muliitsa khwiyunga naye. Muliitsa khuvanzila vutamanu vwa vakholela vandu venyu. 68Muliitsa khuvanzila vandu vi tsimbia tsindi khulondokhana khuli vamukhola. Mukhole shia khase khosi ka malako kenyanga.”
69Matatsia yavakasitsa, nakhutsa. 70Yakhutsa nali ni mihika imia indala makhomi kane na sita, manayeveelwa mu vilindwa via vakuuka veve mu litaala lia Modehini. Vaisraeli vamwikhula nu vuveleli vunyishi mu mioyo chiavo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013