1 VAKORINZO 13
13
Shihanwa shiu Vuyaanzi
1Khali niiva nyala khulomoloma tsinomolomo tsiosi, tsia vandu valomolomanga khali tsi tsinjelosi, navutswa mbula vuyaanzi khu vandi, ndi vutswa khuli litebe inoho khuli manyanga kalombanga liyooko. 2Niiva nyala khuva ni tsingulu tsiu khuprofeta, nu khumanya makhuva khulondokhana khu vindu viaviswa khandi mbe nu vucheli vwosi, navutswa niiva ndi ni lisuuvila liosi, linyala khusuunda vikulu; navutswa mbula vuyaanzi, ndi vutswa shikhaya. 3Khali niiva nyala khuvukula miandu chianje, mambe vamanani, nu khuhuchilila khwiirwa, navutswa niiva mbula vuyaanzi, mbula shianyala khunyola shiosi.
4Vuyaanzi vuchilanga mundu yikhutsila, ava nu mwoyo ku khukhonya vandi. Vuyaanzi vuchilanga mundu avula khushendeshela wundi inoho khwichinjilila inoho khwilola. 5Vuyaanzi vuchilanga mundu ava nu mwiima mulahi inoho khuvula khuva mwimani inoho nu vurima vu vwangu. Vuyaanzi vuchilanga mundu avula khuva ni liikha mu mwoyo. 6Vuyaanzi vuchilanga mundu avula khukholela wundi mwiima mutamanu, navutswa khuyaanzilila katoto. 7Vuyaanzi vuchilanga mundu avula khukhutsa mwoyo; ava ni lisuuvila mu shia shindu shiosi, ava ni lisuuvilitswa nu khwikhutsila mu shia shindu shiosi.
8Vuyaanzi vuliitsa khuvaho mihika ni mihika. Navutswa vuprofeti vuliitsa khuvwa. Shihanwa shiu khulomoloma mu tsinomolomo tsinjeni, shilitsa khukora; khali vucheli vuliitsa khurulaho. 9Vihanwa vieru viu vucheli nende vuprofeti, viliitsa khuvaho khumatukhu mati konyene. 10Navutswa lwa shindu shiseletse shilitsa khulolekha, shindu shiliho khumatukhu mati, shilitsa khukora. 11Nishili mwana mutititi, nalomoloma khuli mwana mutititi, nakanakana khuli mwana mutititi, manimbingalitsana mulilomoloma khuli mwana mutititi. Lwa nahindila, nalekhana na makhuva ku khukhola lwaana. 12Shia khulolanga nunundi shilolekhanga khuli shinini mu shilolelo; navutswa khuliitsa khulola moni namoni. Kamanyi nunundi kali khuli makhwelu khwelu; navutswa kaliitsa khumanyikhana koosi -- khumanyikhana koosi khuli vucheli vwa Nyasaye khulondokhana khwinzi.
13Khulwa yako, lisuuvila, lisuuvilitswa nende vuyaanzi, viliitsa khuvaho, navutswa shikali shiene khuvira viosi vivaka nu vuyaanzi.
Currently Selected:
1 VAKORINZO 13: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 VAKORINZO 13
13
Shihanwa shiu Vuyaanzi
1Khali niiva nyala khulomoloma tsinomolomo tsiosi, tsia vandu valomolomanga khali tsi tsinjelosi, navutswa mbula vuyaanzi khu vandi, ndi vutswa khuli litebe inoho khuli manyanga kalombanga liyooko. 2Niiva nyala khuva ni tsingulu tsiu khuprofeta, nu khumanya makhuva khulondokhana khu vindu viaviswa khandi mbe nu vucheli vwosi, navutswa niiva ndi ni lisuuvila liosi, linyala khusuunda vikulu; navutswa mbula vuyaanzi, ndi vutswa shikhaya. 3Khali niiva nyala khuvukula miandu chianje, mambe vamanani, nu khuhuchilila khwiirwa, navutswa niiva mbula vuyaanzi, mbula shianyala khunyola shiosi.
4Vuyaanzi vuchilanga mundu yikhutsila, ava nu mwoyo ku khukhonya vandi. Vuyaanzi vuchilanga mundu avula khushendeshela wundi inoho khwichinjilila inoho khwilola. 5Vuyaanzi vuchilanga mundu ava nu mwiima mulahi inoho khuvula khuva mwimani inoho nu vurima vu vwangu. Vuyaanzi vuchilanga mundu avula khuva ni liikha mu mwoyo. 6Vuyaanzi vuchilanga mundu avula khukholela wundi mwiima mutamanu, navutswa khuyaanzilila katoto. 7Vuyaanzi vuchilanga mundu avula khukhutsa mwoyo; ava ni lisuuvila mu shia shindu shiosi, ava ni lisuuvilitswa nu khwikhutsila mu shia shindu shiosi.
8Vuyaanzi vuliitsa khuvaho mihika ni mihika. Navutswa vuprofeti vuliitsa khuvwa. Shihanwa shiu khulomoloma mu tsinomolomo tsinjeni, shilitsa khukora; khali vucheli vuliitsa khurulaho. 9Vihanwa vieru viu vucheli nende vuprofeti, viliitsa khuvaho khumatukhu mati konyene. 10Navutswa lwa shindu shiseletse shilitsa khulolekha, shindu shiliho khumatukhu mati, shilitsa khukora. 11Nishili mwana mutititi, nalomoloma khuli mwana mutititi, nakanakana khuli mwana mutititi, manimbingalitsana mulilomoloma khuli mwana mutititi. Lwa nahindila, nalekhana na makhuva ku khukhola lwaana. 12Shia khulolanga nunundi shilolekhanga khuli shinini mu shilolelo; navutswa khuliitsa khulola moni namoni. Kamanyi nunundi kali khuli makhwelu khwelu; navutswa kaliitsa khumanyikhana koosi -- khumanyikhana koosi khuli vucheli vwa Nyasaye khulondokhana khwinzi.
13Khulwa yako, lisuuvila, lisuuvilitswa nende vuyaanzi, viliitsa khuvaho, navutswa shikali shiene khuvira viosi vivaka nu vuyaanzi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013