1 VAKORINZO 12
12
Vihanwa Virulanga khu Roho Mutakatifu
1Vasuuvili vashieru, makhuva khu vihanwa virulanga khu Roho Mutakatifu; nyenyanga mumanye katoto khulondokhana khuvio. 2Mwamanya ndi lwa mwali numushili vandu vatamanu vakorwa Nyasaye, mwakaatilitswa, numusaala khu misambwa chivula vulamu. 3Khulwa yako, nyenyanga mumanye ndi mundu avulakhuho wa Roho wa Nyasaye yimililanga unyala khuvoola, “Yesu alaamwi!” Mundu avulakhuho unyala khuvoola “Yesu nu Mwami,” Roho Mutakatifu nakhamuvoolele.
4Khuliho ni vihanwa mu vikha vinyishi virulanga khu Roho Mutakatifu, navutswa Roho mulala mwele neye uhaananga. 5Khuliho ni mihinzilu mu vikha vinyishi chikholwangwa, navutswa nu Mwami mulala mwele neye wa varumishilanga. 6Khuliho ni mihinzilu mu vikha vinyishi chikholwangwa, navutswa Nyasaye mulala mwele neye uheetsanga vandu tsingulu tsiu khukhola shia muhinzilu. 7Shia mulala khuvo waheelwa muhinzilu kwa Roho, khwenya ave nu vukhonyi khu vandi voosi. 8Shia mulala waheelwa likhuva lihaananga vusitsa khuvirila khu Roho; navutswa wundi waheelwa likhuva lihaananga vucheli khuvirila khu Roho mulala mwele. 9Roho mulala mwele aheetsanga mulala lisuuvila; nikhali khu wundi amuheetsanga tsingulu tsiu khuhonyinya khuvirila khu Roho mulala mwele. 10Roho aheetsanga shia mulala tsingulu tsiu khukhola viloleshitsu, wundi shihanwa shiu khuprofeta, na wundi khandi vunyali vu khwavukhanyinya vihanwa virulanga khu Roho na yevo vikharulanga khu Roho tawe. Roho aheetsanga mundu mulala vunyali vu khulomoloma mu tsinomolomo tsinjeni, na wundi vunyali vu khwivaalila vandu ka vavoolanga. 11Navutswa Roho mulala mwele, neye wu kholanga mihinzilu yichi chiosi; khandi aheetsanga shia mulala shihanwa shieshie, khuli yikombanga kave nikakholekhanga.
Mmbili Mulala ni Vivelo Viakwo
12Khuli lwa mmbili kuli mulala khandi kuli ni vivelo vinyishi; khali niiva vivelo vienevo ni vinyishi, vilombanga mmbili mulala, nindio khandi mmbili kwa Kristo kuli. 13Khali ndio, khutsi voosi, khuve Vayahudi inoho vandu vi tsimbia tsindi, khuve varukwa inoho vavoholole, khwabatiswa mu mmbili mulala na Roho mulala mwele; khandi voosi khwaheelwa Roho mulala mwele mu mioyo chieru.
14Shikanyala khuva mmbili kwene kwalombwa ni shivelo shilala shionyene tawe; navutswa kwalombwa ni vivelo vinyishi. 15Niiva shilenje shiakhavooli, “Lwakhali mukhono, shindi shivelo shilala khu mmbili,” shivune shienesho shishinyala khushilomba khuvula khuva shivelo shilala khu mmbili tawe. 16Niiva liroyi liakhavooli, “Lwakhali imoni, shindi shivelo shilala khu mmbili,” shivune shienesho shishinyala khushilomba khuvula khuva shivelo shilala khu mmbili tawe. 17Niiva mmbili kwosi kwakhavele khuli imoni yonyene, kwakhalola munjila shina? Niiva kwakhavele liroyi lionyene, kwa khahulila munjila shina? 18Navutswa khuli lwa kali, Nyasaye yarechekha shia shivelo shiosi khu mmbili khuli yali niyarovola kakholeshe. 19Niiva vivelo viosi viakhavele niviahambanyinywa halala, ni hena wa mmbili kwakhavele? 20Khuli kali katoto, khuli ni vivelo vinyishi; navutswa nu mmbili mulala.
21Khulwa yako, imoni shinyala khuvoolela mukhono, “Shikhwenyi tawe!” Inoho murwi kuvoolele shilenje, “Shikhwenyi tawe!” 22Khuluveka lundi, vivelo viu mmbili vilolekhanga khuva viteteshele, vili nu vukhonyi muno. 23Vivelo via khukanakananga vivula vukhonyi, navio via khulindanga vulahi muno; navutswa vivelo viu mmbili via khulolanga vivula likoondo lilahi khu mmbili, navio via khulolanga khuva vilahi viene muno; 24khandi vivelo via khuvukulanga ni vilahi muno, khulekhanga khuvilinda vulahi. Navutswa Nyasaye yahambanyinya vivelo khu mmbili, nahaana luyali khu vivelo via khulolanga vivula vukhonyi vwosi. 25Vwavukhani vuvulakhuho khu mmbili, navutswa vivelo vili khu mmbili vinyala khukhonyana viene khu viene. 26Niiva shivelo shilala khu mmbili shinyala khusalila, vivelo vindi viosi visalililanga khulala. Niiva shivelo shilala khu mmbili shilitsa khuheelwa luyali, vivelo vindi viosi viliitsa khusangalila khulala.
27Munyi voosi nunundi muli khuli mmbili kwa Kristo, khandi shia mulala khu munyi, ali khuli shivelo khu mmbili kwenoko. 28Nyasaye warovola mu likanisa lukhuraanga lwene varumwa, lwa khavili vaprofeti, lwa khavaka veechitsi nende vandu vu khukhola viloleshitsu, vandu vu khuhonyinya vandi, vandu vu khukhonya vandi, vimilili vu khwimilila vandi, khandi vandu vu khulomoloma mu tsinomolomo tsinjeni. 29Shikali vandu voosi ni varumwa inoho vaprofeti inoho veechitsi tawe. Vandu voosi shivali ni tsingulu tsiu khukhola viloleshitsu; 30inoho khuhonyinya vulwale inoho khulomoloma mu tsinomolomo tsinjeni inoho khwivaalila vandu ka vavoolanga tawe. 31Navutswa mwikombe shihanwa shili nu vukhonyi muno khuvira vindi viosi.
Shilondakhu yishi, nashio shihanwa shilahi shiene muno shiu khulonda mu miima chindi chiosi.
Currently Selected:
1 VAKORINZO 12: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 VAKORINZO 12
12
Vihanwa Virulanga khu Roho Mutakatifu
1Vasuuvili vashieru, makhuva khu vihanwa virulanga khu Roho Mutakatifu; nyenyanga mumanye katoto khulondokhana khuvio. 2Mwamanya ndi lwa mwali numushili vandu vatamanu vakorwa Nyasaye, mwakaatilitswa, numusaala khu misambwa chivula vulamu. 3Khulwa yako, nyenyanga mumanye ndi mundu avulakhuho wa Roho wa Nyasaye yimililanga unyala khuvoola, “Yesu alaamwi!” Mundu avulakhuho unyala khuvoola “Yesu nu Mwami,” Roho Mutakatifu nakhamuvoolele.
4Khuliho ni vihanwa mu vikha vinyishi virulanga khu Roho Mutakatifu, navutswa Roho mulala mwele neye uhaananga. 5Khuliho ni mihinzilu mu vikha vinyishi chikholwangwa, navutswa nu Mwami mulala mwele neye wa varumishilanga. 6Khuliho ni mihinzilu mu vikha vinyishi chikholwangwa, navutswa Nyasaye mulala mwele neye uheetsanga vandu tsingulu tsiu khukhola shia muhinzilu. 7Shia mulala khuvo waheelwa muhinzilu kwa Roho, khwenya ave nu vukhonyi khu vandi voosi. 8Shia mulala waheelwa likhuva lihaananga vusitsa khuvirila khu Roho; navutswa wundi waheelwa likhuva lihaananga vucheli khuvirila khu Roho mulala mwele. 9Roho mulala mwele aheetsanga mulala lisuuvila; nikhali khu wundi amuheetsanga tsingulu tsiu khuhonyinya khuvirila khu Roho mulala mwele. 10Roho aheetsanga shia mulala tsingulu tsiu khukhola viloleshitsu, wundi shihanwa shiu khuprofeta, na wundi khandi vunyali vu khwavukhanyinya vihanwa virulanga khu Roho na yevo vikharulanga khu Roho tawe. Roho aheetsanga mundu mulala vunyali vu khulomoloma mu tsinomolomo tsinjeni, na wundi vunyali vu khwivaalila vandu ka vavoolanga. 11Navutswa Roho mulala mwele, neye wu kholanga mihinzilu yichi chiosi; khandi aheetsanga shia mulala shihanwa shieshie, khuli yikombanga kave nikakholekhanga.
Mmbili Mulala ni Vivelo Viakwo
12Khuli lwa mmbili kuli mulala khandi kuli ni vivelo vinyishi; khali niiva vivelo vienevo ni vinyishi, vilombanga mmbili mulala, nindio khandi mmbili kwa Kristo kuli. 13Khali ndio, khutsi voosi, khuve Vayahudi inoho vandu vi tsimbia tsindi, khuve varukwa inoho vavoholole, khwabatiswa mu mmbili mulala na Roho mulala mwele; khandi voosi khwaheelwa Roho mulala mwele mu mioyo chieru.
14Shikanyala khuva mmbili kwene kwalombwa ni shivelo shilala shionyene tawe; navutswa kwalombwa ni vivelo vinyishi. 15Niiva shilenje shiakhavooli, “Lwakhali mukhono, shindi shivelo shilala khu mmbili,” shivune shienesho shishinyala khushilomba khuvula khuva shivelo shilala khu mmbili tawe. 16Niiva liroyi liakhavooli, “Lwakhali imoni, shindi shivelo shilala khu mmbili,” shivune shienesho shishinyala khushilomba khuvula khuva shivelo shilala khu mmbili tawe. 17Niiva mmbili kwosi kwakhavele khuli imoni yonyene, kwakhalola munjila shina? Niiva kwakhavele liroyi lionyene, kwa khahulila munjila shina? 18Navutswa khuli lwa kali, Nyasaye yarechekha shia shivelo shiosi khu mmbili khuli yali niyarovola kakholeshe. 19Niiva vivelo viosi viakhavele niviahambanyinywa halala, ni hena wa mmbili kwakhavele? 20Khuli kali katoto, khuli ni vivelo vinyishi; navutswa nu mmbili mulala.
21Khulwa yako, imoni shinyala khuvoolela mukhono, “Shikhwenyi tawe!” Inoho murwi kuvoolele shilenje, “Shikhwenyi tawe!” 22Khuluveka lundi, vivelo viu mmbili vilolekhanga khuva viteteshele, vili nu vukhonyi muno. 23Vivelo via khukanakananga vivula vukhonyi, navio via khulindanga vulahi muno; navutswa vivelo viu mmbili via khulolanga vivula likoondo lilahi khu mmbili, navio via khulolanga khuva vilahi viene muno; 24khandi vivelo via khuvukulanga ni vilahi muno, khulekhanga khuvilinda vulahi. Navutswa Nyasaye yahambanyinya vivelo khu mmbili, nahaana luyali khu vivelo via khulolanga vivula vukhonyi vwosi. 25Vwavukhani vuvulakhuho khu mmbili, navutswa vivelo vili khu mmbili vinyala khukhonyana viene khu viene. 26Niiva shivelo shilala khu mmbili shinyala khusalila, vivelo vindi viosi visalililanga khulala. Niiva shivelo shilala khu mmbili shilitsa khuheelwa luyali, vivelo vindi viosi viliitsa khusangalila khulala.
27Munyi voosi nunundi muli khuli mmbili kwa Kristo, khandi shia mulala khu munyi, ali khuli shivelo khu mmbili kwenoko. 28Nyasaye warovola mu likanisa lukhuraanga lwene varumwa, lwa khavili vaprofeti, lwa khavaka veechitsi nende vandu vu khukhola viloleshitsu, vandu vu khuhonyinya vandi, vandu vu khukhonya vandi, vimilili vu khwimilila vandi, khandi vandu vu khulomoloma mu tsinomolomo tsinjeni. 29Shikali vandu voosi ni varumwa inoho vaprofeti inoho veechitsi tawe. Vandu voosi shivali ni tsingulu tsiu khukhola viloleshitsu; 30inoho khuhonyinya vulwale inoho khulomoloma mu tsinomolomo tsinjeni inoho khwivaalila vandu ka vavoolanga tawe. 31Navutswa mwikombe shihanwa shili nu vukhonyi muno khuvira vindi viosi.
Shilondakhu yishi, nashio shihanwa shilahi shiene muno shiu khulonda mu miima chindi chiosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013