Nhlavutelo 6
6
Ta mimfungu
1Kutani nivona Xinyempfana loko xili karhi xipfula mfungu wosungula ka leyi ya ntlhanu ni yimbirhi, kutani nitwa xin'we ka svivumbiwa lesvihanyaka sva mune xivula hi rito leridzindzaka kufana ni tilo, xiku: “Tana!” 2#Vona ni: Zak. 1:8; 6:3,6.Nilanguta, kutani nivona hanchi lerobasa. Lweyi agadeke rona aakhomile vurha, anyikiwile ni hari ya vuhosi, ahuma kukota nhenha leyiyaka kuhluleni.
3Loko Xinyempfana xipfulile mfungu wa vumbirhi, nitwa xivumbiwa lexihanyaka xa vumbirhi xiku: “Tana!” 4Kutani hanchi rin'wana rihuma. Arili ropshuka; mugadi wa rona aanyikiwile matimba yopfuxa tinyimpi misaveni, lesvaku vanhu vadlayana; aanyikiwile ni ripanga lerikulu.
5Loko Xinyempfana xipfulile mfungu wa vunharhu, nitwa xivumbiwa lexihanyaka xa vunharhu xiku: “Tana!” Nilanguta, kutani nivona hanchi ra ntima. Mugadi wa rona aatamele xikalu xa kupima vokweni ra yena. 6Kutani nitwa xofana ni rito lerihumaka ka svivumbiwa lesvihanyaka sva mune, riku: “Mpimo wa trigu utaxaviwa hi denari rin'we ntsena; ni mimpimo yinharhu ya maxalana yitaxaviwa hi denari rin'we ntsena; kambe ungawonhi mafurha ya maolivha ni vhinyu.”
7Loko Xinyempfana xipfulile mfungu wa vumune, nitwa xivumbiwa lexihanyaka xa vumune xiku: “Tana!” 8#Vona ni: Ezek. 14:21. Nilanguta, kutani nivona hanchi ra halandi. Mugadi wa rona aavuliwa “Rifu” ni lweyi vange i “Tihele” aamulandzelela. Avanyikiwile matimba henhla ka sva xikhemu xin'we xa vumune#6:8 Xikhemu xin'we xa vumune: ¼. xa misava, kusvidlaya hi tlhari ni jandza ni ntungu ni hi sviharhi sva nhova.
9Loko Xinyempfana xipfulile mfungu wa vuntlhanu, nivona hansi ka alitari mimoya ya lava avadlayiwile hi mhaka ya kutwalisa Rito ra Xikwembu ni hikolaho ka kuveka vumboni bza vona. 10Avahuwelela hi rito leritlakukeke vaku: “Wena Hosi ya matimba hinkwawu, wena wokwetsima, wa ntiyiso, svahatateka nkarhi muni kufika laha ungatalondza ni kuyavanyisa vayaki va misava hi mhaka ya ngati ya hina xana?” 11Kutani mun'wana ni mun'wana wa vona anyikiwa xiyambalu xoleha lexobasa; vabzeliwa kuya mahlweni ni kuhumula nkarhinyana kambe, kukondza kuhetiseka ntsengo wa malandzakulobze ni vamakwavu, lava vangatadlawa kufana na vona.
12 # Vona ni: Nhlav. 11:3; 16:18; Ez. 13:10; Yow. 2:10,31; 3:15; Mat. 24:29; Mar. 13:24-25; Luk. 21:25. Kutani nilanguta loko Xinyempfana xipfula mfungu wa vuntlhanu ni wun'we. Kuva ni kutsekatseka lokukulu ka misava; jambu rihundzuka ra ntima, rifana ni saka rokhwaxa, n'weti wuhundzuka wopshuka kufana ni ngati. 13Tinyeleti ta tilo tiwela misaveni tifana ni makuwa ya mambisi loko majujiwa hi moya wa matimba lowu wuhlakahlaka nkuwa wakona. 14#Vona ni: Nhlav. 16:20. Kutani tilo risusiwa kufana ni buku loko risongiwa. Loko risongiwile tintshava hinkwatu ni svihlale hinkwasvu svisusiwa tindhawini ta svona. 15Hi loko tihosi ta misava ni tindhuna ni vafambisi vatinyimpi ni vafumi ni vanhu va matimba, ni lavan'wana hinkwavu, svikarawa kumbe lavatshunxekeke, vatumbela timhakweni ni le hansi ka maribze ya tintshava. 16#Vona ni: Hoz. 10:8; Luk. 23:30. Vabzela tintshava ni maribze vaku: “Hiweleni henhla, mihifunengeta lesvaku lweyi atshameke xiluvelweni atakala angahivoni, ni vukarhi bza Xinyempfana bzitakala bzingahifikeli. 17Hikuva siku lerikulu ra vukarhi bza vona rifikile, kutani i mani lweyi angaritiyelaka xana?”
Currently Selected:
Nhlavutelo 6: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.
