Popular Bible Verses from Nhlavutelo 6

Share

Nilanguta, kutani nivona hanchi ra halandi. Mugadi wa rona aavuliwa “Rifu” ni lweyi vange i “Tihele” aamulandzelela. Avanyikiwile matimba henhla ka sva xikhemu xin'we xa vumune xa misava, kusvidlaya hi tlhari ni jandza ni ntungu ni hi sviharhi sva nhova.

Nilanguta, kutani nivona hanchi lerobasa. Lweyi agadeke rona aakhomile vurha, anyikiwile ni hari ya vuhosi, ahuma kukota nhenha leyiyaka kuhluleni.

Loko Xinyempfana xipfulile mfungu wa vuntlhanu, nivona hansi ka alitari mimoya ya lava avadlayiwile hi mhaka ya kutwalisa Rito ra Xikwembu ni hikolaho ka kuveka vumboni bza vona.

Avahuwelela hi rito leritlakukeke vaku: “Wena Hosi ya matimba hinkwawu, wena wokwetsima, wa ntiyiso, svahatateka nkarhi muni kufika laha ungatalondza ni kuyavanyisa vayaki va misava hi mhaka ya ngati ya hina xana?” Kutani mun'wana ni mun'wana wa vona anyikiwa xiyambalu xoleha lexobasa; vabzeliwa kuya mahlweni ni kuhumula nkarhinyana kambe, kukondza kuhetiseka ntsengo wa malandzakulobze ni vamakwavu, lava vangatadlawa kufana na vona.

Kutani hanchi rin'wana rihuma. Arili ropshuka; mugadi wa rona aanyikiwile matimba yopfuxa tinyimpi misaveni, lesvaku vanhu vadlayana; aanyikiwile ni ripanga lerikulu.

Hikuva siku lerikulu ra vukarhi bza vona rifikile, kutani i mani lweyi angaritiyelaka xana?”

Kutani nilanguta loko Xinyempfana xipfula mfungu wa vuntlhanu ni wun'we. Kuva ni kutsekatseka lokukulu ka misava; jambu rihundzuka ra ntima, rifana ni saka rokhwaxa, n'weti wuhundzuka wopshuka kufana ni ngati. Tinyeleti ta tilo tiwela misaveni tifana ni makuwa ya mambisi loko majujiwa hi moya wa matimba lowu wuhlakahlaka nkuwa wakona.

Loko Xinyempfana xipfulile mfungu wa vunharhu, nitwa xivumbiwa lexihanyaka xa vunharhu xiku: “Tana!” Nilanguta, kutani nivona hanchi ra ntima. Mugadi wa rona aatamele xikalu xa kupima vokweni ra yena. Kutani nitwa xofana ni rito lerihumaka ka svivumbiwa lesvihanyaka sva mune, riku: “Mpimo wa trigu utaxaviwa hi denari rin'we ntsena; ni mimpimo yinharhu ya maxalana yitaxaviwa hi denari rin'we ntsena; kambe ungawonhi mafurha ya maolivha ni vhinyu.”

Kutani tilo risusiwa kufana ni buku loko risongiwa. Loko risongiwile tintshava hinkwatu ni svihlale hinkwasvu svisusiwa tindhawini ta svona. Hi loko tihosi ta misava ni tindhuna ni vafambisi vatinyimpi ni vafumi ni vanhu va matimba, ni lavan'wana hinkwavu, svikarawa kumbe lavatshunxekeke, vatumbela timhakweni ni le hansi ka maribze ya tintshava.