Nhlavutelo 22
22
1 # Vona ni: Ezek. 47:1; Zak. 14:8. Kutani ntsumi yinikomba nambu wa mati ya vutomi lowuvangamaka kufana ni “krixtali”, wukhuluka wuhuma Xitshan'wini xa Vuhosi xa Xikwembu ni xa Xinyempfana. 2Xikarhi ka ntsendzele wa doropa ni le matlhelweni ya nambu seni ni seniya, akuli ni nsinya wa vutomi#22:2 Kumbe: wuhuma xitshan'wini xa Xikwembu ni xa Xinyempfana, wukhuluka xikarhi ka ntsandlele wa doropa; matlhelweni ya nambu, hala ni hala, ku ni nsinya wa vutomi. lowupsalaka khume ra mihandzu ni yimbirhi, wupsala mihandzu yakona hweti yin'wana ni yin'wana; nasvona matluka ya nsinya wakona matirhela kujaha vanhu va matiko hinkwawu. 3Akungahavi na nchumu lexingarhukiwa kona. Xitshamu xa Vuhosi xa Xikwembu ni xa Xinyempfana xitava ndzeni ka doropa, kutani malandza ya xona mataxitirhela. 4Vatavona nghohe ya xona, ni vito ra xona ritava mimombzeni ya vona. 5#Vona ni: Ez. 60:19; Dan. 7:18. Vusiku abzingahavi kona, avangahavileli rivoni kumbe jambu, hikuva Hosi Xikwembu xitava kuvonakala ka vona, kutani vatafuma hilaha kungaheliki.
Ta kuta ka Kriste
6Kutani ntsumi yiku ka mina: “Marito lawa matshembeka, ma ni ntiyiso. Hosi Xikwembu, xona lexinyikaka vaprofeta Moya wa xona, xirhumele ntsumi ya xona kukomba malandza ya xona svilo lesvi svifanelaka kuhumelela kungali khale.”
7Yesu ali: “Vonani, nata svosvisvosvi. Kukatekile lweyi ahlayisaka marito ya vuprofeta bza buku leyi.”
8Hi mina Yohani hi xiviri ningatwa ni kuvona svilo lesvi. Kutani loko nisvitwile ni kusvivona, niwa hi matsolo, kugandzela milengeni ya ntsumi leyi yinikombeke svona. 9Kambe yiku ka mina: “Ungatshuki uyendla svosvo! Mina ni nandza ntsena, kukota wena ni vamakwenu, vanga vaprofeta ni hinkwavu lavahlayisaka marito ya buku leyi. Gandzela Xikwembu!” 10Yitlhela yiku ka mina: “Ungalemi marito ya vuprofeta bza buku leyi, hikuva nkarhi wukusuhi. 11Lweyi ayendlaka lesvobiha aaye mahlweni ayendla lesvobiha, wa chaka aaye mahlweni na rona, lweyi alulameke, aaye mahlweni ayendla lesvolulama, ni lweyi akwetsimeke aaye mahlweni atikwetsimisa nakambe.”
12 # Vona ni: Ez. 40:10; 62:11; Psal. 28:4; Yer. 17:10. Yesu ali: “Vonani, nata svosvisvosvi, nita ni hakelo ya mina, kutahakela mun'wana ni mun'wana hi kuya hi lesvi asviyendleke. 13Hi mina Alfa na Omega, lweyi worhanga ni lweyi wohetelela, kusungula ni kuhela.”
14 # Vona ni: Gen. 2:9; 3:22. Kukatekile lavahlampsaka sviyambalu sva vona, lesvaku vatava ni matimba ya kuja nsinya wa vutomi, ni kunghena doropeni hi minyangwa ya rona. 15Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.
16Yesu ali: “Nirhumile ntsumi ya mina tikerekeni lesvaku yimitivisa ntiyiso wa svilo lesvi. Hi mina rimintsu ra Davhida, ni wa rixaka ra yena, nyeleti leyovangama ya mixo.”
17 # Vona ni: Ez. 55:1. Moya ni Mutekiwa vali: “Tana! Ni lweyi asvitwaka aavule aku: ‘Tana!’ Lweyi anga ni torha aate; ni lweyi asvinavelaka aanwe mati ya vutomi mahala, angahakeli.”
18 # Vona ni: Dew. 4:2; 12:32. Mina Yohani nitivisa mani na mani lweyi atwaka marito ya vuprofeta bza buku leyi, nili: Loko munhu ayengetela svin'wana ka wona, Xikwembu xitayengetela ka yena mintungu leyitsaliweke bukwini leyi. 19Ni loko mun'wana angasusa svin'wana ka marito ya vuprofeta bza buku leyi, Xikwembu xitamusivela kuja mihandzu ya nsinya wa vutomi, ni kutshama doropeni Lerokwetsima, svinga svilo lesvihlamuseliweke bukwini leyi.
20Yena lweyi ativisaka ntiyiso wa timhaka leti, ali: “Hakunene, nata svosvisvosvi.”
Amen, tana Hosi Yesu!
21Timpsalu ta Hosi Yesu ative ni hinkwavu!
Currently Selected:
Nhlavutelo 22: NTC2014
Highlight
Copy
Compare
Share
Want to have your highlights saved across all your devices? Sign up or sign in
Novo Testamento Changana © Bible Society of Mozambique, 2014.
