Popular Bible Verses from Nhlavutelo 22

Share

Hi mina Alfa na Omega, lweyi worhanga ni lweyi wohetelela, kusungula ni kuhela.”

Yesu ali: “Vonani, nata svosvisvosvi, nita ni hakelo ya mina, kutahakela mun'wana ni mun'wana hi kuya hi lesvi asviyendleke.

Moya ni Mutekiwa vali: “Tana! Ni lweyi asvitwaka aavule aku: ‘Tana!’ Lweyi anga ni torha aate; ni lweyi asvinavelaka aanwe mati ya vutomi mahala, angahakeli.”

Kukatekile lavahlampsaka sviyambalu sva vona, lesvaku vatava ni matimba ya kuja nsinya wa vutomi, ni kunghena doropeni hi minyangwa ya rona.

Yesu ali: “Vonani, nata svosvisvosvi. Kukatekile lweyi ahlayisaka marito ya vuprofeta bza buku leyi.”

Vusiku abzingahavi kona, avangahavileli rivoni kumbe jambu, hikuva Hosi Xikwembu xitava kuvonakala ka vona, kutani vatafuma hilaha kungaheliki.

Yena lweyi ativisaka ntiyiso wa timhaka leti, ali: “Hakunene, nata svosvisvosvi.” Amen, tana Hosi Yesu! Timpsalu ta Hosi Yesu ative ni hinkwavu!

Mina Yohani nitivisa mani na mani lweyi atwaka marito ya vuprofeta bza buku leyi, nili: Loko munhu ayengetela svin'wana ka wona, Xikwembu xitayengetela ka yena mintungu leyitsaliweke bukwini leyi. Ni loko mun'wana angasusa svin'wana ka marito ya vuprofeta bza buku leyi, Xikwembu xitamusivela kuja mihandzu ya nsinya wa vutomi, ni kutshama doropeni Lerokwetsima, svinga svilo lesvihlamuseliweke bukwini leyi.